newssting
BITING NEWS :
*బెంగళూరు వన్డేలో టీమ్ ఇండియా విజయం. 3 వన్డేల సీరీస్ ను 2-1 తేడాతో కైవసం చేసుకున్న టీమ్ ఇండియా. 7 వికెట్ల తేడాతో ఆస్ట్రేలియాపై గెలుపు *అమరావతిలో హైటెన్షన్.. అసెంబ్లీ ముట్టడికి టీడీపీ ప్లాన్*చంద్రబాబు ప్రజలకు వాస్తవాలు చెప్పడం లేదు. రాజధాని రైతులకు జగన్ కౌలు కూడా ఇచ్చారు. సామాన్యులకు రాజధానితో పనేముంది? అమరావతిలో పోలీసులకు చంద్రబాబు నీళ్లు కూడా ఇవ్వకుండా చేస్తున్నారు-హోంశాఖ మంత్రి సుచరిత *ఇవాళ అసెంబ్లీ ప్రత్యేక సమావేశం *బెజవాడలో నేతలకు పోలీసుల నోటీసులు. టీడీపీ మాజీ ఎమ్మెల్యేలు బోండా ఉమ, ఎంపీ కేశినేని నానికి నోటీసులు. ఎమ్మెల్సీలు బుద్దా, రాజేంద్రప్రసాద్, తంగిరాల సౌమ్య సహా పలువురు టీడీపీ నేతలకు నోటీసులు. వామపక్షాలు, జేఏసి నేతలకు కూడా పోలీసుల నోటీసులు *రేపటి కేబినెట్, అసెంబ్లీకి రహస్యంగా సిద్ధమవుతోన్న నోట్స్, బిల్లులు. గుంభనంగా సాగుతున్న ప్రభుత్వ చర్యలు*తెలంగాణలో ఊపందుకున్న మునిసిపల్ పోరు *తెరాస, కాంగ్రెస్ పార్టీలు ఒకేగూటి పక్షులు. తెరాస కు ఓటు వేస్తె ఎంఐఎం కు ఓటు వేసినట్టే. కేంద్రం ఇచ్చిన నిధులతోనే తెలంగాణలో అభివృద్ధి. కేంద్రం నిధులపై కేటీఆర్ చర్చకు సిద్ధమా ? - లక్ష్మణ్ *విశాఖ: ఓట్ల కోసం గాజువాక.. రాజకీయాలకు అమరావతి కావాల్సి వచ్చిందా? గాజువాక ప్రజలకు పవన్ కల్యాణ్ క్షమాపణలు చెప్పాలి-మంత్రి అవంతి శ్రీనివాస్

అమరావతిలో ఉద్రిక్తత.. సీఎం ఫ్లెక్సీల దగ్ధం

21-12-201921-12-2019 13:11:02 IST
Updated On 21-12-2019 13:11:01 ISTUpdated On 21-12-20192019-12-21T07:41:02.950Z21-12-2019 2019-12-21T07:40:29.495Z - 2019-12-21T07:41:01.386Z - 21-12-2019

అమరావతిలో ఉద్రిక్తత.. సీఎం ఫ్లెక్సీల దగ్ధం
facebooktwitterGooglewhatsappwhatsappGoogle
ఏపీ ప్రభుత్వ తాజా నిర్ణయంతో అమరావతి ప్రాంతంలోని రాజధాని గ్రామాలు అట్టుడుకుతున్నాయి. ప్రశాంతంగా ఉండే ప్రాంతమంతా.. రైతుల నిరసనలతో హోరెత్తుతోంది. వెలగపూడిలో రైతులు దీక్షలు కొనసాగిస్తుండగా.. మందడంలో ఆందోళనలు ఉధృతం చేస్తున్నారు. ఏపీలో రాజధాని మార్పు అంశంపై రైతులు చేస్తున్న ఆందోళనలు రోజురోజుకీ ఉద్రికత్తలకు దారితీస్తున్నాయి.

Image

శనివారం ఉదయం మందడంలో రైతులకు, పోలీసులకు మధ్య వాగ్వాదం చోటు చేసుకుంది. శనివారం ఉదయం నుంచే ఆందోళనకు దిగిన రైతులు, గ్రామస్తులు రోడ్డుపై టైర్లు తగులబెట్టేందుకు యత్నించారు. వెంటనే పోలీసులు వారిని అడ్డుకున్నారు. దీంతో కొంత సేపు అక్కడ ఉద్రిక్తత నెలకొంది.

కొంతమంది రైతులు రోడ్లకు అడ్డంగా ఫ్లెక్సీలు కట్టి నిరసన తెలుపుతున్నారు. జీఎన్‌రావు కమిటీ రిపోర్టు అంతా బూటకమని, అది జీఎన్ రావు కమిటీ కాదు.. జగన్ కమిటీ అని కొంతమంది రైతులు మండిపడుతున్నారు.  చిన్నా, పెద్ద తేడా లేకుండా అంతా రోడ్ల మీదకు వచ్చి నిరసనలు తెలుపుతుండడంతో వారిని నిలువరించడం పోలీసులకు సాధ్యం కావడంలేదు. ప్రభుత్వానికి వ్యతిరేకంగా నినాదాలతో హోరెత్తిస్తున్నారు. ధర్నా శిబిరంలో రోడ్లపై పడుకుని నిరసన తెలుపుతున్నారు. రాజధానిగా అమరావతినే కొనసాగించాలని డిమాండ్ చేస్తున్నారు. 

మరోవైపు సచివాలయం వైపు సందర్శకులు, మంత్రులు, అధికారుల వాహనాలను రానివ్వకుండా మందడం గ్రామంలో రోడ్లకు అడ్డంగా సిమెంట్‌ బెంచ్‌లు, ట్రాక్టర్లు అడ్డు పెట్టారు. దీంతో  పోలీసులు, రైతులకు మధ్య తీవ్రస్థాయిలో వాగ్వాదం జరుగుతోంది. పరిస్థితి అదుపు తప్పే ప్రమాదం ఉండటంతో అక్కడ భారీగా పోలీసులు మోహరించారు. ఇటు వెలగపూడిలో రైతులు తమ దీక్షలు కొనసాగిస్తున్నారు. భూములిచ్చిన రైతుల ఉసురు తీస్తోందని వారు ఆగ్రహం వ్యక్తం చేస్తున్నారు. 

ప్రభుత్వం దిగిరాకుంటే తమ ఆందోళన మరింత ఉధృతం చేస్తామన్నారు. రాష్ట్రవ్యాప్తంగా రైతులందరినీ కూడగట్టుకుని భారీ ఎత్తున ఉద్యమం చేపడతామని హెచ్చరిస్తున్నారు. రైతుల ఉద్యమానికి టీడీపీ సంఘీభావం ప్రకటించింది. 

ఇదిలాఉంటే.. తమకు రాష్ట్ర ప్రయోజనాలే ప్రభుత్వానికి ముఖ్యమని.. స్వార్థ ప్రయోజనాలు తమకు లేవంటున్నారు మంత్రి అవంతి శ్రీనివాస్‌. 13 జిల్లాలు అభివృద్ధి చెందాలనే ఆకాంక్షతోనే మూడు రాజధానులు ఆలోచనతో ముందుకెళతామంటున్నారు. అమరావతికి తాము వ్యతిరేకం కాదన్నారు. విశాఖ రాజధానిని చేయడంతో ఉత్తరాంధ్ర జిల్లాలు అభివృద్ధి చెందుతాయన్నారు. 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle