జియో గుడ్ న్యూస్... ఆ ప్లాన్లు మళ్ళీ వెనక్కి!

09-12-201909-12-2019 06:49:40 IST
2019-12-09T01:19:40.286Z09-12-2019 2019-12-09T01:19:23.855Z - - 17-04-2021

సెల్ ఫోన్ బిల్లులు జేబులకు చిల్లులు పెడుతున్నాయి. ఏ సర్వీస్ ప్రొవైడర్ అయినా వినియోగదారుడినే టార్గెట్ చేశాయి. వోడాఫోన్ ఐడియా, ఎయిర్ టెల్ సంస్థలు ఇప్పటికే తమ టారిఫ్ లు పెంచేశాయి.

జియో కూడా తానేం తక్కువ కాదని నిరూపించుకుంది. అయితే వినియోగదారుడికి సేవల విషయంలో తామే చౌక అని జియో చెబుతోంది. ఇతర కంపెనీల ప్లాన్‌లతో పోల్చినప్పుడు తమ ప్లాన్‌లే చౌక అంటోంది,

ఇతర నెట్‌వర్కలకు చేసే కాల్స్‌ విషయంలో విధించిన పరిమితిని వినియాగదారులకు వివరించే ప్రయత్నం చేసింది. వినియోగదారుడి అవసరాలకు అనుగుణంగానే 5రేట్లు ఎక్కువగా అందిస్తున్నామని జియో సంస్థ వెల్లడించింది.

ఇతర నెట్‌వర్క్‌లతో పోలిస్తే వినియాగదారులకు 25శాతం అదనపు సేవలు అందిస్తున్నామని, తమ సేవల విషయంలో వినియోగదారులు చాలా సంతృప్తిగా ఉన్నారని సంస్థ పేర్కొంది.

వినియోగదారుల డిమాండ్ నేపథ్యంలో రూ.98, రూ.149 ప్లాన్ల‌ను మ‌ళ్లీ ప్ర‌వేశ‌పెడుతున్న‌ట్లు తెలిపింది. ఈ మ‌ధ్యే పెంచిన మొబైల్ టారిఫ్‌ల‌కు అనుగుణంగా నూత‌న ప్లాన్ల‌ను లాంచ్ చేసిన జియో అంత‌కు ముందు ఉన్న రూ.98, రూ.149 ప్లాన్ల‌ను మ‌ళ్లీ అందుబాటులోకి తెచ్చింది.

రూ.98 ప్లాన్‌లో క‌స్ట‌మ‌ర్ల‌కు 2జీబీ డేటా, 300 ఎస్ఎంఎస్‌లు, జియో టు జియో అన్‌లిమిటెడ్ కాల్స్, ప్లాన్ వాలిడిటీ 28 రోజులు. ఇక 149 ప్లాన్‌లో రోజుకు 1జీబీ డేటా, రోజుకు 100 ఎస్ఎంఎస్‌లు, జియో టు జియో అన్‌లిమిటెడ్ కాల్స్‌, 300 నిమిషాల నాన్ జియో కాల్స్, 24 వ్యాలిడీటీతో లభిస్తాయి. మళ్ళీ పాత ప్లాన్ లు తీసుకురావడంతో జియో వినియోగదారులు ఖుషీ అవుతున్నారు.