రోబో వచ్చి..హోంవర్క్ చేసేస్తే...!

02-03-201902-03-2019 07:53:33 IST
2019-03-02T02:23:33.039Z02-03-2019 2019-03-02T02:23:20.676Z - - 17-04-2021

ఏ దేశంలో చిన్నారులకైనా హోంవర్క్ భారమే. ఆడిపాడే వయసులో వారు పుస్తకాల బరువు మోస్తూ... ఇంటికొచ్చాక కూడా హోంవర్క్ చేస్తూ హైరానా పడతారు. చైనాలో ఓ చిన్నారికి ఓ ఐడియా వచ్చింది.  స్కూల్ టీచర్లు ఇచ్చే హోంవర్క్ చేయడానికి ఓ రోబో ఉంటే ఎంత బావుంటుంది అని. హోం వర్క్ చేసే రోబో దొరుకుతుందా.. అని అన్వేషణ చేపట్టింది. ఆ చిన్నారి ప్రయత్నం ఫలించింది. ఓ రోబో దొరికింది. 

ఎంచక్కా ఓ రోబోను ఇంటికి తెచ్చుకుంది. అంతవరకూ బాగానే ఉంది. కానీ వాళ్ళమ్మ మాత్రం చిన్నారికి షాకిచ్చింది. స్కూల్‌కు వెళ్లి రాగానే.. హోంవర్క్ అంతా రోబోకి అప్పజెప్పి తను ఎంచక్కా ఆడుకోవచ్చని భావించిన ఆ చిన్నారికి చుక్కెదురైంది. నీ హోం వర్క్ రోబో చేస్తే.. నీవేం చేస్తావ్? నీ చదువు సంగతేంటి? అంటూ చెత్తబుట్టలో పడేసింది. ఇదంతా తెలిసిన టెక్నాలజీ ప్రియులు మాత్రం ఆ చిన్నారిని మెచ్చుకుంటున్నారు.

స్మార్ట్‌గా హోం వర్క్ చేసుకునే పద్ధతిని కనిపెట్టిన ఆ చిన్నారిని శభాష్ అంటున్నారు. ఇంతకీ ఈ రోబో ధర కేవలం మన కరెన్సీలో పదివేల లోపే. పిల్లలు రాయాల్సిన హోంవర్క్ అంతా  రోబో పూర్తిచేస్తుంది. పిల్లలు హోంవర్క్ చేసే రోబోలను ఆశ్రయిస్తే.. రేపు వాళ్ళు రాయాల్సిన పరీక్షలకు కూడా రోబోలే  కావాలంటారు. అప్పుడు పిల్లల చదువు సంగతేంటని పేరెంట్స్ తెగ మథనపడిపోతున్నారు.