వొడాఫోన్ సెన్సేషనల్ ప్లాన్... అదొక్కటే మైనస్

12-02-201912-02-2019 18:51:07 IST
2019-02-12T13:21:07.650Z12-02-2019 2019-02-12T13:21:05.177Z - - 11-04-2021

‘జియో’ దెబ్బకు ఇతర టెలికాం సంస్థలు ఎలా కుప్పకూలాయో అందరికీ తెలుసు! సంవత్సర కాలంపాటు ఫ్రీగా ఫోన్ కాల్స్, డేటాలతో పాటు ఇతర సర్వీసులు ఇవ్వడం... ఆ తర్వాత అతి తక్కువ ధరలకే అమోఘమైన ప్లాన్స్ అందుబాటులోకి తీసుకురావడంతో... ఇతర సంస్థలు కుదేలైపోయాయి. ఇక అప్పట్నుంచి తిరిగి పుంజుకోవడానికి నానాతంటాలు పడుతూనే ఉన్నాయి. జియో తరహాలోనే ప్లాన్స్ తీసుకురావాలని ప్రయత్నిస్తున్నాయి.

కొన్ని సంస్థలపై ఎక్కువ ఆర్థికభారం పడడంతో... విలీనం బాట పట్టాయి. ఇందులో భాగంగానే ఐడియా, వొడాఫోన్‌లో చేతులు కలిపాయి. ఈ రెండు సంస్థలు జతకట్టినప్పటి నుంచి తమ యూజర్ల కోసం అనూహ్యమైన ప్లాన్స్ తెస్తున్నాయి. తాజాగా వొడాఫోన్ మరో సంచలన ప్లాన్‌ ప్రకటించింది. ప్రత్యర్థి కంపెనీల్ని ధీటుగా దెబ్బకొట్టేందుకు రూ.351 ప్రీపెయిడ్ ప్లాన్‌ని తీసుకొచ్చింది. ఇందులో అన్‌లిమిటెడ్ వాయిస్ కాల్స్, రోజుకు 100 ఎస్ఎమ్ఎస్‌లు పొందొచ్చు.

ఇక్కడివరకూ బాగానే ఉంది... ఈరోజుల్లో అందరూ అలవాటు పడిపోయిన డేటా ఆఫర్‌ని మాత్రం వొడాఫోన్ ఈ ప్లాన్‌లో ఇవ్వడం లేదు. అంతేకాదు... కేవలం 56 రోజుల వాలిడిటీ పెట్టడం మరో బ్లండర్. ఓవైపు జియో రూ.399కే 84 రోజుల వాలిడిటీతో డేటా, ఫోన్‌కాల్స్, ఎస్‌ఎమ్ఎస్‌లు అందిస్తుంటే... వొడాఫోన్ డేటా లేకుండా 56 రోజులే వాలిడిటీ విధించడం ఆశ్చర్యకరం. మరి... ఈ ప్లాన్ సక్సెస్ అవుతుందో లేదో చూడాలి.