newssting
BITING NEWS :
*హైదరాబాద్: బంజారాహిల్స్ రోడ్ నెంబర్ 3లో కారు బీభత్సం. అదుపుతప్పి హోటల్ లోకి దూసుకెళ్లిన కారు. తప్పిన ప్రమాదం, కారు వదలి పరారైన యువకులు. మద్యం సేవించి డ్రైవింగ్ చేసినట్లుగా అనుమానం * అహ్మదాబాద్ ఎయిర్ పోర్ట్ కు చేరుకోనున్న ట్రంప్. ఎయిర్ పోర్ట్ నుంచి ర్యాలీగా మొతేరా స్టేడియానికి ట్రంప్. మధ్యాహ్నం 12:30 గంటలకు నమస్తే ట్రంప్ కార్యక్రమంలో ట్రంప్ ప్రసంగం*విశాఖ అడ్మినిస్ట్రేటివ్ క్యాపిటల్‌పై స్పందించిన నేవీ..మిలీనియం టవర్స్‌లో సచివాలయం పెట్టుకోవడానికి అనుమతి నిరాకరించినట్లు వచ్చిన వార్తలు అవాస్తవం*జనవరి 10న అమరావతి రైతుల మీద జరిగిన లాఠీఛార్జ్‌పై విచారణ ప్రారంభం..హైకోర్టు ఆదేశాల మేరకు తుళ్లూరులో విచారణ ప్రారంభించిన పోలీసులు..గుంటూరు అడిషనల్‌ ఎస్పీ స్వామిశేఖర్‌ నేతృత్వంలో కొనసాగుతున్న ఎంక్వైరీ *సికింద్రాబాద్ : బోయిన్ పల్లిలోనీ ఓ కెమికల్ గో డౌన్ లో భారీ అగ్నిప్రమాదం*చైనాలో 2400 పైగా చేరిన కోవిద్ 19 వైరస్ మృతులు. 78 వేలకు చేరిన వైరస్ బాధితుల సంఖ్య. ఇటలీలో కరోనా వైరస్ కారణంగా ఇద్దరు మృతి

ప్రేమికుల పెళ్లిళ్ల‌కు కేరాఫ్ అడ్ర‌స్ ఈ ఆల‌యం..!

14-02-202014-02-2020 09:07:10 IST
2020-02-14T03:37:10.411Z14-02-2020 2020-02-14T03:37:04.992Z - - 24-02-2020

ప్రేమికుల పెళ్లిళ్ల‌కు కేరాఫ్ అడ్ర‌స్ ఈ ఆల‌యం..!
facebooktwitterGooglewhatsappwhatsappGoogle
కుల‌, మ‌త, ప్రాంతాల‌తో సంబంధం లేకుండా ప్ర‌పంచం మొత్తం జ‌రుపుకునే పండుగ వాలైంటైన్స్ డే. అయితే, ప్రేమికుల కోసం తెలంగాణ‌లో ఓ ప్రేమాల‌యం ఉంది. ఆ ప్రేమాల‌యం ఇప్ప‌టి వ‌ర‌కు ఎన్నో జంట‌ల‌ను క‌లిపింది. 1970లో ప్రారంభ‌మైన ఈ ఆల‌యం వేల జంట‌ల ప్రేమ పెళ్లిళ్ల‌కు వేదికైంది. అంతేకాకుండా ఆ ఆల‌యంలో పెళ్లి చేసుకుంటే జీవితాంతం క‌లిసి ఉంటారు అన్న సెంటిమెంట్ జ‌నాల్లో పాతుకుపోయింది.

