newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

అప్పుడు ఆమంచి.. ఇప్పుడు వంశీ..!

16-11-201916-11-2019 08:55:37 IST
Updated On 16-11-2019 12:39:39 ISTUpdated On 16-11-20192019-11-16T03:25:37.082Z16-11-2019 2019-11-16T03:25:32.406Z - 2019-11-16T07:09:39.663Z - 16-11-2019

అప్పుడు ఆమంచి.. ఇప్పుడు వంశీ..!
facebooktwitterGooglewhatsappwhatsappGoogle
ఒక పార్టీ నుంచి మ‌రో పార్టీలోకి వెళ్లే ముందు పాత పార్టీపై, నాయ‌కుల‌పై విమ‌ర్శ‌లు చేయ‌డం, నింద‌లు వేయ‌డం, త‌మ‌కు జ‌రిగిన అన్యాయాల‌ను ఏక‌ర‌వు పెట్ట‌డం స‌హ‌జ‌మే.

సుజ‌నా చౌద‌రి, సీఎం ర‌మేష్‌, రేవంత్ రెడ్డి వంటి కొంద‌రు ఇందుకు మిన‌హాయింపు అయినా ఎక్కువ మంది మాత్రం అంత కాలం ఉన్న పార్టీపై ఆరోప‌ణ‌లు చేస్తుంటారు. కొత్తగా చేరే పార్టీలో మార్కులు కొట్టేయాల‌నో లేదా ఇంత‌కాలం పాత పార్టీలో అనుభ‌వించిన ఆవేద‌న‌ను వెళ్ల‌గ‌క్కాల‌నో విమ‌ర్శ‌లు గుప్పిస్తుంటారు.

అయితే, ఈ విమ‌ర్శ‌ల‌కు ఒక హ‌ద్దు ఉంటుంది. భ‌విష్య‌త్‌లో కాలం ఎలా తిరుగుతుందో అనే భ‌యం, పాత పార్టీపై, అధినేత‌పై గౌర‌వం ఉన్న‌వారు మాత్రం ఇందుకు మిన‌హాయింపు. పార్టీ నుంచి వెళ్లిపోతున్నా విమ‌ర్శ‌లు చేయ‌కుండా వెళ్లిపోతారు.

కానీ, ఎన్నిక‌ల ముందు టీడీపీ నుంచి వైసీపీలో చేరిన ఆమంచి కృష్ణ‌మోహ‌న్‌, ఇప్పుడు చేర‌బోతున్న వ‌ల్ల‌భ‌నేని వంశీ మాత్రం ఇందుకు భిన్నం. వీరికి భ‌విష్య‌త్‌పై బెంగ లేదు. దూకుడు స్వ‌భావంతో రాజ‌కీయాలు చేసే వ్య‌క్తులు. పార్టీ క‌న్నా వ్య‌క్తిగ‌త ఇమేజ్‌ను న‌మ్ముకునే నేత‌లు.

ఆమంచి కృష్ణ‌మోహ‌న్ చీరాల నియోజ‌క‌వ‌ర్గంలో బ‌ల‌మైన నేత‌. ఎన్నిక‌ల వ్యూహాల్లో ఆయ‌న దిట్ట‌. అందుకే నంద్యాల ఉప ఎన్నిక‌లో చంద్ర‌బాబు నాయుడు పిలిచి మరీ ఆమంచికి ప్ర‌త్యేక బాధ్య‌త‌లు అప్ప‌గించారు.

ఈ గెలుపులో ఆమంచిది కీల‌క పాత్ర. చంద్ర‌బాబు ఆయ‌న‌కు బాగా ప్రాధాన్య‌త ఇచ్చేవారు. ఆమంచి పార్టీ నుంచి వెళ్లాల‌నుకున్న‌ప్పుడు ఆయ‌న‌ను బుజ్జ‌గించేందుకు తీవ్రంగా ప్ర‌య‌త్నించారు. కానీ, ఆమంచి విన‌కుండా వైసీపీలో చేరిపోయారు.

ఆమంచి వెళుతూ టీడీపీలో త‌న‌కు జ‌రిగిన అన్యాయాన్ని చెబుతూ విమ‌ర్శ‌లు చేశారు. దీనికి టీడీపీ ప్ర‌తివిమ‌ర్శ‌లు చేసింది. త‌న‌ను ఇంత‌కాలం వాడుకొని త‌న‌పై ఇంత‌లా విమ‌ర్శ‌లు చేస్తారా అనే కోపంతో ఆమంచి విజృంభించారు.

