గూగుల్, యాపిల్ ప్లే స్టోర్‌లో టిక్‌టాక్ దొరకదు

17-04-201917-04-2019 12:51:13 IST
Updated On 17-04-2019 16:26:36 ISTUpdated On 17-04-20192019-04-17T07:21:13.550Z17-04-2019 2019-04-17T07:20:10.702Z - 2019-04-17T10:56:36.576Z - 17-04-2019

ప్లేస్టోర్ నుంచి టిక్ టాక్ యాప్ తొలగించాలని ఆదేశాలు రావడంతో గూగుల్ సంస్థ వెంటనే చర్యలకు దిగింది. ఇండియాలో ఎంతో పాపులర్ అయిన టిక్ టాక్ యాప్ యాక్సెస్‌ను బ్లాక్ చేస్తున్నట్టు గూగుల్ ప్రకటించింది. డౌన్ లోడ్లను నిషేధించామని, మద్రాస్ హైకోర్టు ఆదేశాల మేరకు ఈ నిర్ణయం తీసుకున్నామని గూగుల్ వెల్లడించింది. ఆపిల్ సంస్థ కూడా గూగుల్ బాటలో నడిచింది. ప్లేస్టోర్‌లో ఇక టిక్ టాక్ యాప్ దొరకదని రెండు సంస్థలు పేర్కొన్నాయి. 

ఈ యాప్ పోర్నోగ్రఫీని ప్రోత్సహిస్తోందని, చిన్నారుల మానసిక స్థితిపై ప్రభావం చూపుతుందని ఆరోపణలు వచ్చాయి. టిక్ టాక్ యాప్ అందిస్తున్న చైనా సంస్థ బైటెండెన్స్ టెక్నాలజీ రివ్యూ పిటిషన్ వేసింది. ఈ నెల 3వ తేదీన టిక్ టాక్‌ను నిషేధించాలన్న ఉత్తర్వులు వెలువడగా, భారత్ వంటి పెద్ద మార్కెట్‌ను వదులుకునేందుకు సిద్ధంగా లేని బైటెండెన్స్, తన వంతు ప్రయత్నాలు చేసి విఫలమైంది. సుప్రీంకోర్టును సంస్థ ప్రతినిధులు ఆశ్రయించగా, కేసును మద్రాస్ హైకోర్టుకే బదిలీ చేస్తూ అత్యున్నత ధర్మాసనం నిర్ణయం తీసుకుంది.

యాప్‌ను నిషేధించడం ఇండియాలో వాక్ స్వాతంత్రానికి విఘాతమని బైటెండెన్స్ చేసిన వాదనతో న్యాయమూర్తులు ఏకీభవించలేదు. ఇక గూగుల్ ప్లే స్టోర్ లో ఈ యాప్‌ను తొలగించామని గూగుల్ ప్రకటించగా, యాపిల్ మాత్రం ఇంకా స్పందించలేదు. టిక్‌ టాక్‌ యాప్‌ను ప్లేస్టోర్ల నుంచి తొలగించాలని కేంద్ర ఎలక్ట్రానిక్స్‌ అండ్‌ ఇన్ఫర్మేషన్‌ టెక్నాలజీ మంత్రిత్వ శాఖ గూగుల్‌, యాపిల్‌ సంస్థలను మంగళవారం ఆదేశించిన సంగతి తెలిసిందే.