newssting
BITING NEWS :
*దేశంలో కరోనా పాజిటివ్ కేసులు.. 22 లక్షల 26 వేల 229, మరణాలు 44,597 * విజయవాడ స్వర్ణప్యాలెస్ ప్రమాదం కేసులో ముగ్గురి అరెస్ట్ * ఏపీలో 24 గంటల వ్యవధిలో 7,665 కరోనా కేసులు .. రాష్ట్రంలో 2,35,525కి చేరిన మొత్తం కరోనా కేసులు. 80 కరోనా మరణాలు .. 2,116కు చేరిన కరోనా మృతులు *రాజమండ్రి జిల్లా కొవిడ్ హాస్పిటల్ లో కరోనా పరీక్షలు చేసే 9 మంది ల్యాబ్ టెక్నీషియన్స్ కు, మెడికల్ ఆఫీసర్ కు పాజిటివ్ *రాష్ట్రపతికి లేఖ వ్రాసిన సీతానగరం మండలం మునికూడలికి చెందిన శిరోముండనం బాధితుడు ప్రసాద్..మావోయిస్టుల్లో కలిసిపోవడానికి అనుమతి ఇవ్వాలని కోరిన బాధితుడు..శిరోముండనం కేసులో నిందితులు అందరినీ అరెస్టు చేయాలని డిమాండ్ *ఢిల్లీ: మాజీ రాష్ట్రప‌తి ప్ర‌ణ‌బ్ ముఖ‌ర్జీకి క‌రోనా పాజిటివ్.. త్వరగా కోలుకోవాలని ట్వీట్లు *హైదరాబాద్‌: ఈఎస్ఐలోని బంగారు మైసమ్మ ఆలయంలో చోరీకీ విఫలయత్నం*సుశాంత్ కేసులో ఈడి ముందు హాజరైన నటి రియా.. ఈడీ నోటీసుల‌తో రెండోసారి హాజ‌రు*తెలంగాణలో 80 వేలు దాటిన పాజిటివ్ కేసులు.. గ‌త 24 గంట‌ల్లో 1256 పాజిటివ్ కేసులు న‌మోదు*ఢిల్లీ క‌రోనా హెల్త్ బులిటెన్ః కొత్త‌గా 707 కేసులు, 20 మ‌ర‌ణాలు

అన్నా నన్ను కాపాడు అనగానే ప్రాణాలకు తెగించాడు..!

08-12-201908-12-2019 08:01:35 IST
2019-12-08T02:31:35.113Z08-12-2019 2019-12-08T02:31:30.055Z - - 11-08-2020

అన్నా నన్ను కాపాడు అనగానే ప్రాణాలకు తెగించాడు..!
facebooktwitterGooglewhatsappwhatsappGoogle
డాక్టర్ దిశపై హత్యాచారం యావద్దేశాన్ని కంపింప చేసింది. హెల్ప్‌ మీ.. హెల్ప్ మీ అంటూ ఆర్తనాదాలు చేస్తున్న ఒక అమాయక విద్యావంతురాలిని నాలుగు తోడేళ్లు పీక్కుతిని పాతికేళ్ల చిరుప్రాయాన్ని చిదిమేశాయి. మనిషిలోని పశుత్వానికి, క్రూరత్వానికి దిశ ఉదంతం పరాకాష్ట అయితే అదే సమయంలో చైనాలో 14 ఏళ్ల మైనర్ బాలుడు ప్రాణాలకు తెగించి బోరుబావిలో పడిన మూడేళ్ల పసిపాపను కాపాడాడు. వంద అడుగుల బోరుబావిలో పడిన పాపను కాపాడటానికి అన్ని ప్రయత్నాలూ విఫలమైన సన్నగా ఉన్న కుర్రాడిని బోరుబావిలోకి తాడుకట్టి దింపితే ఆరుసార్లు ప్రయత్నించి చివరకు ఆ పాపను బయటకు లాగిన బాహబలి అతడు.  

ప్రాణాలపై ఆశ వదులుకున్న ఆ పాప పైనుంచి చేయి వచ్చి తగిలితే గట్టిగా పట్టుకుని అన్నా నన్ను కాపాడు అంటూ ప్రాధేయపడింది. అందుకే వచ్చాను నువ్వు ధైర్యంగా ఉండమ్మా అంటూ గాలి పీల్చుకోవడానికి బయటకు వచ్చిన ఆ కుర్రాడు ఆరవ ప్రయత్నంలో ఎట్టకేలకు ఆ పాపను తీసుకొచ్చాడు. కాదు.. ప్రాణం పోశాడు. మనిషితనానికి ఇదీ అసలు నిర్వచనం.

