newssting
BITING NEWS :
* భారత్-అమెరికా మధ్య కుదిరిన ఐదు ఒప్పందాలు.. ట్రంప్‌తో నాకు ఇది ఐదో సమావేశం, ట్రంప్ సకుటుంబంగా భారత్‌కు రావడం సంతోషంగా ఉంది-ప్రధాని మోడీ*మూడు బిలియన్ డాలర్ల ఒప్పందం జరిగింది, సహజవాయురంగంలో ఒప్పందం చేసుకున్నాం-డొనాల్డ్ ట్రంప్ *ఇండియాతో మాకు ప్రత్యేక అనుబంధం, ఈ టూర్ ఎప్పటికీ మర్చిపోలేను, రెండు దేశాలకు ఇది ఉపయోగకరమైన పర్యటన, ఇస్లాం తీవ్రవాదంపై కూడా చర్చించాం-ట్రంప్ * నిర్భయ దోషుల ఉరి శిక్షలో మరో ట్విస్ట్..! విచారణ 5వ తేదీకి వాయిదా *ఐఆర్ఎస్ అధికారి జాస్తి కృష్ణకిషోర్‌ సస్పెన్షన్ రద్దుచేసిన క్యాట్.. కృష్ణకిషోర్‌ కేంద్ర సర్వీసులకు వెళ్లేందుకు ట్రైబ్యునల్‌ అనుమతి, కృష్ణకిషోర్‌పై కేసులను ప్రభుత్వం చట్టప్రకారం పరిశీలించుకోవచ్చన్న క్యాట్ *ఢిల్లీ సర్వోదయ స్కూల్‌లో అమెరికన్ ఫస్ట్ లేడీ మెలానియా ట్రంప్... హ్యాపిసెన్ క్లాస్‌లను పరిశీలించిన మెలానియా*రాజ్యసభ ఎన్నికల షెడ్యూల్‌ విడుదల.. నోటిఫికేషన్‌ మార్చి 6, నామినేషన్లకు చివరి తేది మార్చి 13, నామినేషన్ల పరిశీలన మార్చి 16, నామినేషన్ల ఉపసంహరణకు చివరి తేది మార్చి 18, మార్చి 26న ఉదయం 9 గంటల నుంచి సాయంత్రం 4 గంటల వరకు పోలింగ్. సాయంత్రం 5 గంటలకు కౌంటింగ్ * సాయంత్రం మోడీ-ట్రంప్ విందుకు హాజరుకానున్న ప్రముఖులు. రాలేనని సందేశం పంపిన మాజీ పీఎం మన్మోహన్ సింగ్

అన్నబాటలో తమ్ముడు.. భీమవరం, గాజువాకలో పోటీ

19-03-201919-03-2019 12:28:00 IST
Updated On 19-03-2019 17:24:36 ISTUpdated On 19-03-20192019-03-19T06:58:00.171Z19-03-2019 2019-03-19T06:57:58.345Z - 2019-03-19T11:54:36.209Z - 19-03-2019

అన్నబాటలో తమ్ముడు.. భీమవరం, గాజువాకలో పోటీ
facebooktwitterGooglewhatsappwhatsappGoogle
జనసేన అధినేత పవన్ కల్యాణ్ ఎక్కడినుంచి పోటీ చేయబోతున్నారు..? ఇదే అంశంపై గత కొన్నిరోజులుగా చర్చ జరుగుతోంది. పార్టీ కార్యవర్గం నిర్ణయం మేరకు భీమవరం, గాజువాక నియోజకవర్గాల నుంచి పోటీ చేస్తున్నట్లు పేర్కొన్నారు. 

