‘అనంత’లో తల్లి అఘాయిత్యం...ఇద్దరు కూతుళ్ళతో ఆత్మహత్య

01-12-201901-12-2019 18:29:08 IST
Updated On 01-12-2019 18:29:06 ISTUpdated On 01-12-20192019-12-01T12:59:08.407Z01-12-2019 2019-12-01T12:58:28.825Z - 2019-12-01T12:59:06.163Z - 01-12-2019

చిన్న చిన్న మనస్పర్థలు, ఆర్థిక ఇబ్బందులు, వివాహేతర సంబంధాలు ఆత్మహత్యలకు దారితీస్తున్నాయి. తాజాగా ఏపీలోని అనంతపురంలో తల్లి ఇద్దరు కూతుళ్ళ ఆత్మహత్య కలకలం రేపుతోంది.

అనంతపురం జాతీయ ఉద్యానవనం సమీపంలో ఓ మహిళ తన ఇద్దరు కుమార్తెలతో సహా రైలు కింద పడి ఆత్మహత్య చేసుకోవడంతో విషాదం నెలకొంది.  ఆదివారం వేకువజామున ఇది జరిగింది. 

పాపంపేట  ప్రాంతానికి చెందిన వెంకటేశు, పోలేరమ్మలు భార్యాభర్తలు. వీరు కూలి పనులు చేసుకుంటూ జీవిస్తున్నారు. వీరికి ఇద్దరు కూతుళ్ళు. 17 ఏళ్ళ ఆర్తి, 11 ఏళ్ళ దీప చదువుకుంటున్నారు. పెద్ద కుమార్తె ఆర్తి ఇంటర్మీడియట్‌ పూర్తి చేసి, నర్సింగ్‌లో శిక్షణ తీసుకుంటోంది. ఆర్థిక ఇబ్బందుల వల్ల పోలేరమ్మ తన ఆభరణాలను తాకట్టు పెట్టింది. ఈ ఆభరణాల విషయమై భార్యభర్తల మధ్య  గొడవ జరిగింది. 

శనివారం పోలేరమ్మ ఇద్దరు కూతుళ్ళను తీసుకుని ఇల్లు వదిలి ఎక్కడికో వెళ్లిపోయింది. ఆమె, ఇద్దరు పిల్లల కోసం బంధువులు గాలించారు. కానీ వారి ఆచూకి దొరకలేదు.

ఈ ముగ్గురూ  రైలు పట్టాలపై కనిపించారు. స్థానికుల సమాచారంతో రైల్వే పోలీసులు మృతదేహాలను స్వాధీనం చేసుకుని. రైల్వే పోలీసులు కేసు నమోదు చేసుకుని దర్యాప్తు చేస్తున్నారు. భార్యాభర్తల మధ్య గొడవల కారణంగా ఇద్దరు కూతుళ్ళు తిరిగి రానిలోకాలకు వెళ్ళిపోయారు.