వాట్సాప్ లో కొత్త ఫీచ‌ర్లు ఇవే..!

20-05-201920-05-2019 11:37:31 IST
2019-05-20T06:07:31.864Z20-05-2019 2019-05-20T06:07:29.396Z - - 17-04-2021

ప్రముఖ మెసేజింగ్ యాప్ వాట్సాప్ ఎప్పటిక‌ప్పుడు అనేక మార్పులు తీసుకొని వ‌స్తోంది. వినియోగ‌దారుల సౌల‌భ్యం, వారి అభిరుచికి త‌గ్గట్లుగా యాప్‌లో ఎక్స్‌ట్రా ఫీచ‌ర్లను తీసుకొస్తోంది. ఇందులో భాగంగా ఇటీవ‌ల ప‌లు ఫీచ‌ర్లను తీసుకువ‌స్తోంది వాట్సాప్. ఈ ఫీచ‌ర్ల ద్వారా వినియోగ‌దారులకు వాట్సాప్ మ‌రింత ద‌గ్గర‌య్యే అవ‌కాశం ఉంది. కొత్త ఫీచ‌ర్లలో కొన్ని ఇంకా ప‌రీక్ష ద‌శ‌లో ఉండ‌గా మ‌రికొన్ని ఇప్పటికే అందుబాటులోకి వ‌చ్చేశాయి.

ప్రొఫైల్ ఫోటోలు సేవ్ చేయ‌లేరు

ఇంత‌కాలం వాట్సాప్ లో మ‌న ప్రొఫైల్ ఫోటోల‌ను ఎవ‌రైనా వారి ఫోన్లలో సేవ్ చేసుకునే ఆప్షన్ ఉండేది. ఇది మ‌హిళ‌ల‌కు ఎక్కువ‌గా ఇబ్బంది. దీంతో ప్రొఫైల్ ఫోటో పెట్టుకోవాలంటే ఆలోచించాల్సి వ‌చ్చేది. ఇప్పుడు ఆ స‌మస్యను వాట్సాప్ ప‌రిష్కరించింది. ఇక నుంచి వాట్సాప్ లో ప్రొఫైల్ ఫోటోను ఇత‌రులు వారి ఫోన్లలో సేవ్ చేసుకునే అవ‌కాశాన్ని తొల‌గించ‌నుంది.

ఇన్ యాప్ బ్రౌజింగ్‌

ఇంత‌కాలం వాట్సాప్ లో షేర్ చేసిన లింక్ ల‌ను గూగుల్ క్రోమ్ లేదా ఒపేరా వంటి బ్రౌజింగ్ యాప్ ల ద్వారా ఓపెన్ చేయాల్సి వ‌చ్చేది. ఇప్పుడు ఇన్ యాప్ బ్రౌజింగ్ ఫీచ‌ర్ ను వాట్సాప్ అందుబాటులోకి తీసుకువ‌స్తోంది. ఈ ఫీచ‌ర్ ద్వారా వాట్సాప్ లో వ‌చ్చిన లింక్ ను క్రోమ్‌, ఒపెరాతో ప‌నిలేకుండా వాట్సాప్ లోనే ఓపెన్ చేసి బ్రౌజ్ చేయ‌వ‌చ్చు. ఇప్పటికే యూట్యూబ్ వీడియోలు ఇలా చూసే స‌దుపాయాన్ని వాట్సాప్ క‌ల్పించింది.

రాత్రి వేళ‌ల్లో ఛాటింగ్ ఈజీ

రాత్రి వేళ‌ల్లో ఛాటింగ్ చేసే వారి సౌల‌భ్యం కోసం వాట్సాప్ స‌రికొత్త ఫీచ‌ర్‌ను తీసుకువ‌చ్చే ప‌నిలో ఉంది. నైట్ మోడ్ పేరుతో వ‌స్తున్న ఈ ఫీచ‌ర్ ను ఉప‌యోగించుకుంటే రాత్రి వేళ వాట్సాప్ స్క్రీన్ డార్క్ గ్రే క‌ల‌ర్ లోకి మారిపోతోంది. దీంతో క‌ళ్లకు కూడా ఎఫెక్ట్ ఉండ‌దు. ఈ ఫీచ‌ర్ ప్రస్తుతం ప‌రీక్ష ద‌శ‌లో ఉంది. త్వర‌లోనే వినియోగ‌దారుల‌కు అందుబాటులోకి  రావ‌చ్చు.