108 ఎంపీ కెమెరాతో షావోమీ నుంచి...

03-10-201903-10-2019 16:31:40 IST
2019-10-03T11:01:40.077Z03-10-2019 2019-10-03T11:01:38.196Z - - 20-04-2021

షావోమీ తన అమ్ములపొది నుంచి మరో ఆసక్తికరమైన మొబైల్ ను తీసుకొస్తోంది. 108 మెగాపిక్సల్ కెమెరాతో ఈ మొబైల్ రాబోతోంది. ఈ ఏడాది జూన్ లో షావోమీ చైనాలో సీసీ సిరీస్ మొబైల్ ని తీసుకొచ్చింది. సీసీ9, సీసీ9ఈ, సీసీ9 మిటు ఎడిషన్ ని లాంచ్ చేసిన విషయం తెలిసిందే. సీసీ9ఈ మొబైల్ ను అంతర్జాతీయ మార్కెట్ లో ఎంఐ ఏ3గా తీసుకొచ్చింది. సీసీ9 మొబైల్ ని ఎంఐ9 లైట్ గా తీసుకొచ్చారు. ఇప్పుడు ఈ సిరీస్ లో కొత్త మొబైల్ రాబోతోంది. చైనాలో ఎంఐసీసీ9 ప్రోగా తీసుకొస్తున్నారు. మరి అంతర్జాతీయ మార్కెట్ లో ఏ పేరు తీసుకొస్తారో చూడాలి.

ఎంఐసీసీ9 ప్రో లో 108 ఎంపీ కెమెరా ఉండబోతోంది. ఇది శాంసంగ్ 108 ఎంపీ ISOCELL Bright HMX సెన్సర్. దీంతో మెరుగైన ఫొటోలు వస్తాయని షావోమీ చెబుతోంది. ఇందులోని పిక్సెల్ బిన్నింగ్ సాంకేతిక ద్వారా నాలుగు పిక్సల్స్ ఒకటిగా మారి 27 పెద్ద పిక్సల్స్ గా మారుతాయి. దీంతో ఫొటోలో డిటైల్స్ ఎక్కువగా ఉంటాయి. ఈ మొబైల్లో నాలుగు కెమెరాలుంటాయని తెలుస్తోంది. అలాగే కొత్త ప్రాసెసర్ క్వాల్ కోమ్ స్నాప్ డ్రాగన్ 730 జి ఉంటుంది. ఇది గేమింగ్ కోసం ప్రత్యేకంగా రూపొందించింది. 

ఎంఐసీసీ9 ప్రో మొబైల్ ను ఈ నెల 24న చైనాలో లాంచ్ చేస్తున్నారు. అక్కడికి కొద్ది రోజుల్లోనే ప్రపంచవ్యాప్తంగా ఈ మొబైల్ ని లాంచ్ చేస్తారని తెలుస్తోంది. మన దేశంలో ఎంఐ ఏ3 ప్రోగా తీసుకొస్తారని తెలుస్తోంది. ఒకవేళ అదే పేరుతో వస్తే ఆపరేటింగ్ సిస్టమ్ మారబోతోంది.

ఆండ్రాయిడ్ వన్ ఓఎస్ ఉండబోతోంది. ప్రస్తుతం ఎంఐఏ3 మన మార్కెట్ లో మంచి సేల్సే ఉన్నాయని తెలుస్తోంది. అయితే ఎంఐసీసీ9 ని ఎంఐ9 ప్రోగా తీసుకొస్తారనే వాదనలూ వినిపిస్తున్నాయి.  అయితే ఎంఐ సిరీస్ మొబైల్స్ మన దేశంలోకి రావడం లేదు. కాబట్టి ఈ మొబైల్ ను మనం చూస్తామా లేదా అనేది తెలియాల్సి ఉంది.