రష్యన్ మూవీ స్టార్ ల్యూబొవ్ ఒర్లోవాపై గూగుల్ డూడుల్

11-02-201911-02-2019 08:08:22 IST
Updated On 11-02-2019 08:08:57 ISTUpdated On 11-02-20192019-02-11T02:38:22.060Z11-02-2019 2019-02-11T02:37:39.097Z - 2019-02-11T02:38:57.115Z - 11-02-2019

రష్యన్ మూవీ స్టార్ ల్యూబొవ్ ఒర్లోవాపై గూగుల్ డూడుల్  రూపొందించింది. ఇవాళ ల్యూబొవ్ ఒర్లోవా 117వ జయంతి సందర్భంగా ప్రత్యేకంగా ఈ డూడుల్ హోంపేజ్‌లో ఉంచింది.రష్యన్ మూవీ స్టార్ ల్యూబొవ్ ఒర్లోవా మాస్కోలో 1902లో జన్మించారు. కళలు, సాహిత్యరంగాల్లో ఒర్లోవా విశేష ప్రతిభ కనబరిచారు. చిన్నతనంలో అద్భుత ప్రతిభ కలిగి ఉండడంతో అందరి దృష్టిలో పడ్డారు. థియేటర్ ఆర్ట్స్, నాటకాలు, పాటలు పాడడంతో ఆమె కెరీర్  ప్రారంభించింది.  సామాజిక కార్యక్రమాల్లోనూ విరివిగా పాల్గొనేవారు. 1930లో ఒపేరాలో నృత్య ప్రదర్శన ఇచ్చారు. 

ఆమె వయసును కనిపించకుండా అనేక జాగ్రత్తలు తీసుకున్నారు. వయసు ఒక భావన మాత్రమేనని, మనలో టాలెంట్ వుంటే అది దేనికీ ఆటంకం కాదనేవారు. లవ్లీ లైర్  నాటకం ఆమెకు మంచి పేరు తెచ్చింది. రష్యన్ సినిమాలో ఒర్లోవా పెద్ద స్టార్ హీరోయిన్‌గా ఎదిగారు. 1941లో స్టాలిన్ అవార్డు గెలుచుకున్నారు. రష్యాలో (యుఎస్ఎస్ఆర్) లో ఇలాంటి ప్రతిష్టాత్మక అవార్డు గెలుచుకున్న తొలి హీరోయిన్ ఒర్లోవా.