శాన్ డిస్క్ సంచలనం... 1 టీబీ మైక్రో ఎస్డీ కార్డు

26-02-201926-02-2019 16:04:10 IST
2019-02-26T10:34:10.087Z26-02-2019 2019-02-26T10:34:05.960Z - - 15-04-2021

ఒకప్పుడు మైక్రో ఎస్డీ కార్డులు చాలా తక్కువ మెమరీతో ఉండేవి. ఇప్పుడు మైక్రో ఎస్డీకార్డులు కూడా చాలా ఎక్కువ మెమరీతో మార్కెట్లోకి విడుదల అవుతున్నాయి. బార్సిలోనాలో జరిగిన మొబైల్ వరల్డ్ కాంగ్రెస్‌ వేదికగా శాన్ డిస్క్ సరికొత్త సంచలనానికి తెరతీసింది. జస్ట్ సిమ్ కార్డ్ సైజులో ఉండేలా ఒక TB మైక్రో SD కార్డును విడుదలచేసింది.

దీని ప్రత్యేకత ఏంటంటే ప్రపంచంలోనే తొలి 1TB మైక్రో ఎస్డీ కార్డు ఇది. మొబైళ్లలో ఎక్కువ స్పేస్ కావాలనుకుంటున్న యూజర్లకు ఇది బెస్ట్ ఆప్షన్‌. ఇందులో వీడియోలు, సినిమాలు, సాంగ్స్, మ్యూజిక్ ట్రాక్స్ ఇలా ఎన్ని స్టోర్ చేసుకున్నా... 1024 GB కావడం వల్ల... ఎలాంటి ప్రాబ్లం ఉండదంటోంది కంపెనీ. 

శాన్ డిస్క్ విడుదలచేసిన 1 TB మైక్రో స్టోరేజ్ మెమరీ కార్డ్ సెకండ్‌కి 160 మెగాబైట్ల వేగంతో పనిచేస్తుంది. ప్రస్తుతం ఉన్న మైక్రో ఎస్డీ కార్డుల కంటే ఇది రెట్టింపు వేగం. అందువల్ల దీన్ని హైఎండ్ ఫోన్లకూ, హైఎండ్ డ్రోన్ కెమెరాలకూ, డిజిటల్, DSLR కెమెరాలకూ ఉపయోగించవచ్చు.ఈ 1టీబీ మైక్రో ఎస్డీ కార్డ్ శాన్‌డిస్క్ వెబ్‌ సైట్లో మాత్రమే ప్రస్తుతం లభిస్తోంది.

మిగతా ఈ-కామర్స్ సైట్లలోనూ లభించాలంటే... ఈ ఏడాది ఏప్రిల్ వరకూ ఆగాలి. దీని ప్రారంభ ధరను కంపెనీ రూ.35,496గా నిర్ణయించింది. 1 టీబీ కంటే తక్కువ మెమరీ కలిగిన 512GB మైక్రో ఎస్డీ కార్డు ధర రూ.14,210గా కంపెనీ ప్రకటించింది. మొత్తం మీద మెమరీ కోసం తపించే స్మార్ట్ ఫోన్ వినియోగదారులకు ఇది చక్కని సువర్ణావకాశం.