పేటిఎం యాప్‌లో హైదరాబాద్ మెట్రో సేవలు

28-06-201928-06-2019 15:32:21 IST
2019-06-28T10:02:21.147Z28-06-2019 2019-06-28T10:02:19.183Z - - 17-04-2021

హైదరాబాద్ మెట్రో నగర జీవుల ప్రయాణ గతిని మార్చేసిందని చెప్పవచ్చు. ఎన్నో ఆశలతో మెట్రో కోసం ఎదురుచూసిన నగరవాసులు మెట్రో సేవలపై మిశ్రమ స్పందన కనబరుస్తున్నారు. తాజాగా పేటీఎం యాప్ ద్వారా హైదరాబాద్ లోని మెట్రో వివరాలను తెలుసుకునే వెసులు బాటు అందుబాటగులోకి వచ్చింది. ఇప్పటికే మెట్రో రైలు సదుపాయం ఉన్న ఢిల్లీ, నోయిడా, గురుగావ్, బెంగళూరు, కలకత్తా, ముంబై, చెన్నై, లక్నో, కొచ్చి, జైపూర్‌లో అందుబాటులో ఉన్న ఈ సేవలు ఇక నుంచి హైదరాబాద్ మెట్రో ప్రయాణికులకు అందుబాటులోకి వస్తున్నాయి.

కొత్తగా అందుబాటులోకి తెచ్చిన ఈ సౌకర్యం ద్వారా ప్రయాణికులు తాము ప్రయాణించే రూట్లకు సంబంధించిన రూట్ మ్యాప్‌ను సూచించడమే కాకుండా, ప్రయాణ సమయం అంచనా, చార్జీలు, మధ్యలో వచ్చు స్టేషన్ల సంఖ్య, లైన్ల మార్పిడి కోసం ఇంటర్‌ఛేంజ్ స్టేషన్ల వివరాలను యాప్ ద్వారా పొందవచ్చు. దీనివల్ల విలువైన సమయం, ఖచ్చితమయిన సమాచారం అందించవచ్చు. మెట్రో రూట్ సెర్చ్ అనేదీ మెట్రో ప్రయాణికులు తమ ప్రయాణాన్ని తెలివిగా ప్లాన్ చేసుకునేందుకు ఒక సౌకర్యవంతమైన పద్ధతిగా చెబుతున్నారు.

పేటీఎం యాప్‌లో మెట్రో ఐకాన్‌పై క్లిక్ చేస్తే స్క్రీన్‌పై కనబడే దానిలో హైదరాబాద్ నగరాన్ని ఎంచుకుని రూట్ సెర్చ్ ఆప్షన్‌పై క్లిక్ చేస్తే చాలు. మీరు ఉన్న స్థానం.. మీరెక్కడికి వెళ్లాలి, ఎంత సమయం పడుతుందనేది తెలుసుకోవచ్చు. రూట్స్ చూడటానికి సెర్చ్ బటన్‌పై క్లిక్ చేయండి. యాప్‌లో రూట్‌తో పాటు ఎంపిక చేసుకున్న స్టేషన్ల మధ్య ప్రయాణ సమయాన్ని కూడా చూపిస్తుంది. దీంతో ఏ సమయానికి మీరు బయలుదేరాలి, ఎంత టైంకి అక్కడికి చేరుకుంటారో తెలియచేస్తుంది. ఈ యాప్ ప్రయాణికులకు ఎంతో సౌకర్యంగా ఉంటుందని మెట్రో అధికారులు చెబుతున్నారు.