‘హువావే మేట్‌ 30’లో ‘గూగుల్‌’ ఉండదు..!

11-09-201911-09-2019 10:53:32 IST
Updated On 11-09-2019 10:53:30 ISTUpdated On 11-09-20192019-09-11T05:23:32.479Z11-09-2019 2019-09-11T05:21:43.465Z - 2019-09-11T05:23:30.497Z - 11-09-2019

చైనా స్మార్టఫోన్‌ దిగ్గజం ‘హువావే’ త్వరలో తన మేట్‌ సిరీస్‌లో కొత్త మొబైల్‌ను తీసుకురాబోతోంది. ‘మేట్‌ 30’ పేరుతో మరికొద్ది రోజుల్లో మొబైల్స్‌ మార్కెట్‌లోకి రానున్నాయి. అయితే ఈసారి ఈ మొబైల్స్‌లో గూగుల్‌ ప్లేస్టోర్‌తోపాటు యూట్యూబ్‌, మ్యాప్స్‌ లాంటి గూగుల్‌ యాప్స్‌ ఉండవు అని తెలుస్తోంది. అలా అని ఇవి కొత్త ఆపరేటింగ్‌ సిస్టమ్‌తో రావడం లేదు. ఆండ్రాయిడ్‌ 10 ఆపరేటింగ్‌ సిస్టమ్‌తోనే ఈ మొబైల్స్‌ పని చేస్తాయి. ఈ మేరకు హువావే కన్స్యూమర్‌ సాఫ్ట్‌వేర్‌ ప్రెసిడెంట్‌ డా వాంగ్‌ చెంగ్‌లూ IFA కాన్ఫరెన్స్‌లో వెల్లడించాడు.

గూగుల్ మ్యాప్స్‌, క్యాలెండర్‌, గూగుల్‌ డ్రైవ్‌, గూగుల్‌ అసిస్టెంట్‌, జీమెయిల్‌ యాప్స్‌కు బదులు ఆండ్రాయిడ్‌ ఆధారంగానే నడిచే కొత్త యాప్స్‌ రూపొందించడానికి హువావే ప్రయత్నిస్తోంది. జీపీఎస్‌ నేవిగేషన్‌కు కూడా ఆల్టర్నేటివ్‌ చూస్తున్నట్లు సమాచారం.  ఆండ్రాయిడ్‌ ఓపెన్‌ సోర్స్‌ కావడం వల్ల గూగుల్‌ యాప్స్‌ లేకుండా దానిని మాత్రమే వాడుకునే సౌలభ్యం ఉంది. అందుకే హువావే ఈ దిశగా ఆలోచిస్తోందని తెలుస్తోంది. మరి గూగుల్‌ యాప్స్‌ లేకుండా హువావే ఫోన్లు ఎలా నెగ్గుకొస్తాయో చూడాలి.

హువావే ఫోల్డింగ్‌ స్మార్ట్‌ఫోన్‌ ‘హువావే X’ను అక్టోబరులో లాంచ్‌ చేయడానికి  ప్రయత్నాలు చేస్తోంది. శాంసంగ్‌ ఫోల్డింగ్‌ ఫోన్‌ ఫెయిల్‌ అయిన నేపథ్యంలో ఈ మొబైల్‌పై సర్వత్రా ఆసక్తి నెలకొంది. ఇందులో సొంత ఓఎస్‌ ‘హార్మొని’ను తీసుకొస్తున్నారు. ఈ ఆపరేటింగ్‌ సిస్టమ్‌ ఆండ్రాయిడ్‌ కన్నా 60 శాతం వేగంగా ఉంటుందని, సెక్యూరిటీ కూడా మెరుగ్గా ఉంటుందని హువావే ఇప్పటికే వెల్లడించింది.