పేటీయం నుంచి మెసేజ్ వచ్చిందా? తస్మాత్ జాగ్రత్త

21-11-201921-11-2019 13:38:58 IST
2019-11-21T08:08:58.062Z21-11-2019 2019-11-21T08:08:56.715Z - - 11-04-2021

ఈమధ్య కాలంలో డిజిటల్ లావాదేవీలు బాగా జరుగుతున్నాయి. నోట్ల రద్దు తర్వాత అయితే జనం పేటిఎం వంటి వాటిని విరివిగా ఉపయోగిస్తున్నారు. ఇదిలా ఉంటే మోసగాళ్ళు వేటినీ వదలడం లేదు. వివిధ రకాల ఎస్ ఎంఎస్ లు పంపి వినియోగదారుల నుంచి సమాచారాన్ని కొల్లగొడుతున్నారు. ఈ నేపథ్యంలో పేటీఎం వినియోగదారులను అలర్ట్ చేస్తోంది. పేటీఎం వినియోగదారులు నకిలీ ఎస్‌ఎంఎస్‌ల పట్ల జాగ్రత్తగా ఉండాలని హెచ్చరించింది.

పేటీఎంలో గత కొద్ది రోజులుగా కస్టమర్లకు నకిలీ ఎస్‌ఎంఎస్‌లు ఎక్కువగా వస్తున్నాయి. మీ కేవైసీ అప్ డేట్ చేసుకోండి, మీ ఆధార్ వివరాలు, బ్యాంకు వివరాలు ఇవ్వండి.. లేకుంటే మీ అకౌంట్ రద్దవుతుందనే హెచ్చరికలు వస్తున్నాయి. దీంతో అనేక మంది వినియోగదారులు పేటీఎంకు ఫిర్యాదుచేశారు. దీనిపై సీఈవో విజయ్ శేఖర్ శర్మ ట్విట్టర్‌లో స్పందించారు. యూజర్లను అప్రమత్తంగా ఉండాలని కోరారు.

పేటీఎం వినియోగదారులకు వారి పేటీఎం అకౌంట్లు హోల్డ్‌లో ఉన్నాయని, కేవైసీ చేసుకోవాలని వచ్చే మెసేజ్‌లు నమ్మవద్దని, ఇవి అధికారికంగా పేటీఎం పంపించే మెసేజ్ లు కావని పేర్కొన్నారు సీఈవో. కొంతమంది సైబర్ నేరగాళ్ళు పేటీఎం యూజర్ల డేటాను చోరీ చేసేందుకు వేసిన ఎత్తుగడ ఇది అని వివరించారు. వినియోగదారులు నకిలీ మెసేజ్‌ల పట్ల జాగ్రత్తగా ఉండాలని, వాటికి స్పందించవద్దన్నారు.