గతంలో భీమవరం, పిఠాపురం, గాజువాక అని వార్తలు వచ్చాయి. తర్వాత ఏలూరు, అనంతపురం, ఇచ్చాపురం, కర్నూలు, తిరుపతి నియోజకవర్గాలు కూడా తెరమీదకు వచ్చాయి. చివరాఖరికి గాజువాక సీటు కన్ ఫర్మ్ అయింది. ఆయన రెండు అసెంబ్లీ స్థానాల్లో ఈ సారి ఎన్నికల బరిలో దిగనున్నారు. ఈ మేరకు పార్టీ కార్యవర్గం నిర్ణయం తీసుకుందని పవన్‌ మంగళవారం ట్వీట్‌ చేశారు. గాజువాక పారిశ్రామిక ప్రాంతం కావడంతో.. వామపక్షాల పొత్తు కార్మిక వర్గ ఓటు బ్యాంకును సొంతం చేసుకోవచ్చంటున్నారు. భీమవరంలో కాపు ఓటు బ్యాంకు ఎక్కువగా ఉండడంతో పార్టీ భీమవరం వైపు మొగ్గుచూపింది. 

గాజువాకతో పాటు తిరుపతి స్థానం నుంచి పవన్ పోటీచేయాలని తొలుత భావించారు. 2009 ఎన్నికల్లో పవన్ అన్నయ్య చిరంజీవీ పీఆర్పీ తరఫున పాలకొల్లు, తిరుపతి నుంచి పోటీచేసిన సంగతి తెలిసిందే. అయితే పాలకొల్లులో బంగారు ఉషారాణి చేతిలో ఆయన ఓటమి పాలయ్యారు. తిరుపతిలో విజయం సాధించారు. ఇప్పుడు తమ్ముడు పవన్ కూడా తిరుపతిలో పోటీచేయడానికి రెడీ కావాలని భావించినా పార్టీ అధిష్టానం మాత్రం తిరుపతిని తప్పించింది. 

గాజువాక నుంచి ప్రజారాజ్యం తరఫున ఎమ్మెల్యేగా గెలిచిన చింతలపూడి వెంకట్రామయ్య గతేడాది జనసేనలో చేరారు. గాజువాక నుంచి పోటీ చేసేందుకు రంగం సిద్ధం చేసుకుని గ్రౌండ్‌ వర్క్‌ కూడా పూర్తి చేసుకున్నారు. పవన్‌ దృష్టి గాజువాకపై పడిందని తెలియడంతో ఆయన.. పక్కనే ఉన్న పెందుర్తిపై ఫోకస్‌ పెట్టారు. కాపులు అధికంగా ఉన్న పెందుర్తిలో పరిస్థితి సానుకూలంగా ఉంటుందన్న నమ్మకంతో అక్కడి నుంచి పోటీ చేస్తున్నారు. ఈక్రమంలోనే జనసేన రెండో జాబితాలో చింతలపూడి వెంకట్రామయ్యకు పెందుర్తి టికెట్‌ను ఖరారు చేశారు.

గాజువాక విషయానికి వస్తే.. గత ఎన్నికల్లో టీడీపీ, వైసీపీలే ఇక్కడ ప్రధానంగా పోటీ పడ్డాయి. టీడీపీ అభ్యర్థి పల్లా శ్రీనివాసరావు విజయం సాధించారు. గాజువాక నుంచి వైసీపీ తరఫున తిప్పల నాగిరెడ్డి, బీజేపీ నుంచి పులుసు జనార్దన్‌ పోటీ చేయబోతున్నారు. గాజువాకలో అనూహ్యంగా చంద్రబాబు సిట్టింగ్ ఎమ్మెల్యే పల్లా శ్రీనివాసరావుకే సీటిచ్చారు.

ఇటు భీమవరం సీటులో పవన్ గెలవడం అంత ఆషామాషీ కాదంటున్నారు. అక్కడ టీడీపీ, వైసీపీ మధ్య బలమయిన పోటీ ఉంది. ఈ పోటీ మధ్య భీమవరం పవన్ కళ్యాణ్ కి ఏమేరకు కలిసి వస్తుందో చూడాలి. 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle