టిక్ టాక్ వీడియో.. తండ్రి కొడుకుల్ని కలిపేసింది

02-03-202002-03-2020 17:47:18 IST
Updated On 03-03-2020 16:05:13 ISTUpdated On 03-03-20202020-03-02T12:17:18.513Z02-03-2020 2020-03-02T12:17:16.463Z - 2020-03-03T10:35:13.430Z - 03-03-2020

ఒక్క ఐడియా జీవితం మార్చడం ఎంతవరకూ నిజమో తెలీదు కానీ ఒక్క టిక్ టాక్ వీడియో మాత్రం రెండుజీవితాల్లో వెలుగులు నింపింది. ఎక్కడో దూరాన వున్న తండ్రి కొడుకును కలిపింది టిక్ టాక్ వీడియో. ఆరేళ్ళ నుంచి కనిపించకుండా వెళ్లిపోయిన ఓ కుటుంబ పెద్దను టిక్ టాక్ వీడియో కలిపింది. కర్నూలు నంద్యాలలోని హరిజన పేటకు చెందిన అనుపూరి పుల్లయ్య గత ఆరేళ్ల నుంచి జాడలేకుండా పోయాడు. 

కుటుంబసభ్యులు అన్నీ చోట్ల గాలించారు. అయినా అతని జాడ తెలీలేదు. చివరకు చనిపోయి ఉంటాడనుకుని కర్మ కాండలు కూడా చేసేశారు. స్మార్ట్ ఫోన్ల పుణ్యమాని టిక్ టాక్ వీడియోలు చేయడం ఈమధ్యకాలంలో అలవాటై పోయింది. ఈ అలవాటే కుటుంబానికి సాయం చేసింది. ఇదే టిక్ టాక్ ఒక కుటుంబం నుండి విడిపోయిన వ్యక్తి కలుసుకోవడానికి వారధి అయింది. తండ్రి కోసం కుమారుడు ఒక టిక్ టాక్ పోస్ట్ పెట్టాడు. "ఒకప్పుడు నేను సంపాదించలేని టైంలో నా డాడీ ముందు ఉన్నాడు..సార్..నేను సంపాదించే టైమ్ వచ్చే సరికి డాడీ ముందు లేడు’’..అని తన తండ్రి ఫోటోతో టిక్ టాక్ చేసి పోస్ట్ చేశాడు. ఈ టిక్ టాక్ ఆనోట ఈనోట తండ్రికి చేరింది.

టిక్ టాక్ వీడియో చక్కర్లు కొట్టుకుంటూ తండ్రి దగ్గరకు చేరింది.. వెంటనే తండ్రి కుటుంబ సభ్యులకు తన సమాచారం అందించారు. తండ్రి ఆచూకీ తెలియడంతో కుటుంబ సభ్యుల ఆనందానికి అవధులు లేకుండా పోయాయి.. తండ్రి గుజరాత్ లో ఉన్నాడని తెలుసుకున్న ఇద్దరు కుమారులు గుజరాత్ వెళ్లి తండ్రిని కలుసుకున్నారు. ఏది ఏమైనా తండ్రి కొడుకులను కలిపిన టిక్ టాక్ వీడియో ఇప్పుడు వైరల్ అవుతోంది.