కొంపముంచిన టిక్ టాక్ వీడియో

15-05-202015-05-2020 12:20:41 IST
Updated On 15-05-2020 12:36:39 ISTUpdated On 15-05-20202020-05-15T06:50:41.539Z15-05-2020 2020-05-15T06:50:00.725Z - 2020-05-15T07:06:39.872Z - 15-05-2020

అసలే లాక్ డౌన్ టైం జనం టిక్ టాక్ వీడియోలతో హల్ చల్ చేస్తున్నారు. అయితే తమ భద్రత గురించి యువత ఆలోచించడం లేదు. సెల్ఫీలతో ప్రాణాలమీదకు తెచ్చుకుంటున్న యువతీయువకులు ఇప్పుడు టిక్ టాక్ వీడియోల కోసం రిస్క్ చేస్తున్నారు. కర్నాటకలో ఓ యువకుడు టిక్‌టాక్‌ వీడియో చిత్రీకరిస్తూ కరెంట్‌ షాక్‌తో గాయపడ్డాడు. 22 ఏళ్ల యువకుడు కదులుతున్న గూడ్స్‌ రైలుపై నిలబడి టిక్‌టాక్‌ వీడియో చిత్రీకరిస్తున్నాడు. 

ఇంతలో ఈ గూడ్స్ రైలు హైటెన్షన్‌ విద్యుత్‌ వైర్ల కిందినుంచి వెళుతోంది. అది గమనించని యువకుడు టిక్ టాక్ వీడియోలో హడావిడిగా వున్నాడు. దీంతో హైటెన్షన్ వైర్లకు తగిలి యువకుడికి గాయాలయ్యాయి. ఈ ఘటనలో అతడి ప్రాణానికి ప్రమాదం తప్పింది. మైసూర్‌ నుంచి వస్తున్న గూడ్స్‌ రైలు బెంగళూరు మెజెస్టిక్‌ రైల్వేస్టేషన్‌కు చేరుకుంది. ఈ సమయంలో నెమ్మదిగా నడుస్తున్న గూడ్స్‌ రైలుపై టిక్‌టాక్‌ వీడియో చేసేందుకు ఒక యువకుడు నిలబడి ఉన్నాడు.

వీడియో తీసుకునే సమయంలో హైటెన్షన్‌ విద్యుత్‌ వైరు తగలడంతో షాక్‌ తగిలి కిందపడిపోయాడు. ఇది గమనించిన రైల్వే అధికారులు ఆ యువకుడిని ప్రభుత్వాసుపత్రికి తరలించారు. టెక్నాలజీ ముసుగులో యువత ప్రాణాలకు మీదకు తెచ్చుకోవడం విమర్శలకు గురవుతోంది.  ఒక్కోసారి రైల్వే ట్రాక్ లపై వీడియోలు, సెల్ఫీలు దిగుతుండడంతో ప్రమాదాలు కొనితెచ్చుకుంటున్నారు.

ఇటీవల కర్నాటకలో యువ జంట ఓ నది దగ్గరకు వెళ్లి సెల్ఫీ తీసుకుంటూ నదిలో పడి దుర్మరణం పాలయిన సంగతి తెలిసిందే. యువత తమ ప్రాణాలను లెక్కచేయకుండా ఇలాంటి క్రేజీ పనులకు సిద్ధపడుతూ కన్నవారికి శోకాన్ని మిగులుస్తున్నారు.