డెబిట్ కమ్ క్రెడిట్ కార్డు.. రెండూ ఒకేదాంట్లో !

18-10-201818-10-2018 05:30:00 IST
Updated On 18-10-2018 13:01:25 ISTUpdated On 18-10-20182018-10-18T00:00:00.000Z18-10-2018 2018-10-18T00:00:00.000Z - 2018-10-18T07:31:25.386Z - 18-10-2018

టెక్నాలజీ బాగా మారిపోయింది. ప్లాస్టిక్ కార్డుల వినియోగం బాగా పెరిగిపోయింది. చేతిలో డెబిట్ కార్డులు, క్రెడిట్ కార్డులు ఉంటే షాపింగ్ మరింత సులువు అవుతోంది. అయితే డెబిట్ కార్డు, క్రెడిట్ కార్డు రెండూ కలిసిపోతే ఇంకా బాగుంటుంది కదా. ఇప్పుడు ఇండస్ ఇండ్ బ్యాంకు ఈ తరహా డెబిట్ కమ్ క్రెడిట్ కార్డు మార్కెట్లోకి విడుదలచేసింది. తొలిసారి 2 ఈఎంవీ చిప్‌ డెబిట్‌ కమ్‌ క్రెడిట్‌ కార్డు అందుబాటులోకి వచ్చింది. ఈ టూ-ఇన్‌-వన్‌ డ్యూ కార్డు రెండు మాగ్నెటిక్‌ స్ట్రిప్స్‌, 2 ఈఎంవీ చిప్స్‌లతో మార్కెట్‌లోకి వచ్చింది. ఇవి డెబిట్‌, క్రెడిట్‌ కార్డులు చేసే రెండు పనులను చేస్తోంది. కస్టమర్లకు సౌకర్యవంతంగా ఉండేందుకు డెబిట్‌ కమ్‌ క్రెడిట్‌ కార్డును తీసుకొచ్చినట్టు బ్యాంక్‌ చెబుతోంది. ప్రతి రోజూ జరిపే క్రెడిట్‌ లేదా డెబిట్‌ కార్డుల అన్ని లావాదేవీలకు రెండు కార్డులను తీసుకు వెళ్లాల్సినవసరం లేకుండా.. ఇక నుంచి ఒకే కార్డును తీసుకువెళ్లవచ్చని పేర్కొంది. బ్యాంకింగ్‌ను మరింత సులభతరం చేసి, తమ కస్టమర్లకు సౌకర్యవంతంగా తీసుకురావడమే తమ లక్ష్యమని ఇండస్‌ఇండ్‌ బ్యాంక్‌ అధికారులు చెబుతున్నారు. ఒక్క ప్లాస్టిక్‌ కార్డులోనే విస్తృతమైన ఆఫర్లను, అనుభవాన్ని ఉన్నతంగా అందించనున్నట్టు పేర్కొన్నారు. ఈ కార్డులోని రెండు చిప్స్‌కి రెండు నెంబర్లు ఉంటాయి. మనం ఏ కార్డు వాడాలనుకుంటే... అటువైపు స్వైప్ చేస్తే సరిపోతుంది.