రియల్‌మి ఫోన్లలో ‘ఆండ్రాయిడ్‌ 10’ విడుదల తేదీలివిగో...

14-09-201914-09-2019 08:03:37 IST
2019-09-14T02:33:37.411Z14-09-2019 2019-09-14T01:58:06.898Z - - 12-04-2021

యూజర్లకు ఎప్పటికప్పుడు తక్కువ ధరలో మొబైల్స్‌ అందిస్తోంది రియల్‌మి. లోబడ్జెట్లో మొబైళ్లు కొనాలని చూసేవారికి ఆసక్తికరమైన ఫీచర్లతో స్మార్ట్‌ఫోన్లను అందిస్తోంది. అందుకుతగ్గట్టే సాఫ్ట్‌వేర్‌ అప్‌డేట్‌లు ఇస్తూ వస్తోంది. అందుకే బడ్జెట్‌ వినియోగదారులు రియల్‌మి ఫోన్లు అంటే మోజు చూపిస్తున్నారు. దానికి తగ్గట్టే నెలకో మొబైల్‌ను తీసుకొస్తోంది రియల్‌ మి. నిన్ననే రియల్‌మి XT స్మార్ట్‌ఫోన్లను లాంచ్‌ చేసింది కూడా. ఇప్పుడు తమ మొబైల్స్‌కు కొత్త ఆండ్రాయిడ్‌ ఆపరేటింగ్‌ సిస్టమ్‌ ఎప్పుడు వస్తుందనే విషయాన్నికూడా స్పష్టం చేసింది.

రియల్‌మి మొబైళ్లలో అధిక శాతం వినియోగంలో ఉన్న స్మార్టఫోన్లకు వచ్చే ఏడాది 'తొలి క్వార్టర్‌' నుంచే ఆండ్రాయిడ్‌ 10 రిలీజ్‌ మొదలవుతుంది. రియల్‌ మి 3 ప్రో, రియల్‌ మి 5 ప్రో, రియల్‌ మి X, రియల్‌మి XT మొబైళ్లకు వచ్చే ఏడాది తొలి త్రైమాసికంలో ఆండ్రాయిడ్‌ 10 వస్తుంది. ఇక 'రెండో క్వార్టర్‌లో' రియల్‌మి 3, రియల్‌మి 5, రియల్‌మి 3i స్మార్ట్‌ఫోన్లకు కొత్త ఆండ్రాయిడ్‌ ఓఎస్‌ అందుబాటులోకి వస్తుంది. రియల్‌మి రెండో తరం మొబైల్‌ రియల్‌మి 2 pro కు మాత్రం 'మూడో క్వార్టర్‌లో' ఆండ్రాయిడ్‌ 10 వస్తుంది. రియల్‌మి 2, రియల్‌మి 1కి ఆండ్రాయిడ్‌ 10 రానట్లే. ఇకపై వచ్చే కొత్త రియల్‌మి సిరీస్‌లు డైరెక్ట్‌గా ఆండ్రాయిడ్‌ 10తోనే  వస్తాయని తెలుస్తోంది. 

ఆండ్రాయిడ్‌ తన కొత్త ఆపరేటింగ్‌ సిస్టమ్‌ను ఇటీవల లాంచ్‌ చేసింది. ఈసారి కొత్తగా వెర్షన్‌ ఆండ్రాయిడ్‌ 10 అనే పేరు పెట్టింది. మామూలుగా అయితే సిరీస్‌లో  భాగంగా Q తో మొదలయ్యేలా ఏదో ఆహార పదార్థం పేరు పెట్టాలి. కానీ ఈసారి ఆ పని చేయలేదు. యూజర్ల సౌలభ్యం కోసం ఈ మార్పు చేసినట్లు చెప్పింది. అయితే Qతో పేరును త్వరలో ప్రకటిస్తుందని వార్తలొస్తున్నాయి. దీనిపై గూగుల్‌ నుంచి ఎవరూ స్పందించడం లేదు.