newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

మా పుట్టలో వేలుపెడితే కుట్టమా..?

10-02-201910-02-2019 09:07:17 IST
Updated On 10-02-2019 09:07:13 ISTUpdated On 10-02-20192019-02-10T03:37:17.695Z10-02-2019 2019-02-10T03:36:29.567Z - 2019-02-10T03:37:13.311Z - 10-02-2019

మా పుట్టలో వేలుపెడితే కుట్టమా..?
facebooktwitterGooglewhatsappwhatsappGoogle
మమతా బెనర్జీ టిట్ ఫర్ టాట్ సూత్రం అనుసరిస్తున్నారా? సీబీఐకి ఆమె ఝలక్ ఇస్తున్నారా? అంటే అవుననే సమాధానాలు వస్తున్నాయి. మా బెంగాల్ పుట్లో వేలుపెడితే కుట్టకుండా ఊరుకుంటామా అన్నట్టుగా మమత సీబీఐ మాజీ అధికారి నాగేశ్వరరావుపై రివెంజ్ తీర్చుకుంటున్నారు. 

శారదా చిట్‌ఫండ్ కుంభకోణం కేసులో విచారణ కోసం వచ్చిన సీబీఐ అధికారులను అడ్డుకుని అరెస్ట్ చేసి సంచలనం సృష్టించారు మమత బెనర్జీ. ఆమె ఇప్పుడు మరో సంచలనం కలిగిస్తున్నారు. సీబీఐ మాజీ తాత్కాలిక డైరెక్టర్ నాగేశ్వరరావు ఆస్తులపై కోల్‌కతా పోలీసులు సోదాలు నిర్వహించడం చర్చనీయాంశంగా మారింది. ఆస్తుల పరిశీలనకు మాత్రమే వచ్చామని  పోలీసులు అంటున్నా దీని వెనుక వేరే కారణం ఉందని తెలుస్తోంది.

ఒకపక్క సీబీఐ కోల్‌కతా పోలీస్ కమిషనర్‌ను విచారిస్తోంది. షిల్లాంగ్‌లోని సీబీఐ కార్యాలయంలో రాజీవ్ కుమార్‌ను అధికారులు ప్రశ్నిస్తున్నారు. ఈ నేపథ్యంలో  బెంగాల్  పోలీసుల చర్య ప్రతీకారంగానే భావిస్తున్నారు. మరోవైపు, నాగేశ్వరరావు ఆస్తుల విషయంలో సోదాలు నిర్వహించిన రెండు ప్రాంతాల్లోనూ పోలీసులు భారీగా మోహరించారు. ఈ సోదాల్లో నాగేశ్వరరావు భార్య, కుమార్తె ఆధ్వర్యంలో నడిచే కంపెనీతోపాటు స్టాల్‌లేక్‌లో నాగేశ్వరరావు భార్య సారథ్యంలో నడుస్తున్న ఓ కంపెనీ కూడా ఉన్నట్టు తెలుస్తోంది.

మరోవైపు శారదా కుంభకోణంతో సంబంధం ఉన్న తృణమూల్‌ కాంగ్రెస్‌ పార్టీ రాజ్యసభ సభ్యుడు ఎంపీ కునాల్‌ ఘోష్‌ను కూడా ఆదివారం షిల్లాంగ్‌లో విచారిస్తున్నట్టు తెలుస్తోంది. మొత్తం మీద ఇటు సీబీఐ, అటు బెంగాల్ పోలీసుల చర్యలతో బెంగాల్ పాలిటిక్స్ హీటెక్కాయి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle