టీచర్స్ డే గూగుల్.. ఆక్టోపస్ సందడి

05-09-201905-09-2019 14:35:56 IST
2019-09-05T09:05:56.231Z05-09-2019 2019-09-05T09:05:54.359Z - - 15-04-2021

సెప్టెంబర్ 5. జాతీయ ఉపాధ్యాయుల దినోత్సవం. తమకు చదువు చెప్పిన గురువులందరినీ గుర్తుచేసుకుంటున్నారు. మాజీ రాష్ట్రపతి డాక్టర్ సర్వేపల్లి రాధాకృష్ణన్ పుట్టినరోజుని టీచర్స్ డే జరుపుకోవడం అందరికీ తెలిసిందే.

ప్రఖ్యాత సెర్చింజన్ గూగుల్ ప్రపంచంలోని టీచర్లందరికీ హోమ్ పేజీలో డూడుల్ ద్వారా శుభాకాంక్షలు తెలిపింది. ఈ డూడుల్ అందరినీ ఆకట్టుకుంటోంది. ప్రతి సందర్భాన్ని గుర్తుచేసేలా డూడుల్ రూపొందించి దానిని నెటిజన్లకు అందించడం గూగుల్ కి అలవాటుగా మారింది. 

తాజాగా ఆక్టోపస్ రూపొందించిన  డూడుల్ ద్వారా క్లాస్ రూంలో ఉపాధ్యాయుడు ఏమేం చేస్తారో వివరించే ప్రయత్నం చేసింది. గూగుల్ డూడుల్ లో ఆక్టోపస్ ఉపాధ్యాయుడు అనే అర్థం వచ్చేలా ఏర్పాటు చేశారు. ఈ డూడుల్ అందరినీ ఎంతగానో కట్టిపడేస్తోంది.ఈ డూడుల్ పై క్లిక్ చేస్తే ఆ గ్లోబ్ టీచర్‌లా మారిపోతుంది. స్పోర్ట్స్, మ్యూజిక్, ఫిజిక్స్, అంతరిక్ష శాస్త్రం ఇలా అన్ని అంశాలకు సంబంధించిన ఐకాన్స్ అన్నీ చుట్టూ కనిపించేలా డూడుల్ ఏర్పాటు చేశారు. 

టీచర్స్ డే ఆనవాయితీ 1962లో మొదలైంది. ఈ రోజున విద్యాసంస్థల్లో సంబరాలు చేసుకుంటారు. పలు సాంస్కృతిక కార్యక్రమాలు నిర్వహిస్తుంటారు. విద్యార్థులు తమతమ ఉపాధ్యాయులకు శుభాకాంక్షలు తెలుపుతుంటారు. అందుకే ఈ రోజును గూగుల్ తన స్టైల్‌లో డూడుల్‌తో సెలబ్రేట్ చేస్తోంది.