మంచిర్యాల జిల్లా దండేప‌ల్లి మండ‌లం క‌న్నేప‌ల్లి స‌మీపంలోని శ్రీ స‌దానంద ఆల‌యం వంద‌లాది ప్రేమ వివాహాల‌కు వేదిక‌గా నిలిచి ప్రేమాల‌యంగా ప్ర‌సిద్ధి గాంచింది. 1970లో అప్ప‌టి ఎమ్మెల్యే చుంచు ల‌క్ష్మ‌య్య ప్ర‌జ‌ల్లో ఆధ్యాత్మిక భావాల‌ను పెంపొందించాలి అన్న ల‌క్ష్యంతో ఈ ప్రేమాల‌యాన్ని నిర్మించారు. ఆ రోజుల్లో స్వ‌యంగా ఆయ‌నే ప్ర‌వ‌చ‌నాలు అందించేవారు. దాంతో అప్ప‌ట్లో భ‌క్తుల కోలాహ‌లం అధికంగా ఉండ‌గా, రాను రాను ఈ ఆల‌యం ప్రేమికుల‌ను ఏకం చేసే ప్రేమాల‌యంగా ప్ర‌సిద్ధి గాంచింది.

స‌దానంద ఆల‌యంలో ఏడ‌డుగుల మూడు ముళ్ల బంధంతో దంప‌తులుగా మారిన జంట‌లు క‌ల‌కాలం సుఖ సంతోషాల‌తో వ‌ర్ధిల్లుతారు అన్న సెంటిమెంట్ బ‌లంగా ఉండటంతో తెలంగాణ‌లోని ప‌లు ప్రాంతాల నుండి ప్రేమికులు త‌ర‌లి వ‌చ్చి ఇక్క‌డే పెళ్లిళ్లు చేసుకుంటున్నారు. ఇలా ఒక్క తెలంగాణ నుండే కాకుండా ఇత‌ర రాష్ట్రాల నుండి కూడా ప్రేమ జంట‌లు ఇక్క‌డ‌కు వ‌చ్చి వివాహం చేసుకున్న దాఖ‌లాలు ఉన్నాయి.

ఆల‌యానికి సంబంధించి ప్రేమ పెళ్లి చేసుకున్న వ్య‌క్తి ఆల‌యం గురించి స‌మాచారం చెబుతూ స‌దానంద స్వామి ఆల‌యంలో 12 సంవ‌త్స‌రాల క్రితం నేను ప్రేమ వివాహం చేసుకున్నాను. పెద్ద‌ల‌ను ఎదిరించి పెళ్లి చేసుకున్నందుకు జీవితంలో కొన్ని క‌ష్టాలు వ‌చ్చినా ఇప్పుడు వారంద‌ర్నీ క‌లిసినందుకు పిల్ల‌ల‌తో క‌లిసి చాలా సంత‌షంగా ఉన్నాం. ఆ ఆల‌యంలో పెళ్లి చేసుకున్న వారు ఎవ‌రైనా స‌రే చాలా హ్యాప్పీగా ఉంటున్నారు. జీవితంలో ముంద‌డుగు వేసుకుంటూ భవిష్య‌త్తులో చాలా ఎదుగుతున్నారు.

గ‌తంలో ఇక్క‌డే పెళ్లి చేసుకుని దంప‌తులుగా మారిన ప్రేమికులు ప్ర‌తీ సంవ‌త్స‌రం ఫిబ్ర‌వ‌రి 14న ఇక్క‌డ‌కు వ‌చ్చి ఉల్లాసంగా గ‌డుపుతారు. మొక్కులు చెల్లించుకుంటారు. ఇలాంటి ప్ర‌శాంత‌త ఉన్న ఈ స‌దానంద ఆల‌యాన్ని తెలంగాణ ప్ర‌భుత్వం మ‌రింత అభివృద్ధి చేయాల‌ని స్థానికులు కోరుతున్నారు. మొత్తంగా స‌దానంద ఆల‌యం రోజు రోజుకు ప్ర‌సిద్ది చెందుతోంది. ఒక్క ప్రేమాల‌యంగానే కాకుండా ఉత్స‌వాల టైమ్‌లో కూడా ఈ ఆల‌యానికి భ‌క్తులు భారీగా వ‌స్తూ ఉంటారు. పెద్ద ఎత్తున మొక్కులు చెల్లించుకుంటున్నారు. 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle