గూగుల్‌ మ్యాప్స్‌లో ‘ఇన్‌కాగ్నిటో’ మోడ్‌ వచ్చేస్తోంది!

23-09-201923-09-2019 19:05:32 IST
2019-09-23T13:35:32.677Z23-09-2019 2019-09-23T13:35:30.477Z - - 12-04-2021

గూగుల్‌ క్రోమ్‌లో చాలామందికి ఉపయోగపడే అంశాల్లో ‘ఇన్‌కాగ్నిటో’ మోడ్‌ ఒకటి. బ్రౌజర్‌లో సెర్చ్‌ చేసిన హిస్టరీ స్టోర్‌ కాకుండా ఉండటం దీని ప్రత్యేకత. యూజర్స్‌ ప్రైవసీని దృష్టిలో పెట్టుకుని గూగుల్‌ ఈ ఫీచర్‌ను తీసుకొచ్చింది. ఈ అత్యవసరమైన ఫీచర్‌ను గూగుల్‌ మ్యాప్స్‌లోకి కూడా తీసుకురావడానికి గూగుల్‌ ప్రయోగాలు చేస్తోంది. ప్రస్తుతం గూగుల్‌ మ్యాప్స్‌లో మీరెక్కడికి వెళ్లారు.. ఎంతసేపు ఉన్నారు లాంటి వివరాలు ఆటోమేటిక్‌గా నోట్‌ అయిపోతాయి. దీని వల్ల ప్రైవసీకి భంగం కలుగుతోందని గత కొంతకాలంగా వాదనలు వినిపిస్తున్నాయి. వీటికి విరుగుడుగా గూగుల్‌ ‘ఇన్‌కాగ్నిటో’ ఫీచర్‌ను తీసుకొస్తోంది. 

గూగుల్‌ మ్యాప్స్‌లో ఇన్‌కాగ్నిటో మోడ్‌ అందుబాటులోకి వచ్చాక  దాన్ని ఇలా యాక్టివ్‌ చేసుకోవాలి. మ్యాప్స్‌ ఓపెన్‌ చేశాక రైట్‌ టాప్‌ కార్నర్‌లో ఉన్న ప్రొఫైల్‌ ఐకాన్‌ను క్లిక్‌ చేయాలి. అప్పుడు యాప్‌ ఇన్‌కాగ్నిటో మోడ్‌లోకి వెళ్లిపోతుంది. యాక్టివ్‌ చేసుకున్నాక క్రోమ్‌ స్టైల్‌లో ఓ నలుపు బార్‌ కనిపిస్తుంది. 

అందులో ఇన్‌కాగ్నిటో మోడ్‌ అని కనిపిస్తుంది. దాని పక్క ఇన్‌కాగ్నిటో మోడ్‌ను తెలిపేలా హ్యాట్‌, గ్లాసెస్‌ ఉన్న మనిషి ముఖం లోగో కూడా కనిపిస్తుంది. అప్పుడు మీరు మ్యాప్స్‌లో సెర్చ్‌చేసిన సమాచారం, మీరు తిరిగిన రూట్‌ లాంటివి మీ అకౌంట్‌లో సేవ్‌ అవ్వవు.  ఆండ్రాయిడ్‌ ఆటో యాప్‌లో కూడా ఈ ఫీచర్‌ అందుబాటులోకి రానుంది. ప్రస్తుతం ఈ ఫీచర్‌ బీటా యూజర్లకు అందుబాటులో ఉంది. త్వరలో అందరూ వినియోగించుకోవచ్చు. 

గూగుల్‌ మ్యాప్స్‌ మరో ఆసక్తికరమైన ఫీచర్‌ను కూడా టెస్టింగ్‌ చేస్తోంది. ప్రస్తుతం మ్యాప్స్‌ ఉపయోగించేటప్పుడు తరచూ మొబైల్స్‌ చూడాల్సి వస్తుంటుంది. వీధులు మారినప్పుడు, మలుపు తిరిగినప్పుడు ఇదేనా ఆ మలుపు అని ఒకటికి రెండుసార్లు చూడాల్సి వస్తోంది. ఇకపై ఆ ఇబ్బంది లేకుండా గూగుల్‌ ఓ కొత్త ఫీచర్‌ను సిద్ధం చేస్తోంది. ‘

ఐస్‌ ఫ్రీ మోడ్‌’ పేరుతో రూపొందుతున్న ఈ ఫీచర్‌తో ఇకపై వాయిస్‌ కమాండ్స్‌, ఇన్ఫర్మేషన్‌ మరింత పక్కాగా ఉండబోతోంది. అంటే ‘నెక్ట్స్‌ వస్తున్న లెఫ్ట్‌ తీసుకోండి’ అని ఇప్పుడు మ్యాప్స్‌లో చెబుతుంటే... ఇకపై ‘లెఫ్ట్‌లో ఉన్న పెట్రోల్‌ బంక్‌ నుంచి కాస్త ముందుకు వెళ్తే వచ్చే జంక్షన్‌లో రైట్‌ తీసుకోండి’ అని మ్యాప్స్‌ సూచనలు చేస్తుంది. ఒకవేళ అనుకున్న రూట్‌ కాకుండా వేరే రూట్‌లోకి వెళ్తే మ్యాప్స్‌ సూచనలు చేస్తుంది. ఈ ఫీచర్‌ కూడా త్వరలో అందరికీ అందుబాటులో వస్తుంది.