చంద్ర‌బాబు నాయుడు స్వ‌భావం ఇదీ, టీడీపీలో ఇలా జ‌రుగుతోంది అంటూ పార్టీ అంత‌ర్గ‌త విష‌యాల‌ను సైతం బ‌య‌ట‌పెట్టారు. దీంతో అప్పుడు అధికారంలో ఉన్న టీడీపీ ఆమంచి ప్ర‌త్యేకంగా టార్గెట్ చేసి మ‌రీ చీరాల‌లో ఓడించింది. ఇలా అధికార పార్టీ టార్గెట్ చేసి ఉండ‌క‌పోతే త‌న‌కున్న ఇమేజ్‌, జ‌గ‌న్ వేవ్‌తో సునాయ‌స‌నంగా ఆమంచి కృష్ణ‌మోహ‌న్ గెలిచేవారు.

ఇక‌, ఇప్పుడు వ‌ల్ల‌భ‌నేని వంశీ అయితే ఆమంచిని మించిపోయారు. వ‌ల్ల‌భ‌నేని కూడా నియోజ‌క‌వ‌ర్గంలో ప‌ట్టున్న నేత‌. జ‌గ‌న్ ప్ర‌భంజ‌నానికి ఎదురెళ్లి గ‌న్న‌వ‌రంలో విజ‌యం సాధించారు.

అయితే, అధినేత వ‌ద్ద ఆయ‌న‌కు వ్య‌క్తిగ‌తంగా మంచి అభిప్రాయం, ప్రాధాన్య‌త ఉన్నా జిల్లా పార్టీ ముఖ్యుల‌తో ఏ మాత్రం పొస‌గ‌లేదు. వంశీని బుజ్జ‌గించేందుకు చంద్ర‌బాబు చేసిన ప్ర‌య‌త్నాలు ఫ‌లించ‌క‌పోవ‌డంతో ఆయ‌న టీడీపీకి గుడ్‌బై చెప్పారు.

వెళుతూ పార్టీపై, చంద్ర‌బాబు, లోకేష్‌పై విమ‌ర్శ‌లు చేశారు. వంశీది దూకుడు స్వ‌భావం. ఈ విష‌యం టీడీపికి బాగా తెలుసు. దీంతో వంశీ వ్య‌వ‌హారంలో న‌లుగురు ఎంపీలు పార్టీ మారిన‌ప్పుడు స్పందించిన‌ట్లుగా స్పందిస్తే అయిపోయేది.

కానీ, విమ‌ర్శ‌ల‌కు ప్ర‌తివిమ‌ర్శ‌లు గుప్పించే ప్ర‌య‌త్నం చేసింది. స‌హ‌జంగానే వంశీకి కోపం ఎక్కువ‌. పైగా 15 ఏళ్లుగా టీడీపీలో ఉంటున్న త‌న‌కు ఆ పార్టీలోని లోటుపాట్లు అన్నీ తెలుసు.

దీంతో ఒక్క‌సారిగా రెచ్చిపోయారు. టీడీపీకి శ‌త్రువుగా మారిపోయారు. విమ‌ర్శ‌లు దాటి తిట్ల దండ‌కాన్ని అందుకున్నారు. లాజిక‌ల్‌గా మాట్లాడే మాట‌కారి కావ‌డంతో టీడీపీ వంశీకి స‌రైన కౌంట‌ర్ ఇవ్వ‌లేక‌పోతోంది.

ఎవ‌రు వంశీపై మాట్లాడితే వారి గురించి వంశీ అంత‌ర్గ‌త విష‌యాలు, వ్య‌క్తిగ‌త విమ‌ర్శ‌లు చేసేందుకు సిద్ధంగా ఉన్నారు. దీంతో వంశీకి కౌంట‌ర్ ఇచ్చేందుకు నేత‌లు ముందుకు రాని ప‌రిస్థితి.

ఎన్నిక‌ల ముందు ఇలానే ఆమంచితో ఇబ్బంది ప‌డ్డ టీడీపీ ఇప్పుడు వంశీ విష‌యంలోనూ ఇబ్బంది ప‌డుతోంది. వంశీ మాట‌లు, తిట్ల వ‌ల్ల ఆయ‌న వ్య‌క్తిగ‌త ఇమేజ్ త‌గ్గినా అంత‌కు మించి తెలుగుదేశం పార్టీకి న‌ష్టం జ‌రిగే అవ‌కాశం ఉంది. మ‌రి, వంశీ వ్య‌వ‌హారాన్ని టీడీపీ ఇప్ప‌టికైనా ప‌క్క‌న‌పెడుతుందా లేదా కొన‌సాగించి మ‌రింత ప‌లుచ‌న అవుతుందా చూడాలి.

ఇక‌, టీడీపీ వ్య‌వ‌హారం చూస్తున్న వైసీపీ ఆమంచి కృష్ణ‌మోహ‌న్‌, వ‌ల్ల‌భ‌నేని వంశీ విష‌యంలో కొంత జాగ్ర‌త్త‌గా ఉంటే మేల‌ని రాజ‌కీయ విశ్లేషకులు సూచిస్తున్నారు. లేక‌పోతే ఇప్పుడు టీడీపీ ప‌రిస్థితి రేపు వైసీపీ రాద‌నే న‌మ్మ‌కం లేదు క‌దా.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle