కరోనా దెబ్బ... పడిపోయిన స్మార్ట్ ఫోన్ అమ్మకాలు

29-08-202029-08-2020 08:28:05 IST
Updated On 29-08-2020 08:36:57 ISTUpdated On 29-08-20202020-08-29T02:58:05.153Z29-08-2020 2020-08-29T02:57:40.566Z - 2020-08-29T03:06:57.087Z - 29-08-2020

కనిపించని కరోనా వైరస్ ప్రపంచాన్ని అతలాకుతలం చేస్తోంది. ఆర్ధిక వ్యవస్థ మొత్తం స్తబ్ధంగా మారిపోయింది. పరిపాలన, విద్య, వైద్యరంగం, టెక్నాలజీ రంగాల్లో భారీగా పతనం నమోదవుతోంది. అగ్రరాజ్యాల కరెన్సీ సైతం కరోనా ప్రభావం నుండి కోలుకోలేకపోతోంది.. అమెరికన్ డాలర్ కొద్దిరోజులుగా గ్రాఫ్ పడిపోతోంది. అధ్యక్ష ఎన్నికలు జరిగే వేళ పౌరులు అనేక ఇబ్బందులు పడుతున్నారు. పెరుగుతున్న కరోనా కేసులు ఒకవైపు, ఉద్యోగాలు కోల్పోతూ మరోవైపు యువత భవితపై బెంగతో వుంది. 

అమెరికాలో అలాంటి విపత్కర పరిస్థితులు వుంటే మిగతా ప్రపంచ దేశాల పరిస్థితి ప్రత్యేకంగా చెప్పాల్సింది లేదు. ఈ ప్రభావం ప్రపంచ వ్యాప్తంగా అన్ని రంగాలపై పడుతుంది. ఇందులో భాగంగానే ఇప్పుడు స్మార్ట్ ఫోన్ సేల్స్ పడిపోయాయని నివేదికలు చెబుతున్నాయి. ప్రపంచంలోనే రెండు అతిపెద్దస్మార్ట్ ఫోన్‌‌ మార్కెట్లు చైనా, ఇండియా.  రెండుదేశాల్లో 260 కోట్లమందికి పైగా జనాభా వుంది.  ఏమోడల్ డిజైన్ చేసినా రెండుదేశాల్లోని అన్ని వర్గాలను పరిగణనలోకి తీసుకుని ముందుకు వెళుతుంటాయి కంపెనీలు. 

అలాంటి ఈ భారీ మార్కెట్లో అమ్మకాల తగ్గుదల భారీగా కనిపిస్తోందని తాజాగా ఓ సర్వేలో తేలింది. గత సంవత్సరం రెండో క్వార్ట‌ర్ అమ్మకాలతో పోలిస్తే ఈ ఏడాది అమ్మకాలు 20.4 శాతం తగ్గాయి. చైనాలో అమ్మకాలు ఏడు శాతం, ఇండియాలో స్మార్ట్ ఫోన్ల అమ్మకాలు 46 శాతం తగ్గినట్లుగా ఆ సర్వే తెలిపింది. ఉన్నంతలో అమ్మకాలపరంగా మొదటి స్థానంలో శామ్‌‌‌‌సంగ్ ‌‌‌‌నిలవగా తదుపరిస్థానాల్లో హువావే, ఆపిల్‌, షావోమీ, ఒప్పోలు ఉన్నాయి. 

అయితే చైనాలో పరిస్థితులు చక్కబడుతున్నకొద్దీ డిమాండ్  రికవరీ అవుతోందని తెలుస్తోంది. ప్రయాణాలపై ఆంక్షలు పెట్టడం, అత్యవసరం కాని వస్తువుల కొనుగోళ్లు తగ్గడంతో స్మార్ట్ ఫోన్ల‌ సేల్స్‌ పడిపోయాయని వివరించారు. జనం ఆహారం, పోషకాహారం, వైద్యం వంటి అత్యవసరమయిన వాటికే ఎక్కువగా ఖర్చులు చేస్తున్నారు. చైనా వస్తువులపై భారత్ నిషేధం విధించడంతో  చైనా స్మార్ట్ ఫోన్ మార్కెట్లో వివిధ స్మార్ట్ ఫోన్లు, ల్యాప్ ట్యాప్ ల అమ్మకాలు తగ్గాయి. 

చైనాలో హువావే మార్కెట్‌ లీడర్‌. దీనికి అక్కడ 42 శాతం వరకు మార్కెట్ ‌షేర్‌ తో శామ్‌‌‌‌సంగ్ ‌‌‌‌స్థాయిలో ఇది ఫోన్లను అమ్మగలుగుతోంది. అయితే అమెరికా ప్రభుత్వం ఆంక్షల్లో భాగంగా గూగుల్‌ సేవలను వాడొద్దని ఆదేశాలు ఉన్నాయి. దీంతో హువావే ఫోన్లలో గూగుల్ ప్లేసర్వీసులు లేకుండానే విడుదల చేసింది. దీంతో కస్టమర్లు హువావేకు దూరమవుతున్నారు.