ఆపిల్ మ్యాక్ బుక్ ప్రొ బ్యాటరీ...పేలుతుంది జాగ్రత్త!

21-06-201921-06-2019 13:22:50 IST
Updated On 21-06-2019 13:23:16 ISTUpdated On 21-06-20192019-06-21T07:52:50.423Z21-06-2019 2019-06-21T07:52:47.924Z - 2019-06-21T07:53:16.936Z - 21-06-2019

ఆపిల్‌ సంస్థ ఉత్పత్తులకు యమా గిరాకీ ఉంటుంది. యాపిల్ ఫోన్లంటే యూత్ బాగా అట్రాక్ట్ అవుతుంది. ఇటీవల విడుదల చేసిన మాక్‌బుక్‌ ప్రో డివైస్‌లు  పేలుతున్నాయని వార్తలు వస్తున్నాయి. దీంతో మాక్‌బుక్‌ ప్రో యూనిట్లను ఆపిల్‌ కంపెనీ భారీగా రీకాల్‌ చేస్తున్నట్టు ప్రకటించింది. 15 అంగుళాల మాక్‌బుక్ ప్రో బ్యాటరీ  ఓవర్‌ హీట్‌  అయ్యి  ప్రమాదానికి  గురికావచ్చనే ఆందోళనతో వాటిని రీకాల్‌ చేస్తోంది. ఈ మేరకు వినియోగదారులకు హెచ్చరికలు జారీ చేసింది. 

దీంతో 15 అంగుళాల మాక్‌బుక్ ప్రో యూనిట్లను ఉపయోగించడం మానేయాలని ఆపిల్ వినియోగదారులకు సూచించింది. వినియోగదారులకు సౌకర్యంగా ఉండేందుకు వీటి  బ్యాటరీని ఉచితంగా రీప్లేస్‌ చేసుకోవచ్చని తెలియచేసింది. రెటినా డిస్‌ప్లే ఉన్న 15-అంగుళాల మాక్‌బుక్ ప్రో యూనిట్లు, ప్రధానంగా సెప్టెంబర్ 2015- ఫిబ్రవరి 2017 మధ్య అమ్ముడైనవి ప్రమాదానికి గురయ్యే అవకాశం వుందని  హెచ్చరించింది.  బ్యాటరీ రీప్లేస్‌మెంట్‌ వివరాల కోసం apple.com/support/15-inch-macbook-pro-battery-recall  సంప్రదించవచ్చని  ప్రకటించింది.