ట్విట్టర్లో దూసుకుపోతున్న ఆర్థికశాఖ . 2 మిలియన్ల ఫాలోవర్లు

14-06-202014-06-2020 12:04:17 IST
2020-06-14T06:34:17.368Z14-06-2020 2020-06-14T06:33:45.758Z - - 11-04-2021

కరోనా కష్టకాలంలో దేశ ఆర్థిక వ్యవస్థను గాడిలోపెట్టేందుకు ప్రధాని మోడీ ఆత్మనిర్భర భారత్ పేరుతో ప్యాకేజీ ప్రకటించిన సంగతి తెలిసిందే. వలస కార్మికుల సంక్షేమానికి, చిన్నతరహా పరిశ్రమలు, చిరు వ్యాపారుల కోసం అనేక పథకాలు, రాయితీలు అమలు చేస్తున్న సంగతి తెలిసిందే. గతంలో కంటే కరోనా వైరస్ వ్యాప్తి నిరోధానికి ప్రజలు స్వీయనిర్బంధం పాటిస్తున్నారు. ఇళ్ళకే పరిమితం అయిన జనం సోషల్ మీడియాలో యాక్టివ్ గా వున్నారు. 

తాజాగా కేంద్ర ఆర్థిక శాఖ ట్విట్టర్ అకౌంట్ల ఫాలోవర్ల సంఖ్య భారీగా పెరిగింది. ప్రస్తుతం 20లక్షలమంది కేంద్ర ఆర్థిక శాఖ ట్విట్టన్ హ్యాండిల్ ఉపయోగిస్తున్నారు. ఫైనాన్స్ మినిస్ట్రీ ట్విట్టర్ హ్యాండిల్ ఫాలోవర్ల సంఖ్య 2 మిలియన్ల మార్క్ సాధించిందని ట్వీట్ చేశారు ఆర్థిక శాఖ అధికారులు. @FinMinIndia పేరుతో ట్విట్టర్లో ఆర్థిక శాఖకు సోషల్ మీడియా అకౌంట్ వుంది. మొదటిసారి అధికారంలోకి ప్రధాని నరేంద్రమోడీ నేతృత్వంలోని ఎన్డీయే ప్రభుత్వం 2014 జూలైలో ఈ అకౌంట్ ప్రారంభించింది. 

ఇంచుమించు ఆరేళ్ళలో ఫాలోవర్ల సంఖ్య 20 లక్షలకు చేరింది. ఆర్థికశాఖకు చెందిన అప్ డేట్స్ ఇందులో అందుబాటులో వుంచుతున్నారు. ‘‘2 మిలియన్ల మంది ఫాలోవర్లు మమ్మల్ని అనుసరిస్తున్నారని ప్రకటించడానికి ఎంతో సంతోషంగా ఉంది. మీ అభిమానానికి ధన్యవాదాలు. మమ్మల్ని కనెక్ట్ అయి వుండండి’’ అంటూ ట్వీట్ చేశారు అధికారులు. మోడీ మంత్రివర్గంలోని ఆర్థిక శాఖతో పాటు హోం శాఖ ట్విట్టర్ అకౌంట్ 4.9 మిలియన్ల మంది ఫాలోవర్లతో అగ్రస్థానంలో ఉండగా, డిఫెన్స్ మినిస్ట్రీ ట్విట్టర్ హ్యాండిల్ 0.5 (5లక్షలు) మంది ఫాలోవర్లను కలిగి వుంది.