షావోమీ వాటర్‌ ప్యూరిఫయర్‌ గురించి తెలుసా?

13-09-201913-09-2019 09:42:43 IST
Updated On 13-09-2019 09:42:37 ISTUpdated On 13-09-20192019-09-13T04:12:43.134Z13-09-2019 2019-09-13T04:07:07.417Z - 2019-09-13T04:12:37.501Z - 13-09-2019

మొబైళ్లతో భారత్‌లోకి ప్రవేశించి... టీవీలతో మార్కెట్‌ను ఓ కుదుపు కుదిపేసింది షావోమీ.  ఆ తర్వాత అడపాదడపా కొన్ని రకాల ప్రాడెక్టులను తీసుకొస్తోంది. బ్యాక్‌ప్యాక్‌లు, ట్రిమ్మర్లు, టేబుల్‌ లైట్లు అంటూ రకరకాల వస్తువులను తీసుకొచ్చింది. ఇప్పుడు ఆ వరుసలో మరో కొత్త ప్రాడెక్టు రాబోతోంది. అదే వాటర్‌ ప్యూరిఫయర్‌. అవును నీళ్లను శుద్ధి చేసి ఇచ్చే మినీ యంత్రాన్ని షావోమీ మార్కెట్‌లోకి తీసుకొస్తోంది. ఇప్పటికే చైనాలో విడుదలైన ఈ ప్యూరిఫయర్‌ వినూత్నంగా ఉంటుంది. 

స్మార్టర్‌ లివింగ్‌ - 2020 పేరుతో షావోమీ ఈ నెల 17న ఓ ఈవెంట్‌ నిర్వహిస్తోంది. అందులో 65 అంగుళాల టీవీ, ఎంఐ బ్యాండ్‌ 4తోపాటు ఈ వాటర్‌ ప్యూరిఫయర్‌ను కూడా విడుదల చేస్తారని సమాచారం. ఇప్పటికే దీనికి సంబంధించిన టీజర్లను mi.com వెబ్‌సైట్‌లో పెట్టారు. అయితే ఎక్కడా ఏ ప్యూరిఫయర్‌ అనేది చెప్పలేదు. ఇప్పటికే టీడీఎస్‌ టెస్టర్‌ అందుబాటులోకి తీసుకొచ్చింది. కాబట్టి ఇప్పుడు వచ్చేది ప్యూరిఫయరే అని తెలుస్తోంది. 

ఎంఐ ప్యూరిఫయర్‌ రివర్స్‌ ఆస్మోసిస్‌ సాంకేతికత ఆధారంగా పని చేస్తుంది. ఇందులో నాలుగు అంచెల ప్యూరిఫికేషన్‌ ఉంటుంది. పీపీ కాటన్‌ ఫిల్టర్‌, యాక్టివేటడ్‌ కార్బర్‌ ప్రి ఫిల్టర్‌, ఆర్‌ఓ ఫిల్టర్‌, యాక్టివేటడ్‌ కార్బర్‌ ఫిల్టర్‌ అని నాలుగు రకాలు ఈ ప్యూరిఫయర్‌లో ఉంటాయి. దీనిని వైఫైకి కనెక్ట్‌ చేసి... మొబైల్‌ యాప్‌ ద్వారా ఆపరేట్‌ చేయొచ్చు. నీటి నాణ్యత ఎలా ఉంది తదితర వివరాలను ఎప్పటికప్పుడు తెలుసుకోవచ్చు.