శాంసంగ్ నుంచి కొత్త ఫోన్.. 7000 ఎమ్ఎహెచ్ బ్యాటరీతో షాక్

23-08-202023-08-2020 17:53:31 IST
2020-08-23T12:23:31.733Z23-08-2020 2020-08-23T12:23:30.050Z - - 19-04-2021

దక్షిణ కొరియా ఎలక్ట్రానిక్ దిగ్గజం శాంసంగ్ నుంచి మరో అద్భుతమైన ఫోన్ రాబోతోంది. ‘శాంసంగ్ గెలాక్సీ ఎం51’ పేరుతో రాబోతున్న ఈ స్మార్ట్‌ఫోన్‌లో 7,000 ఎంఏహెచ్ సామర్థ్యం కలిగిన అతిపెద్ద బ్యాటరీని ఉపయోగించినట్టు సమాచారం. అలాగే, హోల్‌పంచ్ కటౌట్ సెల్ఫీ కెమెరా వంటి ప్రత్యేకతలున్నాయి. 

స్పెసిఫికేషన్ల విషయానికొస్తే 6.7 అంగుళాల సూపర్ అమోలెడ్ ఇన్ఫినిటీ ఓ డిస్‌ప్లే, క్వాల్‌కామ్ స్నాప్‌డ్రాగన్ 730 చిప్‌సెట్ ఉపయోగించిన ఈ ఫోన్‌ ఆండ్రాయిడ్ 10 ఆధారిత శాంసంగ్ వన్ యూఐ 2.1 ఓఎస్‌తో పనిచేస్తుందని సమాచారం. 

అలాగే, వెనకవైపు 64 ఎంపీ ప్రధాన సెన్సార్‌తో నాలుగు కెమెరాలు, 32 ఎంపీ సెల్ఫీ కెమెరా ఉందని తెలుస్తోంది. ఇందులో 6జీబీ, 8జీబీ ర్యామ్ వేరియంట్లు, 128జీబీ అంతర్గత మెమొరీ ఉన్నట్టు సమాచారం. శాంసంగ్ గెలాక్సీ ఎం 51 ధర, భారత్‌లో ఎప్పుడు లాంచ్ చేసేది వంటి వివరాలు తెలియాల్సి ఉంది.

కొద్ది రోజుల క్రితమే గెలాక్సీ ఎం 31 పేరిట అద్భుతమైన స్మార్ట్ ఫోన్ అందుబాటులోకి  తెచ్చి ఆశ్చర్యపరిచిన శాంసంగ్ ఇప్పుడు గెలాక్సీ ఎం51 పేరుతో మరో సంచలనం సృష్టించింది. 6000 ఎమ్ఏహెచ్ బ్యాటరీ సామర్థ్యంతో శామ్ సంగ్ తీసుకొచ్చిన  గెలాక్సీ ఎం 31 ప్రత్యేకత ఏమిటంటే ఒకే మూమెంట్‌ని 10 రకాలుగా అంటే 7 పిక్చర్స్ మరియు 3 వీడియోలు కాప్చర్ చేసి సింగిల్ టేక్ ఫీచర్ వాడవచ్చు. 

ఏదైనా ఫోటో, వీడియో తీయాలంటే రెండు ఆప్షన్లు వాడుతున్న స్థితిని గెలాక్సీ ఎం 31 పూర్తిగా మార్చేసింది. MonsterShot 64 మెగాపిక్సెల్ ఇంటెల్ కామ్‌తో వస్తోన్న సింగిల్ టేక్ ఫీచర్ యూత్ ని ఇప్పటికే బాగా ఆకర్షిస్తోంది. చాలా రోజుల తర్వాత ఈ సూపర్ డివైస్ మార్కెట్ లోనికి వచ్చింది. 

7,000 ఎమ్ఏహెచ్ బ్యాటరీని చూసి నెటిజన్లు నోరు తెరిచేస్తుండగా వేగంగా చార్జి అయ్యే అధునాతన టెక్నాలజీని కూడా ఈ గెలాక్సీ ఎమ్51 స్మార్ట్ ఫోన్లో ఉండడం వినియోగదార్లును మరింతగా ఊరిస్తోంది. ఎమ్ 31 సీరీస్ ఫోన్‌కి 20 వేల రూపాయల ధరపెట్టగా, ఈ సరికొత్త ఎమ్51 సీరీస్ ఫోన్‌కి 30 వేలరూపాయల లోపు ధర ఉండవచ్చని భావిస్తున్నారు.