అక్టోబరు 1న భారత్‌లో శాంసంగ్‌ ‘మడత ఫోన్‌’ వస్తోంది

25-09-201925-09-2019 05:56:37 IST
2019-09-25T00:26:37.085Z24-09-2019 2019-09-24T15:18:38.068Z - - 17-04-2021

శాంసంగ్‌ ఎంతో ప్రతిష్ఠాత్మకంగా రూపొందిన ‘గెలాక్సీ ఫోల్డ్‌’ మన  దేశానికి రాబోతంది. వచ్చే నెల 1న ఈ మొబైల్‌ ఇండియాలో లాంచ్‌ చేయబోతున్నట్లు సమాచారం. దక్షిణ కొరియాలో  ఈ మొబైల్‌ను ఏప్రిల్‌ 26న విడుదల చేసిన సంగతి తెలిసిందే.  అయితే మొబైల్‌లో చాలా లోపాలు బయటపడ్డాయి. స్క్రీన్‌ విరిగిపోవడం, పైన లేయర్లు పోవడం లాంటి సమస్యలతో ఫోల్డ్‌ మొబైళ్లను శాంసంగ్‌ వెనక్కి తెప్పించేసింది. ఇప్పుడు అన్ని రకాల టెస్ట్‌లు, రీటెస్ట్‌లు పూర్తి చేసి భారత్‌లోకి తీసుకొస్తోంది. 

గెలాక్సీ ఫోల్డ్‌లో 7.3 అంగుళాల ఇన్ఫినిటీ ఫ్లెక్స్‌ డిస్‌ప్లే ఉంటుంది. ఇందులో ఆరు కెమెరాలు ఉంటాయి. ఈ మొబైల్‌లో 4.6 అంగుళాల మరో డిస్‌ప్లే ఉంటుంది. అంటే మొబైల్‌ మడతపెట్టాక ఈ డిస్‌ప్లే పైకి కనిపించేలా ఆన్‌ అవుతుంది. ఇది 12:9 రేషియోలో ఉటుంది. ఈ స్మార్ట్‌ఫోన్‌ 7 నానో మీటర్‌ టెక్నాలజీతో పని చేస్తుంది. ఇందులో క్వాల్‌కోమ్‌ స్నాప్‌డ్రాగన్‌ 855 ప్రాసెసర్‌ ఉంటుంది. 12 జీబీ ర్యామ్‌, 512 జీబీ అంతర్గత మెమొరీ ఉంటుంది.  శాంసంగ్‌ నుంచి వస్తున్న నాలుగో 5 జీబీ మొబైల్‌ ఇది. ఇంతకుముందు గెలాక్సీ ఎస్‌ 10, నోట్‌ 10, ఎ 90... 5జీ నెట్‌వర్క్‌ అవైలబిలిటీతో వచ్చాయి. 

భారత్‌లో ఈ మొబైల్‌ ధర రూ.1.5 లక్షల నుంచి రూ. 1.75 లక్షల వరకు ఉంటుందని అంచనా. అంత ధరలో ఈ మొబైల్‌ను ఎవరు కొనుగోలు చేస్తారనేగా మీ ఆలోచన. పుర్రెకో బుద్ధి.. జిహ్వకో రుచి అన్నట్లుగా ఇంత ధర పెట్టి మొబైల్‌ కొనేవాళ్లూ ఉంటారులెండి. అన్నట్లు అక్టోబరు 1నే ఈ మొబైల్‌ ప్రీ ఆర్డర్స్‌ తీసుకుంటారట. మీకు ఆసక్తి ఉంటే ఓ లుక్కేయండి. 

ఫోల్డింగ్‌ మొబైల్‌ను తొలుత బయటకు ప్రదర్శించింది శాంసంగే. అంతేకాదు తొలుత బయటకు తీసుకొచ్చింది శాంసంగే. అయితే ఏప్రిల్‌లో వచ్చిన మొబైల్‌లో చాలా  సమస్యలు కనిపించాయి. రివ్యూ యూనిట్‌ అందుకున్నవారు చాలా ఇబ్బందులు పడ్డారు. దీంతో శాంసంగ్‌ వెనక్కి తీసుకుంది. ఇప్పుడు పూర్తి స్థాయిలో రక్షణ చర్యలు చేపట్టి విడుదల చేసింది. మరోవైపు హువావే నుంచి ఫోల్డింగ్‌ ఫోన్‌ ‘మేట్‌ ఎక్స్‌’ సిద్ధమైంది. షావోమీ నుంచి కూడా ఓ ఫోన్‌ రాబోతోంది. ఈ సమయంలో శాంసంగ్‌ పోటీని తట్టుకొని ఎలా నిలబడుతుందో చూడాలి. అన్నింటికి మించి నాణ్యత విషయంలో మళ్లీ తప్పులు జరగకుండా చూసుకోవాలి. ఇదంతా శాంసంగ్‌ కత్తి మీద సామే అని పరిశీలకులు చెబుతున్నారు.