పబ్ జీ గేమ్ ఆడితే అరెస్ట్... ఎక్కడ? ఎందుకు?

14-03-201914-03-2019 18:16:41 IST
2019-03-14T12:46:41.960Z14-03-2019 2019-03-14T12:46:37.622Z - - 14-04-2021

గేమ్స్ ఆడితేనే అరెస్ట్ చేస్తారా? ఇదేం అన్యాయం అని అనకండి. ఎందుకంటే వివిధ గేమ్స్ వల్ల గొడవలు, హత్యలు కూడా జరుగుతున్న సంగతి తెలిసిందే. మోడీ స్వంత రాష్ట్రం గుజరాత్ ఈ గేమ్‌ని నిషేధించిన సంగతి తెలిసిందే. 

పబ్‌జీ గేమ్‌ ఆడినందుకు పది మంది విద్యార్థులను గుజరాత్ పోలీసులు అరెస్టు చేశారు. అహ్మదాబాద్‌లో పది మంది యూనివర్సిటీ విద్యార్థులు గేమ్ ఆడుతూ పోలీసులకు దొరికిపోయారు. ఈ గేమ్‌ వల్ల పిల్లలు ప్రవర్తన, భాషలో మార్పు రావడంతో పాటు వారి చదువు కూడా నాశనం అవుతోందని గుజరాత్ ప్రభుత్వం ఈ ఆటను నిషేధించిన సంగతి తెలిసిందే. 

అయితే పబ్ జీ గేమ్ ఆడుతూ అరెస్టయిన విద్యార్ధులను వెంటనే విడుదలచేశారు. ఈ గేమ్ ఆడవద్దని కౌన్సిలింగ్ చేశామని పోలీసులు తెలిపారు. ప్రపంచవ్యాప్తంగా దాదాపు 100 మిలియన్ల మంది ఈ గేమ్‌ను తమ మొబైల్‌ ఫోన్లలో డౌన్‌లోడ్‌ చేసుకున్నట్లు సమాచారం. పబ్ జీ గేమ్ కారణంగా ఆత్మహత్యలు కూడా జరుగుతున్నాయి. చదువుపై వారికి శ్రద్ధ తగ్గుతోందనే ఫిర్యాదులు కూడా అందుతున్నాయి. దీంతో విద్యావేత్తలు పిల్లలు ఆడే గేమ్స్ పై ఒక కన్నేసి ఉంచాలంటున్నారు.