ఇది చైనా బాహుబలి కథ. బోరుబావిలో పడిన పాపను కాపాడటానికి భూమిలోకి చేతులు చాచిన అపర బాహుబలి కథ. మన దేశంలో బోరు బావుల్లో పడిపోయిన పిల్లలను రక్షించడం ఎంత కష్టమో మనం చూస్తూనే ఉంటాం. అలాంటి సందర్భాల్లో చాలా తక్కువ సార్లు మాత్రమే పిల్లలు ప్రాణాలతో బయటకు వస్తుంటారు. చైనాలో కూడా ఇటీవల ఇలాంటి సంఘటనే జరగడంతో ఓ స్కూల్లో చదువుతున్న 14 ఏళ్ల మైనర్‌ బాలుడు సాహసించి మూడేళ్ల పాపను రక్షించారు. 

చైనా, హెనన్‌ రాష్ట్రంలోని జెన్‌ కౌంటీలో మిస్టర్‌ జావో అనే ఓ వ్యక్తి తన మూడేళ్ల పాపను ఓ ఫుడ్‌ కోర్టు పక్కనుంచి నడిపించుకుంటూ పోతుంటే తెరచి ఉన్న బోరు బావిలోకి పడిపోయింది. కళ్ల ముందు జరిగిన ప్రమాదాన్ని చూసిన ఆ తండ్రి, తన కూతురిని కాపాడమని కేకలు వేశారు. ఈ వార్త తెల్సిన అనతికాలంలోనే చైనా పోలీసులు ప్రమాద స్థలికి వచ్చారు. ఆక్సిజన్‌ సిలిండర్లను, అనుసంధాన పైపులను తీసుకొచ్చి ముందుగా ఆ బోరు బావిలోకి ఆక్సిజన్‌ను పంపించడం మొదలు పెట్టారు. 

వంద అడుగుల లోతుగల ఆ బావి మధ్యలో ఇరుక్కుపోయిన ఆ బాలికను ఎలా వెలికి తీయాలో పోలీసులకు తెలియలేదు. ఎవరైనా బక్క పలుచగా ఉన్న వ్యక్తిని తల కిందులుగా పంపిస్తే తప్పా, ఆ పాపను రక్షించలేమని వారు చెప్పారు. తనను అలా పంపించమంటూ ఆ పాప తండ్రి జావో ముందుకొచ్చారు. అయితే ఆ బోరు బావి వెడల్పు కేవలం ఎనిమిది అంగుళాలు మాత్రమే ఉందని, ఆయన్ని పంపించడం సాధ్యం కాదని పోలీసులు స్పష్టం చేశారు. 

అంతలో ప్రమాద స్థలికి వచ్చిన వాంగ్‌ క్వింగ్‌జున్‌ అనే వ్యక్తి తన 14 ఏళ్ల కుమారుడైన వాంగ్‌మిన్‌ రన్‌ అందుకు సమర్థుడంటూ అతన్ని పిలిపించారు. మైనర్‌ బాలుడి ప్రాణాలను రిస్క్‌లో పెట్టలేమని, అది నేరం అవుతుందని పోలీసులు వద్దన్నారు. తన కుమారుడు సమర్థుడు, సాహసవంతుడని, ఏ ప్రమాదం జరిగినా అందుకు తానే బాధ్యత వహిస్తానని ఆ తండ్రి హామీ ఇవ్వడం, అదే సమయంలో బోరు బావిలో పడిపోయిన పాప అరుపులు ఆగిపోవడంతో బాలుడి సహాయం తీసుకోవడానికి పోలీసులు ముందుకు వచ్చారు. మినరన్‌కు కొన్ని ముందు జాగ్రత్తలు చెప్పి తలకిందులుగా లోపలికి పంపించారు. లోపలికి వెలుతున్నప్పుడు దారి మరీ సన్నగా ఉండడంతో బాలుడిని బయటకు తీయాల్సి వచ్చింది. 

బాలుడు చెప్పిన సమాచారం ఆధారంగా బోరు బావిని పైనుంచి లోపల వెడల్పు చేశారు. నాలుగోసారి బాలుడిని పంపించినప్పుడు పాప చేయి బాలుడి చేతికందింది. ‘అన్నా నన్ను కాపాడు అంటూ ఆ పాప నా చేయి పట్టుకుంది. కాపాడడానికే వచ్చాను. నువ్వు ధైర్యంగా ఉండు అని చెప్పి, గుండెల నిండా ఆక్సిజన్‌ పీల్చుకోవడానికి మరోసారి బయటకు వచ్చాను. ఆరో ప్రయత్నంలో ఆ పాపను బయటకు తీసుకురాగలిగాను’ అంటూ తన అనుభవాన్ని ఆ బాలుడు మీడియాతో పంచుకున్నాడు. పాప ప్రాణాలను కాపాడినందుకు ఎంతో అనందంగా ఉందన్నాడు. అక్కడున్న వారంతా ఆ బాలుడిని, ఆ బాలుడి తండ్రిని అభినందించారు.

ఆడపిల్ల ఒంటరిగా కనిపిస్తే మగతోడేళ్లు పీక్కుతింటున్న ప్రపంచంలో చిన్నారిని కాపాడేందుకు తన ప్రాణాలకు తెగించిన కుర్రాళ్లు ఉండటం ఈ ప్రపంచం చేసుకున్న పుణ్యం అంటూ కొనియాడుతున్నారందరూ..


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle