మోటోరోలా మరోసారి ఫీచర్‌ని పేరుకు తోకగా చేసిందబ్బా!

07-10-201907-10-2019 22:35:52 IST
2019-10-07T17:05:52.254Z07-10-2019 2019-10-07T17:05:48.805Z - - 22-04-2021

మోటోరోలా ఇటీవల కొత్త ఫోన్లను లాంచ్‌ చేస్తోంది. అందులో ఒక పాయింట్‌ మాత్రం కామన్‌గా ఉంటోంది. అదే పేరు చివర తోక. మొబైల్‌లో స్పెషల్‌ ఫీచర్‌ను పేరు చివర తీసుకొస్తూ హైలైట్‌ చేస్తూ వస్తోంది. మోటో వన్‌ పవర్‌, మోటోరోలా జూమ్‌ అంటూ ఈ స్టైల్‌ లోనే తీసుకొచ్చింది. ఇప్పుడు ఈ వరుసలో మరో మొబైల్‌ రాబోతోంది. ఇందులో మాక్రో లెన్స్‌ను ప్రత్యేకంగా తీసుకొస్తున్నారు. అందుకే ఈ మొబైల్‌ పేరును మోటోరోలా వన్‌ మాక్రో అని పిలుస్తున్నారు.

మోటోరోలా బడ్జెట్‌ మొబైల్స్‌ రేసు నుంచి తప్పుకుందా? అనుకుంటున్న తరుణంలో మోటోరోలా వన్‌ సిరీస్‌ ను తీసుకొచ్చింది. 5000 ఎంఏహెచ్‌ బ్యాటరీ, ఆండ్రాయిడ్‌ వన్‌ ఆపరేటింగ్‌ సిస్టమ్‌తో వచ్చిన ఈ మొబైల్‌కు మంచి స్పందన వచ్చింది. దీంతో ఆ సిరీస్‌ను కంటిన్యూ చేస్తోంది. తాజగా ఈ సిరీస్‌లో కెమెరా ప్రధానంగా మోటోరోలా వన్‌ మాక్రోను ప్రకటించింది. ఈ నెల 9న ఈ మొబైల్‌ భారత మార్కెట్‌లోకి తీసుకొస్తోంది. ఇప్పటికే దీనికి సంబంధించిన బ్యానర్లు ఫ్లిప్‌కార్ట్‌ లో కనిపిస్తున్నాయి.

మోటోరోలా వన్‌ మాక్రోలో 4000 ఎంఏహెచ్‌ బ్యాటరీ ఉంటుందని తెలుస్తోంది.  కొత్తగా 2ఎంపీ 1/5 మాక్రో కెమెరా ఉండోబోతంది. దీంతోపాటు 2 ఎంపీ డెప్త్‌ సెన్సర్‌ ఉంటుంది. 13 ఎంపీ ప్రధాన కెమెరా అందిస్తున్నారు. ఇందులో మీడియాటెక్‌ హీలియో పి60 ప్రాసెసర్‌ ఉండబోతోంది. 2జీబీ ర్యామ్‌,3 జీబీ ర్యామ్‌ మోడళ్లు ఉంటాయి. 64 జీబీ వరకు ఇంటర్నల్‌ మెమొరీ ఉంటుంది. 6.1 అంగుళాల స్క్రీన్‌ ఉంటుంది. 8 ఎంపీ సెల్ఫీ కెమెరా అందిస్తున్నారు. ఆండ్రాయిడ్‌ ‘పై’ ఆపరేటింగ్‌ సిస్టమ్‌తో పని చేస్తుంది.