కస్టమర్లకు టిక్ టాక్ షాక్.. 3లక్షలకు పైగా వీడియోల తొలగింపు

21-08-202021-08-2020 16:49:05 IST
Updated On 21-08-2020 17:31:06 ISTUpdated On 21-08-20202020-08-21T11:19:05.135Z21-08-2020 2020-08-21T11:19:00.986Z - 2020-08-21T12:01:06.417Z - 21-08-2020

ప్రపంచవ్యాప్తంగా సోషల్ మీడియా వీడియో షేరింగ్ యాప్ టిక్ టాక్ మెడపై కత్తి వేలాడుతున్న వేళ నష్టనివారణ చర్యలకు దిగింది. అమెరికా టిక్ టాక్ ని నిషేధించిందిం. 90 రోజులలోగా తమదేశంలో పూర్తిగా తొలగించాలని ఎగ్జిక్యూటివ్ ఆర్డర్ పాస్ చేశారు అమెరికా అధ్యక్షుడు ట్రంప్. టిక్ టాక్ తీరుపై మండిపడ్డ భారత్ ఎప్పుడో నిషేధం విధించింది. కంటెంట్ విషయంలో అభ్యంతరాలున్న 3లక్షల 80 వేలకు పైగా వీడియోలను టిక్ టాక్ తొలగించింది.

అమెరికా నిబంధనలకు విరుద్ధంగా ఈ వీడియోలు వున్నాయని టిక్ టాక్ పేర్కొంది. చైనా పై ప్రపంచవ్యాప్తంగా నిరసన వ్యక్తం అవుతోంది. టిక్ టాక్ తో పాటు వందలాది యాప్ లను భారత్ తొలగించి గట్టి దెబ్బకొట్టింది. 1300 అకౌంట్లలో దురుద్దేశ పూరిత కంటెంట్ వుందని టిక్ టాక్ యాజమాన్య సంస్థ బైట్ డాన్స్ తెలిపింది. జీరో టోలరెన్స్ పాలసీకి అనుగుణంగా ఈచర్యలు తీసుకుంది. 

టిక్ టాక్ లో వచ్చే వీడియోలు యువతను తప్పుదారి పట్టించేలా వున్నాయని ఫిర్యాదులు వచ్చాయి. కంటెంట్ అడ్వైజరీ కౌన్సిల్ నివేదిక ప్రకారం టిక్ టాక్ కంపెనీ చర్యలు చేపట్టింది. వ్యక్తిగత భద్రతకు భంగం కలిగేలా టిక్ టాక్ వ్యవహరిస్తోందని ట్రంప్ పై నిప్పులు చెరుగుతున్న సంగతి తెలిసిందే. 

టిక్ టాక్ మళ్లీ ఇండియాలో ఏదో విధంగా పాగా వేయాలని విశ్వ ప్రయత్నాలు చేస్తోంది. అందులో భాగంగానే ఈ చర్యలు చేపట్టిందని భావిస్తున్నారు. ఈతరుణంలో టిక్ టాక్ గురించి మరో సంచలన వార్త మార్కెట్లో హల్ చల్ చేస్తోంది. ప్రపంచవ్యాప్తంగా వివిధ కంపెనీల పెట్టుబడులతో దూసుకుపోతున్న ముకేశ్ అంబానీ నేతృత్వంలోని రిలయన్స్ ఇండస్ట్రీస్ లిమిటెడ్ టిక్ టాక్ ను కోనుగోలు చేయనుందన్న అంచనా ఆసక్తికరంగా మారింది. టిక్ టాక్ యజమాన్య సంస్థ బైట్ డాన్స్ తో ప్రారంభ దశ చర్చలు జరుపుతోంది. టిక్ టాక్ కి సంబంధించి ఇండియా వ్యాపారాన్ని మొత్తం రిలయన్స్ కు విక్రయించేందుకు రెడీఅవుతోంది.