ఫేస్‌బుక్‌లో కొత్త ఫీచర్.. ట్రంప్‌కి షాకిచ్చిన జుకెర్ బర్గ్

20-06-202020-06-2020 13:18:00 IST
Updated On 20-06-2020 15:22:39 ISTUpdated On 20-06-20202020-06-20T07:48:00.920Z20-06-2020 2020-06-20T07:41:21.268Z - 2020-06-20T09:52:39.227Z - 20-06-2020

ప్రపంచవ్యాప్తంగా ఫేస్ బుక్ సోషల్ మీడియాలో దూసుకుపోతోంది. అమెరికాలో త్వరలో అధ్యక్ష ఎన్నికలు జరగనున్నాయి. ఈనేపథ్యంలో ఫేస్ బుక్ యూజర్ల కోసం కొత్త ఫీచర్ అందుబాటులోకి తేవాలని భావిస్తోంది. ఫేస్ బుక్ లో యాడ్స్ ని నియంత్రించే అవకాశం యూజర్లకు లభించనుంది. అంతేకాదు, అమెరికా అధ్యక్ష ఎన్నికల్లో ఓటింగ్ శాతాన్ని పెంచేందుకు వీలుగా ఫేస్‌బుక్‌ సీఈఓ మార్క్ జుకర్‌బెర్గ్‌ ఈ సౌకర్యాన్ని తీసుకురావాలని నిర్ణయం తీసుకున్నట్లు తెలుస్తోంది.

దీనివల్ల యూజర్లు తమ ఫేస్‌బుక్‌ పేజీపై కనిపించే పొలిటికల్ యాడ్స్‌ను చాలా సులువుగా బ్లాక్ చేసుకునే అవకాశం ఉంటుంది. తమకు ఇష్టం అయితే చూడవచ్చు. గతంలోనే వివాదాస్పదమైన రాజకీయ ప్రకటనలు ఇన్‌స్టాగ్రామ్, ఫేస్‌బుక్‌లలో ప్రదర్శన కావడంతో జుకర్‌బెర్గ్ తీవ్ర విమర్శలు ఎదుర్కొంటున్నారు‌. అయితే రాబోయే అధ్యక్ష ఎన్నికల్లో అలాంటి తప్పులు జరగకూడదనే ఉద్దేశ్యంతో ‘ఓటింగ్ ఇన్ఫర్మేషన్ సెంటర్’ అనే ఫీచర్‌ను అందుబాటులోకి తీసుకురానున్నారు. 

ఈ ఫీచర్ ద్వారా ఎన్నికలకు సంబంధించి యూజర్లకు అవసరమైన సమాచారం అందుబాటులోకి వస్తుంది. ఓటు హక్కు కోసం ఎక్కడ రిజిస్టర్ చేసుకోవాలి.? ఓటింగ్ కేంద్రం వివరాలు, ఇతరత్రా విషయాలన్నీ కూడా తెలుసుకోవచ్చని జుకర్‌బెర్గ్‌ ఓ ఇంటర్వ్యూలో వెల్లడించారు. సుమారు 160 మిలియన్ ప్రజలు ఈ సమాచారాన్ని సోషల్ మీడియా ఫీడ్స్‌లో చూస్తారని భావిస్తున్నామన్నారు. ఈ. ఈ సంఖ్యను మరింతగా పెంచి.. అమెరికా అధ్యక్ష ఎన్నికల్లో ఓటర్ టర్నవుట్ 4 మిలియన్‌కు చేర్చాలని లక్ష్యంతో వున్నారు జుకెర్ బర్గ్. ఫేస్ బుక్ ద్వారా యూజర్ల సమాచారం లీక్ కాకుండా కూడా టెక్నాలజీ ఉపయోగిస్తామన్నారు. అంతేకాదు, ఫేస్ బుక్ లో జాతి వివక్షను పెంచే ప్రకటనలను అనుమతించరు. 

ట్రంప్ వైఖరిని నిరసిస్తూ ఫేస్ బుక్ కొన్ని ప్రకటనలను తొలగించింది. ఎన్నిక‌ల ప్ర‌చారంలో భాగంగా సోష‌ల్ మీడియాలో షేర్ చేసిన  ప్ర‌క‌ట‌న‌ల్ని  ఫేస్‌బుక్ తొలిగించింది. కంపెనీ నిబంధ‌న‌ల‌కు విరుద్ధంగా ఉద్వేశ‌పూరిత సింబ‌ల్‌ను ఉప‌యోగించార‌న్న కార‌ణంతో పోస్టులను తొలిగిస్తున్న‌ట్లు ఫేస్‌బుక్ ప్ర‌క‌టించింది. న‌వంబ‌రులో జ‌ర‌గ‌నున్న అమెరికా అధ్య‌క్ష ఎన్నికల కోసం ఇప్ప‌టికే సోష‌ల్ మీడియాలో విసృతంగా ప్ర‌చారం మొద‌లుపెట్టారు. రాజ‌కీయ ఖైదీల‌ను గుర్తించేందుకు వాడే నిషేధిత సింబ‌ల్స్‌ని ప్ర‌క‌ట‌న‌ల్లో ఉప‌యోగించార‌న్న కార‌ణంతో పోస్టుల‌ను తొలగించారు. అయితే ట్రంప్ దీనిని వ్యతిరేకిస్తున్నారు.