షియోమీ కస్టమర్లకు గుడ్ న్యూస్.. ఆ ఫోన్లలో వాయిస్ వైఫై కాలింగ్

14-01-202014-01-2020 17:56:01 IST
Updated On 14-01-2020 17:56:15 ISTUpdated On 14-01-20202020-01-14T12:26:01.050Z14-01-2020 2020-01-14T12:25:59.527Z - 2020-01-14T12:26:15.867Z - 14-01-2020

వినియోగదారులు కాల్ ఛార్జీల గురించి ఆందోళన పడకుండా జియో, ఎయిర్ టెల్ కంపెనీలు వైఫై కాలింగ్ అంటూ శుభవార్త అందించిన సంగతి తెలిసిందే. ఈ నేపథ్యంలో చైనా కంపెనీ షియోమీ తన స్మార్ట్‌ఫోన్‌ వినియోగదారులకు బెస్ట్ ఆఫర్లు ఇస్తున్నట్టు ప్రకటించింది. తమ కంపెనీకి చెందిన వివిధ మోడళ్ళకు వైఫై కాలింగ్‌ సదుపాయాన్ని కల్పించింది.

వాయిస్‌ వైఫై కాలింగ్‌ సేవలు ఇక మీదట తమ స్మార్ట్‌ఫోన్లలో వినియోగించుకోవచ్చని తెలిపింది. ఈమేరకు ఫోన్ల జాబితాను వెల్లడించింది. రెడ్ మీ వై3, రెడ్ మీ కె 20, రెడ్ కె20 ప్రొ, రెడ్ మీ నోట్ 7 ప్రొ, రెడ్ మీ నోట్ 8 ప్రొ, రెడ్ మీ 7, రెడ్ మీ 7ఎ మోడల్స్ ద్వారా వాయిస్ వైఫై కాలింగ్ సదుపాయం పొందవచ్చు. 

భారతి ఎయిర్‌టెల్‌  దేశవ్యాప్తంగా వై ఫై కాలింగ్‌ సదుపాయాన్ని అందుబాటులోకి తెచ్చినట్టు ప్రకటించింది. దీని ద్వారా తమ వైఫై చందాదారుల సంఖ్య 10 లక్షలు దాటిందని ప్రకటించింది. ఎయిర్ టెల్ పోటీని సీరియస్ గా తీసుకున్న రిలయన్స్‌ జియో కూడా ఈ సదుపాయాన్ని కొన్ని పరిమిత సర్కిళ్లలో ప్రారంభించింది.

దేశవ్యాప్తంగా అందుబాటులో ఉంచనుంది. ఈ సేవలకు అదనంగా ఛార్జీలు చెల్లించాల్సిన అవసరం లేకపోవడంతో వినియోగదారులు ఈసేవలకు బాగా అట్రాక్ట్ అవుతున్నారు. వీఓ వైఫై టెక్నాలజీతో పబ్లిక్‌‌ హాట్‌‌స్పాట్‌‌ లేదా ప్రైవేట్‌‌ హోం వైఫై నెట్‌‌వర్క్‌‌కు కనెక్ట్‌‌ చేసుకొని ఏ మొబైల్‌‌ఫోన్‌‌కైనా, ల్యాండ్‌‌లైన్‌‌కైనా కాల్స్‌‌ చేసుకునే సదుపాయం ఉంది.