newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

అరేబియా సముద్రంలో అల్పపీడనం.. తెలుగు రాష్ట్రాల్లో భారీ వర్షాలు

01-06-202001-06-2020 09:36:29 IST
Updated On 01-06-2020 09:51:08 ISTUpdated On 01-06-20202020-06-01T04:06:29.858Z01-06-2020 2020-06-01T04:06:09.926Z - 2020-06-01T04:21:08.431Z - 01-06-2020

అరేబియా సముద్రంలో అల్పపీడనం.. తెలుగు రాష్ట్రాల్లో భారీ వర్షాలు
facebooktwitterGooglewhatsappwhatsappGoogle
వేసవి కాలం వెళ్లిపోతోంది. జూన్ మొదటివారంలో తొలకరి చినుకులు పడుతుంటాయి. దానికి సంకేతంగా ఆదివారం తెలుగు రాష్ట్రాల్లో వర్షాలు పడ్డాయి. అరేబియా సముద్రంలో ఏర్పడిన అల్పపీడనం కారణంగా తెలంగాణ రాష్ట్రంలో రాగల మూడురోజుల వరకు వాతావరణ సూచన అందించింది వాతావరణశాఖ. 

రాగల 24 గంటలలో తూర్పు మధ్య అరేబియా సముద్రం  దానిని ఆనుకొని ఉన్న ఆగ్నేయ అరేబియా సముద్రం ప్రాంతాలలో అల్పపీడనం వాయుగుండముగా మారే అవకాశం ఉంది. ఇది రాగల 24 గంటలలో తుఫానుగా మారే అవకాశం ఉందని వాతావరణ శాఖ అధికారులు తెలిపారు. తుపాను జూన్ 3 వ తేదీకల్లా ఉత్తర మహారాష్ట్ర గుజరాత్ తీరాలకు చేరుకునే అవకాశం ఉంది. 

రాగల 24 గంటలలో దక్షిణ అరేబియా సముద్రం, మాల్దీవులు, కోమోరిన్ ప్రాంతం, నైఋతి ఆగ్నేయ బంగాళాఖాతంలోని మరికొన్ని  ప్రాంతాలకు నైఋతి రుతుపవనాలు విస్తరించే అవకాశం ఉంది. జూన్ 1 వ తేదీన కేరళ రాష్ట్రంలోనికి నైరుతి రుతుపవనాలు ప్రవేశించాయి.ఛత్తీస్ గఢ్ నుండి లక్షద్వీప్ వరకూ  తెలంగాణ, రాయలసీమ, దక్షిణ  కర్ణాటక కేరళ   మీదుగా 0.9 km ఎత్తు వద్ద ఉపరితల ద్రోణి కొనసాగుతోంది.

రాగల మూడు రోజులు అక్కడక్కడ ఉరుములు, మెరుపులు  గంటకు  30 నుంచి 40 కిలోమీటర్ల వేగంతో ఈదురు గాలులు వీచే అవకాశం ఉంది. దీంతో ఒక మోస్తరు వర్షాలు చాలాచోట్ల కురిసే అవకాశం ఉంది. రాగల మూడురోజులు ఒకటి రెండు చోట్ల భారీవర్షాలు కురిసే అవకాశం ఉంది.

ఒక వైపు రోహిణికార్తెలో భానుడు భగ్గుమంటుండగా.. మరోవైపు ఈదురుగాలులు, ఉరుములు, మెరుపులతో వాన దంచికొట్టింది. సంగారెడ్డి జిల్లాలో ఆదివారం మధ్యాహ్నం, సాయంత్రం  భారీ వర్షం కురిసింది. ఉమ్మడి రంగారెడ్డి జిల్లాలోని పలు మండలాల్లో ఈదురు గాలులు, వడగళ్ల వాన పడింది. వికారాబాద్‌ జిల్లాలో గాలులకు చెట్లు, విద్యుత్‌ స్తంభాలు నేలకొరిగాయి. మంచిర్యాల, ఆదిలాబాద్, నల్లగొండ జిల్లాల్లో వాన పడింది. లోతట్టు ప్రాంతాలు జలమయం అయ్యాయి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle