జియోమార్ట్ అద్భుత రికార్డు.. పది లక్షలకు పైగా డౌన్‌లోడ్లతో టాప్‌..

25-07-202025-07-2020 07:22:47 IST
2020-07-25T01:52:47.082Z25-07-2020 2020-07-25T01:52:41.707Z - - 17-04-2021

ఇప్పుడు నడుస్తోంది రిలయన్స్ జియో అని చెప్పడంలో ఏమాత్రం అతిశయోక్తి లేదు. ఏ కొత్త సాంకేతిక సాధనాన్ని కనిపెట్టినా రిలయెన్స్‌కు మార్కెట్లో తిరుగులేదు. తాజాగా రిలయన్స్‌కు చెందిన రీటైల్‌ ప్లాట్‌ఫాం జియోమార్ట్‌ డౌన్‌లోడ్లలో దూసుకుపోతోంది. 

గూగుల్‌ ప్లేస్టోర్‌లో ఆండ్రాయిడ్‌, ఐఫోన్‌ యూజర్ల కోసం లాంచ్‌ చేసిన కొన్ని రోజుల్లోనే 10 లక్షలకు పైగా డౌన్‌లోడ్లను సాధించింది. దేశవ్యాప్తంగా 200 నగరాల్లో బీటా మోడ్‌లో ప్లాట్‌ఫామ్ లభ్యతను ఆర్‌ఐఎల్ చైర్మన్, మేనేజింగ్ డైరెక్టర్ ముకేశ్‌ అంబానీ ప్రకటించిన కొన్ని రోజుల వ్యవధిలోనే జియోమార్ట్ ప్లాట్‌ఫాం తన ప్రత్యేకతను చాటుకుంటోంది. 

యాప్‌  బ్రెయిన్‌ డేటా ప్రకారం గూగుల్ ప్లే స్టోర్ ఆపిల్ యాప్‌స్టోర్‌లో రెండు, మూడు స్థానాలను ఆక్రమించి అత్యంత ప్రజాదరణ పొందిన యాప్‌ ఘనతను దక్కించుకుంది. ప్రస్తుతం, ఈ షాపింగ్ ప్లాట్‌ఫాం జియోమార్ట్‌ దేశవ్యాప్తంగా రోజువారీ రెండున్నర లక్షలకు పైగా ఆర్డర్‌లను పొందుతున్నట్టు సమాచారం. 

ఎక్కువ మంది వినియోగదారులను ఆకర్షించేందుకు ఆర్డర్‌ పరిధితో నిమిత్తం లేకుండా ఉచిత డెలివరీ అందిస్తోంది. అలాగే  చెల్లింపుల్లో సోడెక్సో మీల్‌ కూపన్లను కూడా  అంగీకరిస్తోంది.  దీంతో జియోమార్ట్‌కు భారీ ఆదరణ లభిస్తోందని మార్కెట్‌వర్గాలు భావిస్తున్నాయి. 

భారతదేశంలోని 200 నగరాల్లో కిరాణా డెలివరీ సేవలను ప్రారంభించిన రెండు నెలల తరువాత, జియోమార్ట్ తాజాగా ఆండ్రాయిడ్‌, ఐఫోన్ వినియోగదారులకోసం కొత్త యాప్‌ను ఆవిష్కరించింది. తద్వారా జియోమార్ట్ అన్ని ఆర్డర్‌లపై ఉచిత డెలివరీని కూడా అందిస్తోంది. 

ఇంతవరకు 750 రూపాయలు, అంతకంటే ఎక్కువ ఆర్డర్లకు మాత్రమే ఉచిత డెలివరీని అందిస్తూవచ్చిన జియోమార్ట్ ఇప్పుడు అన్ని ఆర్డర్లకూ ఉచిత డెలివరీ సౌకర్యాన్ని అందించండంతో పోటీ కంపెనీలైనా అమెజాన్, ప్లప్ కార్డ్ వంటి సంస్థల్లో కలవరం మొదలైంది. ఇవి కూడా త్వరలోనే ఉచిత డెలివరీని ప్రకటించవచ్చని భావిస్తున్నారు.

రిలయన్స్‌ జియోతో టెలికాం మార్కెట్‌లో సంచలనాలు నమోదు చేసిన రిలయన్స్‌ ఈ కామర్స్ విభాగం జియోమార్ట్ ద్వారా మరో సునామీ సృష్టించేందుకు మరింత దూకుడుగా సిద్ధమవుతోంది.