శాంసంగ్‌ ఎ51లో మస్తు ఫీచర్లున్నాయ్‌ తెలుసా?

07-11-201907-11-2019 09:41:43 IST
Updated On 07-11-2019 15:00:06 ISTUpdated On 07-11-20192019-11-07T04:11:43.110Z07-11-2019 2019-11-07T04:11:35.640Z - 2019-11-07T09:30:06.969Z - 07-11-2019

‘ఎ’ సిరీస్‌లో వరుస మొబైల్స్‌ లాంచ్‌ చేస్తామని శాంసంగ్‌ చాలా రోజుల క్రితమే ప్రకటించింది. అందుకు తగ్గట్టే ఎ10తో మొదలుపెట్టి ఎ80 వరకు వరుసగా లాంచ్‌ చేసింది. ఆ తర్వాత చివర ‘ఎస్‌’ జోడించి మరికొన్ని మొబైల్స్‌ తీసుకొచ్చింది. ఇప్పుడు ఈ సిరీస్‌లో మరికొన్ని ఫోన్లు రాబోతున్నాయి. వాటిలో ఎ51 ఒకటి. కొన్ని రోజుల క్రితం దీని గురించి గీక్‌బెంచ్‌ స్కోర్‌ బయటికొచ్చింది. తాజాగా మరికొన్ని వివరాలు తెలిశాయి. త్వరలోనే ఈ మొబైల్‌ను ప్రపంచ మార్కెట్‌కు తీసుకొస్తున్నారు. ఎ51 గతంలో వచ్చిన ఎ50 ఫీచర్లకు అప్‌గ్రేడ్‌గా ఉంటుందని కొత్తగా చెప్పక్కర్లేదు. ధర కూడా అదే స్థాయిలో పెడతారనీ తెలుస్తోంది.

ఎ50ని రూ.20,999 ధరతోను, ఎ50ఎస్‌ను రూ.18,490 ధరతోను అందుబాటులోకి తీసుకొచ్చారు. ఇప్పుడు ఎ51 సుమారు రూ.22,000 ధరలో మార్కెట్‌లోకి తీసుకొస్తారని సమాచారం. ఇందులో యు షేప్‌లో నాచ్‌డిస్‌ప్లే ఉంటుంది. ఎ50 మొబైల్‌ కంటే కాస్త పలుచగా ఉండబోతోంది. నొయిడా ప్లాంట్‌లో ఇటీవల వీటి ఉత్పత్తిని ప్రారంభించారట. అంటే మరికొన్ని రోజుల్లోనే ఈ మొబైల్‌ లాంచ్‌ ఉంటుందని సమాచారం.

ఇప్పటివరకు ఉన్న సమాచారం ప్రకారం అయితే... ఎ51లో 6.5 ఇంచ్‌ ఫుల్‌ హెచ్డీ ప్లస్‌ ఇన్ఫినిటీ -యు షేప్‌ ఆమోలెడ్‌ స్క్రీన్‌ ఉంటుంది. ఇందులో 48 ఎంపీ ప్రధాన కెమెరా ఇస్తారు. ముందువైపు 32 ఎంపీ సెల్ఫీ కెమెరా అందిస్తున్నారు. అయితే ఈ మొబైల్‌లో వెనుకవైపు నాలుగు కెమెరాలు తీసుకొస్తారనే వార్తలూ వినిపిస్తున్నాయి. వాటిలో 12 ఎంపీ వైడ్‌ యాంగిల్‌ సెన్సర్‌ ఒకటి, 12 ఎంపీ టెలీఫొటో లెన్స్‌ ఒకటి ఉంటాయి. ఈ రెండూ కాకుండా 5 ఎంపీ డెప్త్‌ సెన్సర్‌ను కూడా అందిస్తారని తెలుస్తోంది.

ఈ మొబైల్‌లో యూఎస్‌బీ టైప్‌ - సి పోర్టు ఉంటుంది. 3.5 ఎంఎం హెడ్‌ఫోన్‌ జాక్‌ కూడా ఇస్తున్నారు. మైక్రో ఎస్‌డీ కార్డుతో అదనపు స్టోరేజీ ఫీచర్‌ కూడా ఉంటుంది. ఇందులో 4000 ఎంఏహెచ్‌ బ్యాటరీ ఇస్తున్నట్లు సమాచారం. శాంసంగ్‌ కొత్తగా డెవలప్‌ చేస్తున్న వన్‌ యూఐ 2.0 తో ఈ మొబైల్‌ పని చేస్తుంది. ఆండ్రాయిడ్‌ 10 ఆపరేటింగ్‌ సిస్టమ్‌ ఆధారంగా దీనిని తయారు చేశారు.