newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

అత్యంత సన్నిహితుడైన ఎల్వీతో ఇంత చెడిందేంటి?

05-11-201905-11-2019 11:19:08 IST
Updated On 05-11-2019 15:46:24 ISTUpdated On 05-11-20192019-11-05T05:49:08.099Z05-11-2019 2019-11-05T05:49:05.587Z - 2019-11-05T10:16:24.956Z - 05-11-2019

అత్యంత సన్నిహితుడైన ఎల్వీతో ఇంత చెడిందేంటి?
facebooktwitterGooglewhatsappwhatsappGoogle
ఐఏఎస్ అధికారి ఎల్వీ సుబ్రహ్మణ్యంను ప్రభుత్వ ప్రధానకార్యదర్శిగా విధుల నుండి తప్పించి బదిలీ చేయడం ఇప్పుడు ఏపీ రాజకీయాలలో హాట్ టాపిక్. నిజానికి ఎల్వీ సుబ్రహ్మణ్యం సీఎం జగన్మోహన్ రెడ్డి కుటుంబానికి అత్యంత సన్నిహిత అధికారులలో ప్రథముడు. వైఎస్ రాజశేఖరెడ్డి హయంలోనే ఎల్వీ ఆ కుటుంబానికి ఆప్తుడిగా మారగా జగన్మోహన్ రెడ్డి అక్రమాస్తుల కేసులలో ఆరోపణలు ఎదుర్కొంటున్న ఐఏఎస్ అధికారులలో కూడా ఎల్వీ ప్రధముడిగా ఉన్నారు.

మొన్నటి 2019 ఎన్నికలకు ముందు టీడీపీ అధికారాలను దుర్వినియోగం చేస్తుందనే ఆరోపణలతో కేంద్ర ఎన్నికల సంఘం ఏపీకి సీఎస్ గా సుబ్రహ్మణ్యంను నియమించింది. స్వతహాగానే వైఎస్ కుటుంబానికి సన్నిహితుడు కావడంతో ఎన్నికల సమయంలో ప్రభుత్వ కీలక సమాచారాలను వైసీపీ పెద్దలకు పంపించారని ఆరోపణలు వచ్చాయి. అప్పుడు ఆయన చేసిన సేవలుకానీ.. సన్నిహితుడే కావడం కానీ వైసీపీ ప్రభుత్వం ఏర్పాటయ్యాక కూడా సిఎస్ గా ఆయననే కొనసాగించారు.

ఇంతవరకు బాగానే ఉన్నా.. ఏపీ ప్రభుత్వం-సీఎంఓకు మరో అధికారి ప్రవీణ్ ప్రకాష్ రాకతో ముసలం మొదలైంది. సీఎంఓలోకి పొలిటికల్ సెక్రటరీగా వచ్చిన ప్రవీణ్ జీవోలు జారీ చేసే అధికారాన్ని తనకు తాను దాఖలు పరుచుకోవడంతో మొదలైన ఇన్నర్ వార్ చివరికి సిఎస్ సుబ్రహ్మణ్యంను కార్యాలయం నుండి బయటకు పంపే వరకు వచ్చినట్లుగా తెలుస్తుంది. దీనికి ప్రధాన కారణం ఈమధ్యనే జరిగిన క్యాబినెట్ భేటీలో ప్రవీణ్ ప్రకాష్ సుబ్రహ్మణ్యం అధికారులకు ఖాతరు చేయకపోవడమే.

క్యాబినెట్ ఎజెండాలో సీఎస్ పొందుపరిచిన అంశాలను పక్కనబెట్టడమే కాక ప్రవీణ్ ప్రకాష్ తాను సొంతంగా కొత్త విషయాలపైను ఎజెండాలో చేర్చి క్యాబినెట్లో చర్చకు పెట్టారు. విధివిధానాలను ప్రవీణ్ పక్కనపెట్టేశారన్న కోపంతో సిఎస్ సుబ్రమణ్యం షోకాజ్ నోటీసులు జారీచేశారు. వారం రోజులలోగా ఎజెండాలోని అంశాలపై వివరణ ఇవ్వాలని ఆ నోటీసులలో పేర్కొన్నారు. అయితే సిఎస్ నోటీసులు ఇచ్చిన తర్వాత పనిదినంలోనే నోటీసులు అందుకున్న ప్రవీణ్ సిఎస్ ను బదిలీ చేయడమే సంచలనంగా మారింది.

గత కొద్ది రోజులుగా ఈ ఇద్దరి అధికారుల మధ్య ఆధిపత్య పోరు సీఎంఓ అధికారులకు తెలిసిందే కాగా ఎల్వీ సుబ్రహ్మణ్యం పంచాయతీని సీఎం వద్దకు తీసుకెళ్లేందుకు కూడా ప్రయత్నించారు. అయితే సీఎం తన సలహాదారు అజేయ కల్లంతో చర్చించుకోవాలని సూచించగా ఇప్పుడు ఏకంగా బదిలీ వేటు పడింది. మరి ఇది సీఎం జగన్మోహన్ రెడ్డికి తెలియకుండానే జరిగిందా అంటే అలా జరిగే అవకాశమే లేదని రాజకీయ వర్గాల భావనగా ఉంది.

మరి అంత విధేయుడిగా ఉన్న ఎల్వీ ఇప్పుడు ఎందుకు కానివాడిగా మారిపోయారు? ఆరునెలలోనే ఇంత చెడిందా? ఆప్తుడైన ఎల్వీకి ఎందుకింత అవమానం? వైసీపీ ప్రభుత్వం ఏర్పడిన తొలి రోజులలో ఏపీ రెసిడెంట్ కమిషనర్ గా అక్రమాల ఆరోపణలు ఎదుర్కొన ప్రవీణ్ ప్రకాష్ ఏకంగా సీఎంఓలోకి ఎలా వచ్చారు. ఇంతలోనే అంత దగ్గర ఎలా అయ్యారు? నోటీసులు అందుకున్న వ్యక్తే సిఎస్ ను చేయడమేంటి? అసలు సీఎంఓలో ఏం జరుగుతుంది? సీఎం జగన్ ఉన్నతాధికారులపై పట్టుకోల్పోయారా? పట్టు బిగిస్తున్నారా? ఈ ప్రశ్నలకు అధికార వర్గాలే సమాధానం చెప్పాలి!

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle