వాట్సప్ గ్రూప్‌ పట్టు.. మెసేజ్ పెట్టు

27-03-201927-03-2019 17:48:34 IST
2019-03-27T12:18:34.462Z27-03-2019 2019-03-27T12:18:28.341Z - - 10-04-2021

లోక్‌సభ ఎన్నికల మొదటి విడత పోలింగ్‌కు సమయం దగ్గరపడుతుండటంతో రాజకీయ పార్టీలు తమ ప్రచారాన్ని సోషల్ మీడియాలో ముమ్మరం చేశాయి. ఓటర్లను ప్రభావితం చేసేందుకు దేశవ్యాప్తంగా వివిధ పార్టీలకు చెందిన 90వేల వరకూ వాట్సాప్‌ గ్రూపులు పని చేస్తున్నాయని అంచనా.  ఈ విషయాన్ని సామాజిక మాధ్యమాల నిపుణులు చెబుతున్నారు.

మీరు ఎవరికి ఓటెయ్యాలో, ఎవరిని గెలిపించాలో, ఎందుకు గెలిపించాలో వాట్సప్ సందేశాలు మీ ఫోన్లకు హోరెత్తనున్నాయి. దేశవ్యాప్తంగా స్మార్ట్ ఫోన్ల వినియోగం పెరగడంతో వివిధ రాజకీయ పార్టీలు వాట్సప్‌ గ్రూపులను ప్రోత్సహిస్తున్నాయి. తమ కార్యకర్తలు, సాంకేతిక నిపుణుల ద్వారా సందేశాలు పోస్ట్ అవుతున్నాయి.

తమ ప్రచారం కోసం రాజకీయపార్టీలు ఏ చిన్న అవకాశాన్ని వదులుకోవడంలేదనడానికి ఈవాట్సప్ గ్రూపులే నిదర్శనం. ముఖ్యంగా సోషల్ మీడియా వేదికగా జోరుగా క్యాంపెయినింగ్ నిర్వహిస్తున్నారు. ఫేస్ బుక్, ట్విట్టర్‌తో పాటు వాట్సప్‌లలో ఓటర్లకు రాజకీయ సందేశాలు పంపుతున్నారు. క్షణం కూడా తీరిక లేకుండా సందేశాలు బట్వాడా అవుతున్నాయి. దాదాపు 2 కోట్ల 50 లక్షల మందికి పైగా యూజర్లకు నేరుగా సమాచారాన్ని అందిస్తాయని తెలుస్తోంది. 

సోషల్ మీడియా ప్రచారంలో ఇప్పటి వరకు ముందున్న ఫేస్‌బుక్‌కు వాట్సప్ షాకిచ్చింది. దీనిని బట్టి చూస్తే వాట్సప్ హవా ఏ రేంజ్ లో ఉందో అర్థం చేసుకోవచ్చు. ఈ గ్రూపులలో ఒక్కొక్కరు ఐదుగురికి మెసేజ్‌లు పంపడం ద్వారా కొన్ని కోట్ల మందిని ప్రభావితం చేయగలరు. అది ఫేక్ న్యూస్ అయినా ఒరిజినల్ అయినా భారీ స్థాయిలో అది ట్రోల్ అవుతున్నట్లు దీని ప్రకారం తెలుస్తోంది.

నిజమయిన, నిక్కచ్చి అయిన సమాచారం అందేందుకు వాట్సప్‌ పలు జాగ్రత్తలు తీసుకుంటోంది. తప్పుడు సమాచారాన్ని,కల్పిత వార్తలను అడ్డుకోవడానికి లక్ష మందికి శిక్షణ ఇచ్చి నియమించుకోవడం విశేషం. కేంద్ర ఎన్నికల సంఘం సూచనలతో నైతిక నియమావళిని పాటిస్తోంది. మొత్తం ఈ సారి లోక్‌సభ ఎన్నికల్లో టెక్నాలజీ వినియోగం.. మూడు ఫేస్ బుక్ అకౌంట్లు.. ఆరు వాట్సప్ గ్రూపులుగా కొనసాగుతోంది.