అడోబ్‌ ఫొటోషాప్‌ కెమెరా యాప్‌ అదిరిపోయేలా...

07-11-201907-11-2019 17:38:23 IST
2019-11-07T12:08:23.685Z07-11-2019 2019-11-07T12:08:20.333Z - - 19-11-2019

ఆండ్రాయిడ్‌, ఐఓఎస్‌లో థర్డ్‌ పార్టీ కెమెరాలు చాలానే ఉన్నాయి. సాధారణ కెమెరాకు కొన్ని అదనపు ఫీచర్లు జోడించి ఆ యాప్స్‌ను తీసుకొస్తున్నారు. రంగులు, ఫిల్టర్లు, కంట్రోలర్లు, ఎడిటర్స్‌ జోడించి ఫొటోలను మరింత మెరుగ్గా చేయడం ఆ యాప్స్‌ పని. ఇప్పుడు ఈ యాప్స్‌ విభాగంలోకి అడోబ్‌ కూడా వస్తోంది. అడోబ్‌ ఫొటోషాప్‌ కెమెరా పేరుతో  ఓ యాప్‌ను తీసుకొస్తోంది. ఆర్టిఫిషియల్‌ ఇంటెలిజెన్స్‌ (ఏఐ) ఆధారంగా ఈ యాప్ పని చేస్తుంది. 

అడోబ్‌ ఫొటోషాప్‌ కెమెరా యాప్‌ ఫీచర్లకు సంబంధించి కొన్ని వివరాలు బయటికొచ్చాయి. ఈ యాప్‌తో ఫొటో తీశాక యాప్‌లో ఏఐ ఆధారంగా కొన్ని ఫిల్టర్లు ఆటోమేటిక్‌గా అప్లై అవుతాయి. దాని వల్ల ఫొటో మరింత ఆకర్షణీయంగా ఉండబోతుంది. రియల్‌టైమ్‌లో ఫిల్టర్లను అప్లై చేసి చూపిస్తుంది. గతంలో తీసిన ఫొటోలను కూడా ఈ యాప్‌తో మీకు  నచ్చినట్లుగా మార్చుకునే సౌలభ్యమూ ఉంది. ప్రస్తుతం ఈ యాప్‌ కొంతమందికి ప్రయోగాత్మకంగా అందుబాటులో ఉంది. ఇందులో ప్రిస్మా తరహాలో ఆర్టిస్ట్‌లు రూపొందించిన ఫిల్టర్లు ఉంటాయి.

అడోబ్‌ ఫొటోషాప్‌, లైట్‌రూమ్‌ తరహాలోనే ఈ యాప్‌తో ఫొటోలను సులభంగా ఎడిట్‌ చేసుకోవచ్చు. దీనికి తగ్గట్టుగా వ్యూ ఫైండర్‌ను ఆటోమేటిక్గా అడ్జస్ట్‌మెంట్స్‌ చేసుకుంటుంది. డైనమిక్‌ రేంజ్‌, టోనాలిటీ, సీన్‌ టైప్‌ ఆధారంగా ఈ అడ్జస్ట్‌మెంట్స్‌ ఉంటాయి. ఇవి కాకుండా షాడోస్‌, హైలైట్స్‌, వైబ్రెన్స్‌, ఎక్స్‌పోజర్స్‌ను మాన్యువల్‌గా ఎడిట్‌ చేసుకోవచ్చు. ఆ తర్వాత ఆర్టిస్ట్‌లు రూపొందించిన ఫిల్టర్లతో ఫొటోలను మార్చుకోవచ్చు. ఇది కాకుండా వినియెగదారులు కూడా లెన్స్‌లు క్రియేట్‌ చేసుకోవచ్చు. 

అడోబ్‌ ఫొటోషాప్‌ కెమెరా యాప్‌లో ఆటో మాస్కింగ్‌ ఫీచర్‌ కూడా తీసుకొస్తున్నారు. దీని వల్ల ఫొటోలో సబ్జెక్ట్‌ చుట్టూరా ఆటోమేటిక్‌గా క్లీన్‌ చేస్తుంది. ఈ యాప్‌ ప్రస్తుతం యూజర్లకు పూర్తి స్థాయిలో అందుబాటులోకి రాలేదు. దీని కోసం అడోబ్‌ ఓ ఫామ్‌ను తీసుకొచ్చింది. అందులో ప్రాథమిక సమాచారాన్ని ఇస్తే మీకు యాప్‌ లింక్‌ వస్తుంది. దాన్ని క్లిక్‌ చేస్తే మీకు యాప్‌ డౌన్‌లోడ్‌ అవుతుంది. అలా మీరే మొదటగా యాప్‌ను యూజ్‌ చేయొచ్చు.  వచ్చే ఏడాది మొదట్లో ఈ యాప్‌ పూర్తి స్థాయిలో యూజర్లకు అందుబాటులోకి వచ్చే అవకాశం ఉంది. 

రిజిస్ట్రేషన్‌ లింక్‌:  https://photoshopcamera.adobelanding.com/limitedpreview/?promoid=R726NS2H&mv=other