newssting
BITING NEWS :
*ప్రధాని మోదీని కలిసిన వైఎస్ఆర్సీఎల్పీ నేత జగన్మోహన్ రెడ్డి, రాష్ట్ర సమస్యలపై చర్చ, ప్రమాణ స్వీకారానికి ఆహ్వానం * వాల్డ్ కప్ వార్మప్ మ్యచ్ లో టీమిండియా పేలవ ప్రదర్శన, న్యూజీల్యాండ్ చేతిలోఓటమి * నరేంద్ర మోదీని పీఎం ఎలక్ట్ గా నియమించిన రాష్ట్రపతి రామ్ నాథ్ కోవింద్ * రాష్ట్రపతి కోవింద్ కు కొత్త ఎంపీల జాబితా సమర్పించిన ఈసీ * ఎవరెస్ట్ పర్వతంపై ఈ వారం మరణించిన పర్వతారోహకుల సంఖ్య 10కి చేరిక * తెలుగు రాష్ట్రాల గవర్నర్ ఈఎస్ఎల్ నరసింహన్ కు ఏపీలో కొత్తగా ఎన్నికైన ఎమ్మెల్యేల జాబితా సమర్పించిన సీఈఓ జీకే ద్వివేది

అక్కడ వైసీపీ ఫార్ములా వ‌ర్క‌వుట్ అవుతుందా..?

07-05-201907-05-2019 07:56:49 IST
2019-05-07T02:26:49.541Z07-05-2019 2019-05-07T02:25:59.540Z - - 26-05-2019

అక్కడ వైసీపీ ఫార్ములా వ‌ర్క‌వుట్ అవుతుందా..?
facebooktwitterGooglewhatsappwhatsappGoogle
ఈ ఎన్నిక‌ల్లో క‌చ్చితంగా అధికారాన్ని కైవ‌లసం చేసుకోవాల‌ని ప‌ట్టుద‌ల‌గా ఉన్న వైఎస్సార్ కాంగ్రెస్ పార్టీ ఈసారి రాయ‌ల‌సీమ‌లో కొత్త ఫార్ములాను అవ‌లంభించింది. రాజ‌కీయాల్లో గెలుపోట‌ముల‌ను సామాజ‌ిక‌వ‌ర్గ స‌మీక‌ర‌ణ‌లు ఎక్కువ‌గా ప్ర‌భావితం చేస్తాయ‌ని ఈసారి గుర్తించిన ఆ పార్టీ సీమ‌లో బీసీ ఫార్ములాను తెర‌పైకి తీసుకువ‌చ్చింది. రెడ్డి నాయ‌కుల‌కు ప‌ట్టున్న నియోజ‌క‌వ‌ర్గాల్లో ఈసారి బీసీల‌కు టిక్కెట్లు కేటాయించారు. 

పార్ల‌మెంటు అభ్య‌ర్థులుగా బీసీల‌ను నిల‌బెట్ట‌డం ద్వారా ఆ పార్ల‌మెంటు ప‌రిధిలోని అన్ని అసెంబ్లీ నియోజ‌క‌వ‌ర్గాల్లో ల‌బ్ధి పొంద‌వ‌చ్చ‌ని వైసీపీ భావించింది. అందుకే సీమ జిల్లాల్లో గెలుపోట‌ములు ప్ర‌భావితం చేయ‌గ‌లిగిన ప్ర‌ధాన బీసీ సామాజ‌క‌వ‌ర్గాల నేత‌ల‌కు వైసీపీ పార్ల‌మెంటు టిక్కెట్లు క‌ట్ట‌బెట్టింది.

క‌ర్నూలు పార్ల‌మెంటు టిక్కెట్ ను గ‌త ఎన్నిక‌ల్లో చేనేత సామాజ‌క‌వ‌ర్గానికి చెందిన బుట్టా రేణుక‌కు టిక్కెట్ ఇవ్వ‌గా ఆమె గెలుపొందారు. ఆమె పార్టీకి దూరం కావ‌డంతో ఈసారి కూడా అక్క‌డ అదే సామాజ‌క‌వ‌ర్గానికి చెందిన డా.సంజీవ్ కుమార్ ను బ‌రిలో నిలిపింది. ఆయ‌న డాక్ట‌ర్ కావ‌డం, స్థానికంగా, ముఖ్యంగా ఆయ‌న సామాజ‌క‌వ‌ర్గంలో ప‌ట్టున్న వారు కావ‌డంతో ఆయ‌న‌తో పాటు అసెంబ్లీ అభ్య‌ర్థుల‌కు కూడా క‌లిసొచ్చింది. టీడీపీ ఇక్క‌డ బీసీని కాద‌ని కోట్ల సూర్య‌ప్ర‌కాశ్ రెడ్డికి టిక్కెట్ ఇవ్వ‌డంతో బీసీలు వైసీపీ వైపు మొగ్గు చూపార‌నే అంచ‌నాలు ఉన్నాయి.

అనంత‌పురం జిల్లాలో కుర‌బ సామాజిక‌వ‌ర్గం గెలుపోట‌ముల‌ను ప్ర‌భావితం చేసే స్థాయిలో ఉంటుంది. ఈ సామాజ‌క‌వ‌ర్గం వారిలో మంచి గుర్తింపు ఉన్న మాజీ సీఐ గోరంట్ల మాధ‌వ్ ను వైసీపీ హిందూపురం ఎంపీగా బ‌రిలో నిలిపింది. ఇది ఇక్క‌డ ఆ పార్టీకి బాగా క‌లిసోచ్చింద‌నే అంచ‌నాలు ఉన్నాయి. కుర‌బ సామాజిక‌వ‌ర్గం ఈసారి ఎక్కువ‌గా వైసీపీ వైపు ఉందంటున్నారు. ఇదే జ‌రిగిన అనంత‌పురం జిల్లాలో ఆ పార్టీ మెరుగైన సంఖ్య‌లో సీట్లు సాధించే అవ‌కాశం ఉంది. 

ఇదే జిల్లాలోని అనంత‌పురం పార్ల‌మెంటు స్థానాన్ని తెలుగుదేశం పార్టీ జేసీ ప‌వ‌న్ రెడ్డికి ఇవ్వ‌గా వైసీపీ గ‌త ఎన్నిక‌ల్లో పోటీ చేసిన రెడ్డి సామాజ‌క‌వ‌ర్గ నేత‌ల‌ను ప‌క్క‌న‌పెట్టి రంగ‌య్య అనే బీసీ సామాజ‌క‌వ‌ర్గ నేత‌కు టిక్కెట్ ఇచ్చింది. దీంతో ఇక్క‌డ కూడా టీడీపీ వైపు ఉండే బీసీల్లో వైసీపీకి కొంత మొగ్గు పెరిగింద‌నే అంచ‌నాలు ఉన్నాయి.

ఇలా గ‌త ఎన్నిక‌ల్లో బీసీకి ఇచ్చిన కర్నూలు సీటును మ‌ళ్లీ బీసీకి ఇవ్వ‌డంతో పాటు 2014లో రెడ్ల‌కు ఇచ్చిన అనంత‌పురం, హిందూపురం స్థానాల‌ను సైతం ఈసారి బీసీల‌కు ఇవ్వ‌డం ద్వారా జ‌గ‌న్ పెద్ద‌గా ప్ర‌యోగ‌మే చేశారు. ఈ ప్ర‌యోగం ఫ‌లిస్తే మాత్రం ఈ రెండు జిల్లాల్లో వైసీపీకి మెజారిటీ స్థానాలు ద‌క్కే ఛాన్స్ ఉంది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle