newssting
BITING NEWS :
*ప్రధాని మోదీని కలిసిన వైఎస్ఆర్సీఎల్పీ నేత జగన్మోహన్ రెడ్డి, రాష్ట్ర సమస్యలపై చర్చ, ప్రమాణ స్వీకారానికి ఆహ్వానం * వాల్డ్ కప్ వార్మప్ మ్యచ్ లో టీమిండియా పేలవ ప్రదర్శన, న్యూజీల్యాండ్ చేతిలోఓటమి * నరేంద్ర మోదీని పీఎం ఎలక్ట్ గా నియమించిన రాష్ట్రపతి రామ్ నాథ్ కోవింద్ * రాష్ట్రపతి కోవింద్ కు కొత్త ఎంపీల జాబితా సమర్పించిన ఈసీ * ఎవరెస్ట్ పర్వతంపై ఈ వారం మరణించిన పర్వతారోహకుల సంఖ్య 10కి చేరిక * తెలుగు రాష్ట్రాల గవర్నర్ ఈఎస్ఎల్ నరసింహన్ కు ఏపీలో కొత్తగా ఎన్నికైన ఎమ్మెల్యేల జాబితా సమర్పించిన సీఈఓ జీకే ద్వివేది

వడదెబ్బకు పిట్టల్లా రాలుతున్న జనం..సైరా ఆర్టిస్ట్ మృతి

16-05-201916-05-2019 15:44:59 IST
2019-05-16T10:14:59.228Z16-05-2019 2019-05-16T10:14:56.568Z - - 26-05-2019

వడదెబ్బకు పిట్టల్లా రాలుతున్న జనం..సైరా ఆర్టిస్ట్ మృతి
facebooktwitterGooglewhatsappwhatsappGoogle
ఇంతకుముందు రెండుమూడు రోజులు కురిసిన అకాల వర్షాలకు కాస్త వేడి తగ్గినా.. ఉక్కపోత తీవ్రత పెరిగి ప్రజలు అల్లాడిపోతున్నారు. ఎండతాకిడికి ప్రధాన రహదారులు నిర్మానుష్యంగా మారుతున్నాయి. మధ్యాహ్యం సమయంలో బయటకు రావాలంటే జనాలు జంకుతున్నారు. దీంతో ప్రజలు తీవ్ర అసౌకర్యానికి గురవుతున్నారు. సామాన్య, మధ్య తరగతి ప్రజలతో పాటు రోజువారీగా కూలీనాలీ చేసుకునేవా రంతా ఎండలో తిరగాల్సిన పరిస్థితి ఉంటుంది.

దీంతో వారంతా ప్రత్యామ్నయ ఏర్పాట్లు చేసుకుంటూ తమ పనులు సాగిస్తున్నారు. ఇప్పటికే పేదవాడి ఫ్రిజ్‌గా పిలువబడే కుండలను పెద్ద ఎత్తున కొనుగోలు చేస్తున్నారు. అంతేకాకుండా పెద్ద ఎత్తున జ్యూస్‌ సెంటర్లు వెలిశాయి. ఇంకా యువకులు, ఉద్యోగులు, ఇతర వర్గాలవారు ఎండ తీవ్రత నుంచి రక్షణ కోసం ఏర్పాట్లు చేసుకుంటున్నారు.

ఇదిలా ఉంటే...ఎండ తీవ్రతకు ఓ రష్యన్‌ వ్యక్తి మృతి చెందాడు. రష్యా దేశానికి చెందిన అలెగ్జాండర్‌ టూరిస్ట్‌ వీసాపై మార్చి నెలలో హైదరాబాద్‌కు వచ్చాడు. మంగళవారం ఉదయం 10.30 గంటల సమయంలో గచ్చిబౌలిలోని డీఎల్‌ఎఫ్‌ గేట్‌ నెంబర్‌–1 వద్ద అపస్మారక స్థితిలో పడి ఉండటంతో పోలీసులు వెంటనే కొండాపూర్‌ ఏరియా ఆస్పత్రికి తరలించారు. అక్కడి వైద్యుల సూచన మేరకు గాంధీ ఆస్పత్రిలో చేర్పించారు. అలెగ్జాండర్‌ చికిత్సపొందుతూ మంగళవారం సాయంత్రం మృతి చెందాడు. అతని కెమేరాలోని ఫోటోలను బట్టి అతని వివరాలు తెలిశాయి.

ఈఘటనకు ముందు సైరా సినిమాలో సైడ్‌ ఆర్టిస్టుగా నటించినట్లు పోలీసులు గుర్తించారు. గచ్చిబౌలి సమీపంలోని ఓ హోటల్‌లో నివాసం ఉంటున్న అలెగ్జాండర్, ఈ నెల 10 హోటల్‌ నుంచి ఖాళీ చేశాడు. తర్వాత రోడ్లపైనే తిరుగుతూ కనిపించినట్లు పోలీసులు పేర్కొంటున్నారు. వడదెబ్బ కారణంగానే అలెగ్జాండర్‌ మృతి చెందాడని, గోవాలో ఉండే అతని స్నేహితుడు బోరెజ్‌కు సమాచారం అందించామని పోలీసులు తెలిపారు. 

రాష్ట్రంలో వడదెబ్బతో జనం పిట్టల్లా రాతుతున్నారు. యాదాద్రి భువనగిరి, నల్లగొండ జిల్లాల్లో ఇద్దరు, సూర్యాపేట జిల్లాలో నలుగురు, కరీంనగర్‌ జిల్లాలో ఇద్దరు, కుమ్రంభీ ఆసిఫాబాద్‌, ఆదిలాబాద్‌, భద్రాద్రి,నిజామాబాద్‌ జిల్లాల్లో నలుగురు మృతి చెందారు. ఆదిలాబాద్‌ జిల్లా జైనథ్‌ మండలం కూర గ్రామంలో పెళ్లి అయిన ఐదు రోజులకే ఓ యువకుడు వడదెబ్బతో చనిపోవడంతో కుటుంబంలో విషాదం నెలకొంది. 


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle