శాంసంగ్ మేకిన్ ఇండియా స్మార్ట్ వాచ్‌లు .. ధర తక్కువే!

11-07-202011-07-2020 13:17:11 IST
Updated On 11-07-2020 14:24:29 ISTUpdated On 11-07-20202020-07-11T07:47:11.764Z11-07-2020 2020-07-11T07:46:57.328Z - 2020-07-11T08:54:29.612Z - 11-07-2020

చైనాపై వ్యతిరేకత నేపథ్యంలో భారత్ లో ఇతర దేశాల ఉత్పత్తులకు తెగ గిరాకీ పెరిగిపోతోంది. తాజాగా శాంసంగ్ సరికొత్త స్మార్ట్ వాచ్‌లు  అలరించనుంది. మేకిన్‌ ఇండియా స్పూర్తితో నోయిడాలో స్మార్ట్‌ వాచ్‌ల తయారీని ప్రారంభించింది శాంసంగ్. ఇటీవలే అత్యాధునిక టెక్నాలజీతో  స్మార్ట్‌వాచ్‌ను శాంసంగ్‌ విడుదల చేసింది. ఈ వాచ్‌ ధరను రూ. 28,490 రూపాయలుగా నిర్ణయించింది. ఇవాళ మార్కెట్‌లోకి విడుదలయ్యే స్మార్ట్ వాచ్‌ 4జీ పేరుతో అత్యాధునిక స్మార్ట్‌ వాచ్‌ వినియోగదారులను అలరించనుంది.

దీనికి గ్యాలెక్సీ వాచ్‌ యాక్టివ్‌2గా పేరు పెట్టారు. మేకిన్‌ ఇండియా ప్రోగ్రామ్‌లో భాగంగా దేశంలో 18 స్మార్ట్‌ వాచ్‌ల తయారీని ప్రారంభించినట్లు శాంసంగ్‌ ఇండియా ప్రకటించింది. దీనివల్ల ధరలు తక్కువగా అందుబాటులోకి వస్తాయని తెలిపింది. 

శాంసంగ్‌ కంపెనీ గాలెక్సీ స్మార్ట్‌ వాచ్‌లను మూడు రకాలైన సైజుల్లో అందుబాటులోకి తెచ్చింది. అవి 42ఎమ్‌ఎం, 44ఎమ్‌ఎం, 46ఎమ్‌ఎంలో దొరుకుతాయి, దేశంలో తయారు కానున్న 18స్మార్ట్‌ వాచ్‌ల ధర రూ.19, 990 నుంచి రూ. 35,990గా  శాంసంగ్‌ నిర్ణయించింది. ఇవాళ విడుదలయ్యే శాంసంగ్‌ సరికొత్త స్మార్ట్‌ వాచ్‌లో ఇ సిమ్‌ కనెక్టివిటీతో వినియోగదారులకు కాల్స్‌, మెసేజెస్‌, నోటిఫికేషన్స్ తదితర అత్యాధునిక సేవలను స్మార్ట్‌ వాచ్‌ అందించనుంది. అంటే మీదగ్గర వాచ్ వుంటే స్మార్ట్ ఫోన్ మణికట్టుపై వున్నట్టే.