టిక్ టాక్‌‌కి లైఫ్ అండ్ డెత్... ట్రంప్ డెడ్ లైన్

04-08-202004-08-2020 10:36:39 IST
2020-08-04T05:06:39.771Z04-08-2020 2020-08-04T05:06:21.168Z - - 19-04-2021

టిక్ టాక్ ఎంతోమంది యువతను స్టార్లను చేసింది. కోట్లాదిమంది ఈ టిక్ టాక్ బానిసలుగా మారారు. తాజాగా చైనా-భారత్ ఉద్రిక్తతలతో టిక్ టాక్, పబ్ జి లాంటి యాప్ లకు కష్టకాలం వచ్చింది. ఈ రెండింటిని భారత్ లో నిషేధించారు. తాజాగా అమెరికా టిక్ టాక్ పై కన్నేసింది. కీలకమయిన సమాచారం చోరీ జరుగుతోందంటున్నారు. దీంతో సోషల్ మీడియా యాప్‌ ‘టిక్‌టాక్‌’ కు అమెరికా అధ్యక్షుడు డొనాల్డ్‌ ట్రంప్‌  డెడ్ లైన్ ఇచ్చారు.

టిక్ టాక్ ని అమెరికాకు చెందిన ఏదైనా కంపెనీకి విక్రయించాలని, లేనట్లయితే ఆ యాప్‌ను తమ దేశంలో నిషేధిస్తామని ఇప్పటికే స్పష్టం చేసిన ఆయన తాజాగా మరో హెచ్చరిక జారీ చేశారు  టిక్ టాక్ అమెరికా కార్యకలాపాలను ఒక అమెరికన్ కంపెనీకి విక్రయించడానికి ఆరు వారాల గడువు ఇచ్చారు. సెప్టెంబర్ 15వ తేదీ లోపు ఏదో ఒకటి తేల్చుకోవాలని లేదంటే నిషేధం తప్పదని స్పష్టం చేశారు. 

మైక్రోసాఫ్ట్ , లేదా మరో పెద్ద సంస్థ టిక్ టాక్ కొనుగోలుకు సిద్ధం వున్నట్టు వార్తలు వస్తున్నాయి. అయితే ఇలా చేసినా తనకు అభ్యంతరం లేదని సురక్షితమైన అమెరికన్ సంస్థ కావాలి అని ట్రంప్ అంటున్నారు. భద్రతతో తమకు ఎటువంటి సమస్య ఉండకూడదని తెలిపారు. అలాగే ఈ ఒప్పందం నుండి ప్రభుత్వం ఆర్థిక ప్రయోజనం కోరుకుంటుందని చెప్పారు. టిక్ టాక్ కొనుగోలుకు సంబంధించి సెప్టెంబర్ 15 కల్లా పూర్తి చేస్తామని, సమాచార భద్రతకు పటిష్ట చర్యలు తీసుకుంటామని మైక్రో సాఫ్ట్ తెలిపింది. దీంతో టిక్ టాక్ అమెరికా సంస్థ ఆధిపత్యంలోకి వెళ్లడం ఎంతో దూరంలో లేదన్నమాట. చైనాను ఆర్థికంగా నష్టపరిచేందుకు అనేక దేశాలు తమచేతిలోని ఆయుధాలను ఉపయోగిస్తున్నాయి. 

చైనాకు భారీ షాక్.. పబ్ జి సహా 47 యాప్స్ బ్యాన్?

పాక్‌లో మొన్న పబ్ జీ గేమ్ బ్యాన్.. టిక్ టాక్‌కి వార్నింగ్