విద్యార్ధులకు గూగుల్ గుడ్ న్యూస్

11-05-202011-05-2020 20:21:40 IST
Updated On 12-05-2020 08:13:45 ISTUpdated On 12-05-20202020-05-11T14:51:40.111Z11-05-2020 2020-05-11T14:51:29.349Z - 2020-05-12T02:43:45.858Z - 12-05-2020

ప్రముఖ సెర్జింజన్ దిగ్గజం గూగుల్ నుంచి విద్యార్థులకు సరికొత్త లెర్నింగ్ యాప్...బోలో అందుబాటులోకి వచ్చింది. దీని ద్వారా విద్యార్థులు మరింత బాగా చదివేందుకు, హోంవర్క్‌‌లో సాయపడేందుకు అవకాశం ఉంటుంది. బోలో యాప్ పరిధిని మరింతగా విస్తరిస్తున్నట్టు గూగుల్‌‌ తెలిపింది. ఈ స్పీచ్‌‌ ఆధారిత యాప్‌‌ ఇక నుంచి బెంగాలీ, మరాఠీ, తమిళం, తెలుగు, ఉర్దూ భాషల్లో పనిచేస్తుంది. ముఖ్యంగా పుస్తకాలను చదవడం కూడా నేర్పుతుంది. అంతేకాదు ఈ యాప్ ద్వారా చిన్నారులు హిందీ, ఇంగ్లీష్ భాషలను సులభంగా నేర్చుకునే వీలుంటుంది. 

ఈ యాప్‌లోని దియా అనే యానిమేటెడ్ కారక్టర్ పిల్లలకు కథలు చెప్పడంతో పాటు, మాటలు నేర్పుతుంది. అంతేకాదు ఈ యాప్ ద్వారా తల్లిదండ్రులకు కూడా సూచనలు చేస్తుంది. ఇందులోని వర్డ్ గేమ్స్ ఫన్నీగా ఉంటాయి. బోలో యాప్ ద్వారా పిల్లల ప్రోగ్రెస్ ను కూడా తల్లిదండ్రులు పర్యవేక్షించే అవకాశం ఉంది. ఇంటర్నెట్ కనెక్టివిటీ లేకుండానే పనిచేయడం బోలో యాప్ ప్రత్యేకత, స్పీచ్ రికగ్నేషన్, టెక్ట్స్ టు స్పీచ్ టెక్నాలజీ ఈ యాప్ లో ప్రత్యేక ఫీచర్ అని చెప్పవచ్చు.  ఈ యాప్ విద్యార్దులకు మరింత ఉపయోగకరంగా ఉండేలా తీర్చిదిద్దింది. 

గూగుల్ బోలో యాప్‌ను యాన్యువల్ స్టేట్ ఆఫ్ ఎడ్యుకేషన్ రిసెర్చ్ సెంటర్ సహాయంతో ఈ యాప్ ను ఉత్తరప్రదేశ్‌లోని 200 గ్రామాల్లో పైలట్ ప్రాజెక్టుగా వినియోగించనున్నారు. ముఖ్యంగా ఉన్నావ్ జిల్లాలో పైలట్ ప్రాజెక్టుగా ఎంపిక చేశారు. దీని ద్వారా బోలో యాప్ పిల్లల్లో చదివే ఆసక్తి, నైపుణ్యం పెరుగుతుందని గూగుల్ ధీమా వ్యక్తంచేసింది. ఈ యాప్ లో రీడింగ్ మెటీరియల్ క్యాటలాగ్ కూడా ఉన్నాయి. బోలో యాప్ లక్షలాదిమందికి చేరువ కావడం ఖాయంగా చెబుతోంది గూగుల్.