గూగుల్ ప్లే స్టోర్ నుంచి పేటీఎం అవుట్..!?

18-09-202018-09-2020 17:04:44 IST
2020-09-18T11:34:44.567Z18-09-2020 2020-09-18T11:34:41.357Z - - 22-04-2021

ప్రముఖ డిజిటల్ పేమెంట్స్ యాప్ పేటీఎం యాప్ శుక్రవారం గూగుల్ ప్లే స్టోర్ లో కనిపించలేదు. వన్‌ 97 కమ్యూనికేషన్స్‌ యాజమాన్యంలోని యాప్‌ గూగుల్‌ ప్లే స్టోర్‌లో సెర్చ్‌ చేసినప్పుడు కనిపించలేదు. దీంతో పేటీఎం యూజర్లు తొలుత ఆందోళన చెందారు. కాసేపటికీ గూగుల్ పేటీఎం ను తొలగించినట్లు ప్రకటించింది. పేటీఎం గ్యాంబ్లింగ్ గైడ్ లైన్స్ ఉల్లంఘించడం వల్లే ఈ నిర్ణయం తీసుకున్నట్లు గూగుల్ ప్రతినిధులు పేర్కొన్నారు.

గూగుల్ పాలసీలను పేటీఎం పదే పదే ఉల్లంఘించినట్లు కొన్ని ఆరోపణలు కూడా ఉన్నాయి. అంతేకాకుండా ఆన్ లైన్ గేమ్స్ ఆడేందుకు పేటీఎం అనుమతిస్తోందని, స్పోర్ట్స్ బెట్టింగులకు కూడా ఇది సహకరిస్తుండటం వల్లే యాప్ ను తొలగించినట్లు గూగుల్ తెలిపింది.

యాపిల్ యాప్ స్టోర్ లో మాత్రం పేటీఎం అందుబాటులో ఉంది. ఆండ్రాయిడ్ యూజర్లకు మాత్రం గూగుల్ ప్లే స్టోర్ లో పేటీఎం కు చెందిన ఇతర యాప్ లు మాత్రం అందుబాటులో ఉంటాయి. పేటీఎం ఫర్ బిజినెస్, పేటీఎం మనీ, పేటీఎం మాల్ ఇలా అన్నీ అందుబాటులో ఉంచింది గూగుల్.

పేటీఎం యాప్ ను తొలగించడంతో అందులో దాచుకున్న తమ నగదు ఏమైపోయిందోనని యూజర్లు ఆందోళనకు గురయ్యారు. గూగుల్ ప్లే స్టోర్ నుంచి పేటీఎం యాప్ ను తొలగించడంపై సదరు యాజమాన్యం ట్విట్టర్ వేదికగా స్పందించింది. తాత్కాలికంగా పేటీఎం యాప్ గూగుల్ ప్లే స్టోర్ నుంచి తొలగించబడిందని, కొత్త డౌన్ లోడ్లు, అప్ డేట్ ల కోసం మరి కొంతకాలం పడుతుందని పేటీఎం యాజమాన్యం తెలిపింది. పేటీఎం యూజర్ల మనీ మాత్రం చాలా సేఫ్ గా ఉంటుందని, ఎవరూ ఆందోళన చెందాల్సిన అవసరం లేదని తెలిపింది పేటీఎం. ఆల్రెడీ ఇన్ స్టాల్ చేసుకున్న యూజర్లు ఎప్పటి లాగే తమ పేటీఎం అకౌంట్లను ఉపయోగించుకోవచ్చని పేర్కొంది. ఇప్పటి వరకూ పేటీఎం ను 5 కోట్ల మంది డౌన్ లోడ్ చేసుకున్నారు.

పేటీఎం వచ్చిన కొత్తలో కేవలం ఆన్ లైన్ పేమెంట్స్, మొబైల్ లేదా డిష్ రీఛార్జ్ లు, బస్ - రైలు టికెట్లు బుక్ చేసుకునేందుకు పేటీఎంను ఎక్కువగా ఉపయోగించేవారు యూజర్లు. నిదానంగా పేటీఎం తన సేవలను పెంచుతూ వచ్చింది. పేటీఎంలోనే ఆన్ లైన్ షాపింగ్, ఫుడ్ ఆర్డర్లు చేసుకునే సదుపాయాల్ని కూడా అప్ డేట్ చేసింది.