సూపర్‌ఫాస్ట్‌ ‘కిరిన్‌ 990’భారత్‌కి వస్తోంది... ఎలా ఉండబోతోందో?

18-09-201918-09-2019 18:31:20 IST
2019-09-18T13:01:20.333Z18-09-2019 2019-09-18T12:58:11.817Z - - 17-04-2021

స్నాప్‌డ్రాగన్‌కు 800 సిరీస్‌ ఎలాగో... కిరిన్‌కి 900 సిరీస్‌ అలాగా. ఫ్లాగ్‌షిప్‌ మొబైల్స్‌ని ఈ సిరీస్‌లోనే తీసుకొస్తుంటారు. 900 సిరీస్‌లోని లేటెస్ట్‌ ప్రాసెసర్‌ 990ని హువావే సిద్ధం చేసింది.  IFA2019లో కొత్త ప్రాసెసర్‌ను విడుదల చేయడానికి సన్నాహాలు చేస్తోంది. కొత్త తరం మొబైళ్లు మేట్‌ 30 లో ఈ ప్రాసెసర్‌ ఉండబోతోందని సమాచారం. ఈ నెల 19న జర్మనీలోని మ్యూనిచ్‌లో కిరిన్‌ 990ని లాంచ్‌ చేస్తారు. ఇప్పటివరకు ఉన్న సమాచారం ప్రకారం అయితే ఈ ప్రాసెసర్‌ స్నాప్‌డ్రాగన్‌ 855 మించిన వేగంతో పని చేస్తుంది.ఈ ప్రాసెసర్‌ గురించి మరిన్ని వివరాలు గురువారం బయటికొస్తాయి.

మేట్‌ 30 మొబైల్‌ భారత్‌ మార్కెట్‌లోకి కూడా రానుంది. ఇప్పటికే ఈ విషయాన్ని హువావే స్పష్టం చేసింది. అంతేకాదు హువావే 30... కిరిన్‌ 990లోని 5జీ వెర్షన్‌తో తీసుకురానున్నారు. మేట్‌ 30కి ప్రో వెర్షన్‌ను కూడా హువావే విడదల చేస్తోంది. మేట్‌ 30 ప్రో పేరుతో వస్తున్న ఈ మొబైల్‌లో కర్వ్‌డ్‌ ఎడ్జ్‌ డిస్‌ప్లే ఉండబోతోంది. ఇప్పటికే దీనికి సంబంధించిన కొన్ని ఫొటోలు కూడా బయటికొచ్చాయి. కర్వడ్‌ డిస్‌ప్లే ఉండటం వల్ల మేట్‌ 30 ప్రోలో ఫిజికల్‌ బటన్స్‌ ఉండవు. దానికి బదులు హాప్టిక్‌ ఫీడ్‌బ్యాక్‌ ఆప్షన్‌ను తీసుకొస్తున్నారు. ఇలాంటి ఆప్షన్లతో వీవో నెక్స్‌3 ఇటీవల మార్కెట్‌లోకి వచ్చింది. 

కిరిన్‌ 990 నుంచి రెండు వెర్షన్లు వస్తున్నాయనే విషయం తెలిసిందే. ఒకటి 4జీ వెర్షన్‌ కాగా, మరొకటి 5 జీ వెర్షన్‌. ఈ రెండింటినీ భారత్‌కు తీసుకురావడానికి హువావే ప్రయత్నాలు చేస్తోందని సమాచారం. భారత్‌లో ఇంకా 5జీ అందుబాటులో లేకపోయినా 5జీ మొబైల్స్‌ మాత్రం క్యూ కట్టడానికి సిద్ధమవుతున్నాయి. తాజా సమాచారం ప్రకారం భారత్‌లోకి 5జీ 2020 మధ్యలో వస్తుందని తెలుస్తోంది. హవావే అయితే దేశంలో తొలిసారి 5 జీ ఫోన్‌ తీసుకొచ్చే సంస్థ అవ్వాలని బలంగా కోరుకుంటోంది.