మోటో జీ సిరీస్‌ కొత్త మొబైల్‌ వచ్చింది... బాగా అలవాటైన ధరలో

25-10-201925-10-2019 13:06:42 IST
2019-10-25T07:36:42.156Z25-10-2019 2019-10-25T07:36:38.938Z - - 11-04-2021

మోటొరోలా నుంచి వచ్చే మొబైళ్లలో జి సిరీస్‌ బాగా ప్రాచుర్యం పొందింది. ఇప్పుడు చైనా సంస్థల మొబైల్స్‌ వచ్చి మోటొరోలా కాస్త వెనుకబడింది కానీ... ఒకప్పుడు మోటో జి సిరీస్‌ మొబైల్స్‌ ఎప్పుడొచ్చినా హాట్‌ టాపిక్‌గా ఉండేవి. బడ్జెట్‌ ధరలో అదరగొట్టేవి. అయితే ఇదే సమయంలో కాస్త ధర ఎక్కువ పెట్టి మోటొరోలా ధరలు కాస్త ఎక్కువ పెట్టి ఇబ్బంది కూడా పడింది. ఇప్పుడు జి సిరీస్‌లో జి8 వచ్చింది.  బడ్జెట్‌ ఫోన్ల మార్కెట్‌ లో బాగా అలవాటైన రూ.13,999 ధరతో తీసుకొచ్చారు. బ్రెజిల్‌ లో జరిగిన ఓ ఈవెంట్‌లో ఈ సిరీస్‌ మొబైళ్లను లాంచ్‌ చేశారు. 

మోటో జీ8 ప్లస్‌ ప్రత్యేకతలు:

ఈ మొబైల్‌లో 6.3 అంగుళాల ఫుల్‌ హెచ్‌డీ ప్లస్‌ ఐపీఎస్‌ ఎల్‌సీడీ డిస్‌ ప్లే ఉంటుంది. వాటర్‌ డ్రాప్‌ నాచ్‌లో కెమెరా ఇస్తున్నారు. ఇందులో క్వాల్‌కోమ్‌ స్నాప్‌డ్రాగన్‌ 665 ప్రాసెసర్‌ ఉంటుంది. 4 జీబీ ర్యామ్‌, 64 జీబీ ఇంటర్నల్‌ మెమొరీ ఉంటుంది. 4000 ఎంఏహెచ్‌ బ్యాటరీ ఇస్తున్నారు. టైప్‌ సీ ఛార్జర్‌తో 15వాట్‌ టర్బో ఛార్జింగ్‌ ఆప్షన్‌ను తీసుకొస్తున్నారు. ముందువైపు 25 ఎంపీ కెమెరా ఉంటుంది. వెనుకవైపు శాంసంగ్‌ ఐఎస్‌వో సెల్‌ బ్రైట్‌ జీఎం1 సెన్సర్‌తో 48 ఎంపీ కెమెరా ఉంటుంది. 16 ఎంపీ అల్ట్రా వైడ్‌ కెమెరా ఇచ్చారు. దీంతో 117 డిగ్రీల వైడ్‌ యాంగిల్‌ పొటోలు తీసుకోవచ్చు. దీంతోపాటు పోర్‌ట్రైట్‌ పొటోల కోసం 5 ఎంపీ డెప్త్‌ సెన్సర్‌ తీసుకొస్తున్నారు. 

మోటో జీ8 ప్లస్‌ను మన మార్కెట్‌లోకి రూ.13,999 ధరకు తీసుకొస్తారని తెలుస్తోంది. కాస్మిక్‌ బ్లూ, క్రిస్టల్‌ పింక్‌ రంగుల్లో అందుబాటులోకి తీసుకొస్తారని సమాచారం. ఈ నెలాఖరులో ఫ్లిప్‌కార్ట్‌లో సేల్‌కి తీసుకొస్తున్నారు. మరి అందుబాటు ధరలో తీసుకురానున్న ఈ మొబైల్‌ ఏ మేర యూజర్లను ఆకట్టుకుంటుదో చూడాలి. దీంతోపాటు మోటో జీ8 ప్లే, మోటో ఈ6 ప్లే ను కూడా ఆవిష్కరించారు. అవి మన దేశానికి ఎప్పుడొస్తాయనేది త్వరలో తెలుస్తుంది.