షావోమీ స్మార్ట్‌ వాచ్‌... సూపర్‌ స్మార్ట్‌

05-11-201905-11-2019 16:33:46 IST
Updated On 05-11-2019 16:35:08 ISTUpdated On 05-11-20192019-11-05T11:03:46.178Z05-11-2019 2019-11-05T11:03:43.445Z - 2019-11-05T11:05:08.396Z - 05-11-2019

స్మార్ట్‌ వాచీల విభాగంలోకి షావోమీ చాలా కాలం క్రితమే వచ్చింది. అయితే అవేవీ షావోమీ బ్రాండ్‌తో ఉండవు. సబ్‌ బ్రాండ్ల నుంచే ఆ వాచీలు వచ్చాయి. కానీ తొలిసారి షావోమీ సొంత బ్రాండ్‌ మీద స్మార్ట్‌ వాచీని లాంచ్‌ చేస్తోంది. దీనికి సంబంధించిన కొన్ని ఫొటోలు అంతర్జాలంలో సందడి చేస్తున్నాయి. షావోమీ అఫీషియల్‌ వాటిని విడుదల చేసింది. వాటి ప్రకారం ఈ వాచీ ఎంత సూపర్ స్మార్ట్‌గా ఉండబతోందో తెలుసస్తోంది. ఆపిల్‌ మొబైళ్ల తరహాలో స్టెయిన్‌లెస్‌ స్టీల్‌ డిజైన్‌లో తీసుకురాబోతున్నారు. ఈ రోజు చైనాలో వీటిని లాంచ్‌ చేయబోతున్నారు. 

స్టెయిన్‌లెస్‌  స్టీల్‌ డిజైన్‌తోపాటు డిజిటల్‌ క్రౌన్‌ ఉండేలా షావోమీ స్మార్ట్‌ వాచీని రూపొందించింది. స్క్రీన్‌ను షాపైర్‌ గ్లాస్‌తో ప్రొటక్ట్‌ చేస్తున్నారు. దీంతోపాటు ఈ వాచీ స్క్రాన్‌ రెసిస్టెన్స్‌గా ఉండబోతోంది. అంటే అంత త్వరగా గీతలు పడే అవకాశం లేదు. ఈ వాచీ నేవిగేషన్‌కు కూడా సపోర్టు చేస్తుందని షావోమీ చెబుతోంది. అంతేకాదు ఈ వాచీతో కాల్స్‌ కూడా చేసుకోవచ్చు. ఇతర స్మార్ట్‌ డివైజ్‌లను కూడా ఈ వాచీని కంట్రోల్‌ చేయొచ్చని తెలుస్తోంది.  అంటే యాపిల్ వాచీతో చేసే చాలా పనులు షావోమీ వాచీతో చేయొచ్చన్నమాట.

షావోమీ స్మార్ట్‌ వాచీలో డైనమిక్‌ వాల్‌పేపర్స్‌ ఉండబోతున్నాయి. రౌండెండ్‌ ఎడ్జ్‌, స్వ్కేర్‌ డిజైన్‌లో ఈ వాచీని రూపొందించారు. షావోమీ షేర్‌ చేసిన ఫొటోల బట్టి చూస్తే బ్లాక్‌ స్ట్రాప్‌తో ఈ వాచీలు రాబోతున్నాయి. అయితే గతంలో వచ్చిన ఫొటోల బట్టి చూస్తే నీలం, ఎరుపు రంగుల్లో కూడా వాచీలు ఉండబోతున్నాయి. ఈ వాచీ గూగుల్‌ వాచ్‌ ఆపరేటింగ్‌ సిస్టమ్‌తో పని చేస్తుంది. ఇందులో క్వాల్‌కోమ్‌ స్నాప్‌డ్రాగన్‌ వేర్‌ 3100 ప్రాసెసర్‌తో పని చేస్తుంది. ఇందులో వైఫై, బ్లూటూత్‌, జీపీఎస్‌, ఎన్‌ఎఫ్‌సీ లాంటి ఫీచర్లు కూడా ఉంటాయి.